#37 - Panyo
I
Heto na naman, at umiiyak na naman siya.
Sabay-sabay na naman ang mga luha niya.
Kailan kaya siya titigil at mapapagod
Iyakan ang taong dahilan ng kanyang pagluhod?
II
Palagi na lang siyang nagmamakaawa sa iba.
Hindi naman niya ito dapat ginagawa.
Bakit ba hindi siya lumingon rito sa tabi niya,
Sa akin, na tunay na nagmamahal sa kanya?
III
Isa siyang maharlikang dapat ingatan.
Siya ay hindi karapat-dapat na saktan.
Isa siyang anghel na mula sa langit.
Isang tunay na biyaya ang kanyang paglapit.
IV
Ang maggagawa na lamang ay simpleng pagpunas.
Nawa'y makatulong ako at sana'y ako ay maging lunas
Sa kanyang puso na unti-unting nadudurog
Kasabay ng araw na lumulubog.
V
Palagi ko na lang siya pangingitiin
Upang mabawasan ang sakit na nararamdaman ko rin.
Hahayaan na lang ang sarili na masaktan
Huwag lang siya hayaang malugmok sa kalungkutan.
YOU ARE READING
From Me To You (a compilation of poems)
Poetry🐝 Since 2016 🐝 In the past, it is titled as "Hugot Poems (English and Tagalog)." This is a compilation of Tagalog, and English poems. If you need to copy some pieces from my works, please do consult me by private messaging. If you just WANT my poe...
