شله مجانين. كاملة+قيد التعديل اللغوي

الفصل الثالث ( تم التعديل )

وتغادر ديما بعد تناولها بعض الطعام وتذهب للجامعة
.................
تدخل ريم الشركه سريعًا، وتصعد بالمصعد للطابق الخامس الذي وجد به مكتبها ويشترك فيه معاها اثنين اخرين وعند دخولها الغرفه تلاحظ الكثير من الملفات ولم يأت أحد بعد غيرها
قالت بتأفف وغيظ :
-اوف هو يوم باين من اوله كل دا ورق وعلى مكتبي مال الاثنين دول لزمتهم ايه ؟ .

ثم تردف بقلة حيلة وهي تستعد :

-.بسم الله الرحمن الرحيم يلا نبدأ .

............
عادت سارة لمنزلها بعد الكثير من البحث لتجد عمل ولكن كالعادة بدون فائدة وعند دلوفها تصرخ :

-ماما، مامااا انا جعانة مكلتش من الصبح .

يقابلها شقيقها يوسف هو وسلمي شقيقته التؤام وهما في الصف الرابع الابتدائي :

-ماما مش هنا راحت السوق .

تجلس سارة على اقرب كرسي بتافاف:
-اوف بقي طب مين الي هيعملي اكل ؟ .

سلمي بإستنكار :
-وانتي رحتي فين متعملي ل نفسك اكل ؟.

شدت ساره سلمى من تلابيبها وقالت بغيظ :
-اتلمي ابت وروحي العبي بعيد بدال ما اوريكي الوش التاني .

تدخل يوسف بهجوم :
-متضربيش اختي .

نظرت ساره ليوسف بغيظ ثم نقلت نظرها بينهم وقامت بدفع سلمى ارضا وقالت بنزق :

- امال انا ابقي مين يا ابني؟! مش اختك برضو ؟.

سلمي بتقرير وهي ترفع كتفيها :
-واقف مع الحق مش ظالم .
إستنكرت سارة ما تسمعه فقالت :

-انتي محسساني اني بعذبكو، وبطلي لماضه بقي وروحي حتيلي لما اكل .
هتفت سلمى بوجهها وهي تنهرها :
-مش مكسوفة من نفسك لما تكوني شحطة كبيرة كده وتقولي لبنوتة زي هاتي لما اكل .

يحمر وجهه سارة من الغضب ليعلموا انها سوف تقتلهم ان وصلو تحت يديها، فقال يوسف سريعًا وهو يسحب شقيقته ورائه :
-اجري بسرعة لتكولنا وهي جعانة .
ركضت سارة محاولة الوصول لاحد منهم :

-بت، ولا، تعالوا هنا .

ظلت تركض وراهم ولكنهم اسرع ودلفوا لغرفتهم واغلقو الباب بوجهها فتركل الباب بقدمها، ثم تمتمت :
"طب انا هاكل مين دلوقتي "
.....................

تدخل ايمي شركة عز وتصعد على السلالم فهي تخشى المصاعد وتقول عند وصولها وهي تنهج :

- لما اسلم على ريم الاول .
وتذهب ل ريم فسندت على باب الغرفة فتجد ريم امامها العديد من الملفات ولا تشعر بشيء قالت بغته :
-كل دول ملفات ؟ .

فزعت ريم لتقول :
-حرام عليكي يا بنتي، طلعي صوت اعملي اي حاجة .

بررت إيمي وهي تقول بمزح :

-اعمل ايه انتي الي غرقانه في الملفات وبعدين انا بحب اشوفك وانتي مخضوضة .

ثم أردفت وهي تنظر للاوراق امامها :
-بس ايه الملفات دي ؟ عوزين يطفشوكي ولا ايه ؟ .

ريم بملل وبإمتعاض :
-رايقة وفايقة ياختي بالله سبيني في حالي .

عندما وجدتها بتلك الحالة قالت :
-طب خلاص تحبي اساعدك .

ريم بسرعه وهي تستغل تلك الفرصة حملت العديد من الاوراق وتضعها في يد ايمي دون اعطائها الفرصة للرجوع في حديثها وتقول :

- ياريت خدي الاوراق دي صوريها اصلها اوراق مهمة والمدير عوزهم :

إيمي بتفاجأه :
-انتي مصدقتي دي عزومه مركبية .

ريم بقرار نهائي :

-لا خلاص انتي ادبستي فيهم .

دخل سامح ومنه زمايل ريم في المكتب والقوا التحيه وردو عليهم :

-طب انا همشي انا بقي، ومتنسيش هنمشي مع بعض عشان نروح لشله، يلا سلام .

يتبع

رايكم في الفصل