Heartbound

Heart 13: Tehnran

"But when you lean on fear and doubt..."

ZIRRIUS

The woods are getting darker and darker. Hindi na nasisinagan ng buwan ang bahaging ito ng kagubatan. Parang pumapasok kami sa isang malaking tunnel ng mga puno at halaman. Halos hindi na namin nakikita ang aming dinadaanan pero mukhang kabisadong-kabisado ni Savanna ang lugar na ito.

Akmang gagawa ako ng apoy upang ilawan ang daan pero pinigilan ni Savanna ang kamay ko. Halos tila anino na lang siya sa paningin ko dahil sa sobrang dilim ng paligid.

"You'll attract unwanted creatures," halos pabulong na wika niya. "They are sleeping. Don't wake them up."

Naikuyom ko ang kamao nang bitawan niya ang kamay ko. "Malayo pa ba tayo?" mahinang tanong ko habang ipinagpapatuloy ang paglalakad. Tahimik lang si Damon habang matiim na nagmamasid sa paligid.

"Wala pa tayo sa kalhati ng ating patutunguhan. Pero kailangan nating magmadali. Tiyak na malalagay sa panganib ang aking ama dahil sa paggamit niya ng mahika." Seryoso ang tinig ni Savanna. Mariin niyang ikinuyom ang kamao.

"Ano'ng ibig mong sabihin?" takang tanong ni Damon sa kanya. Maingay ang mga kuliglig sa paligid na tanging tunog na aming maririnig.

"In no time, the palace will detect his magic. Tiyak na huhulihin siya anumang oras at ipapapatay. And if he dies, that will be your fault. I won't forgive you," mariing sabi niya na ikinatigil ko.

"Bakit hindi mo sinabi sa 'min agad?" Magkahalong gulat at pagkainis ang tono ng boses ko. Mapapahamak din sina Avery. Mas matindi ang pag-aalalang nararamdaman ko dahil hindi siya nakakakita. My palms are sweating. I hope Kendrick and Ayen can save all of them. Darn! Hindi maaaring mawala si Shin o si Manong Theo. Wala dapat mapahamak sa kanila!

"If my father stop the ritual, the child will die. He knows he can no longer stop. Kailangan niyang gawin nang walang tigil ang ritwal at dahil doon, mas malaki ang tsansa na matunton siya ng mga kawal. Kahit sabihin ko sa inyo, hindi rin natin siya mapipigilan. He never abandoned a life before, especially not a child's life." Mabigat ang tinig niya.

"Kung ganu'n kailangan nating magmadali," mariing sabi ni Damon.

Tumatambol ang tibok ng puso ko. I can't calm down. I need to see them as soon as possible.

"Kill the magical nocturnal beast, Tehnran. That way, everything will be faster and easier. But I doubt it. Swerte na kung makakuha tayo kahit isang patak lang ng dugo niya," sagot niya. "I'll collect its blood. Keep it busy."

We walked for another hour. Minsan tumataas ang balahibo sa batok ko dahil tila may mga matang nagmamasid sa 'min. The woods are too dark for my human eyes. It will be better to use an elf eye in this kind of situation. May ilang paniki na biglang lumilipad sa kinatatayuan namin.

Sa 'di kalayuan, natanaw ko ang mga puno na magkakadikit ang mga katawan at halos gumawa ng korteng bilog. Their branches are entangled with each other that create a big dome. May iba't ibang uri ng ibon na nagpupugad sa ibabaw nito. Some of their feathers are burning of whiteness in the night. Sila ang nagbibigay liwanag sa buong paligid.