Kriminal Pala Ang Crush Ko

4 - Ang Magnanakaw

~ NICA ~

"MAGNANAKAAAAAAAAW!!!" sigaw ko.

"Magnanakaw? Asan yung magnanakaw!?" sigaw ni Papa nang nakarating siya sa kwarto ko at agad tinutuk ang baril kung saan-saan. "Ayun Pa! Nakita ko sa bintana! Galing yata sa bubung!" pasigaw kong sagot. Tumingin sa Papa sa labas, parang action scene sa isang pelikula ang nangyayari pero dito, nakarating agad ang pulis. "Wala na akong maaninag Nak, lalabas nalang ako, tignan ko kung mahuhuli ko pa." sabi ni Papa at agad lumabas ng bahay.

"Nak! Okay ka lang ba?" tanong ni Mama. "Oo Ma, medyo kinabahan lang." sagot ko. "Huwag kang mag-alala, samahan muna kita dito sa kwarto hanggang sa kumalma ka." sabi ni Mama. "Gusto mo bantayan kita habang nag-aaral? Alam kong mag-aaral ka pa." dagdag ni Mama. "Ahhhhh, huwag na Ma, no thanks. Ako nalang... Kaya ko naman eh." sabi ko. "Sige, ikaw bahala, matulog ka na pagkatapos." sabi naman ni Mama. "Sige Ma." sabat ko.

Mas nakukunsensya ako kay Mama, akala niyang buong gabi akong mag-aaral. Pero mas malakas ang takot ko, baka babalik yung magnanakaw. Haaay Nica. Positive thoughts. Positive thoughts. Think about your future. Future life. Future husband. Mag-aral na nga lang kaya ako? Ayan magbubukas na ako ng libr...

...

"Nak gumising ka na! Umaga na. May pasok ka di ba?" rinig kong gising ni Mama sa kin. "Ma? Umaga na pala." sabi ko. "Oo, nakatulog ka habang nag-aaral. Ayan oh, naiwan mong bukas ang libro." sabi ni Mama. "Nga pala Ma, anyare dun sa magnanakaw kagabi?" tanong ko. "Wala ng naabutan ang Papa mo. Wala rin naman daw report ng nakawan dito sa lugar natin. Sigurado ka bang nagnakaw yung lalaki? May kita ka bang dala?" tanong ni Mama. "...yata?" sagot ko. "Ewan Ma, malabo yung pagkakita ko sa kanyang kagabi." dagdag ko. "Oh sige, magmove on ka na sa nangyari, wala namang nanakawan at higit sa lahat, wala namang nasaktan. Maligo ka na." sabi naman ni Mama. Sumang-ayon naman ako. May pa move on move on pang nalalaman si Mama. Hay matatanda these days.

Pagdating ko sa school, agad kong binalitaan si Ayra sa nakita ko kagabi. "Oy! Baka isa sa mga kasama ni Dustin yun, pinagtangkaan kang patayin." sabi niya. "Grabe ha! Ikaw na si Ms. Pessimistic." sabi ko. "Alam mo, bawal bad vibes today, dahil malapit na birthday ko, dapat happy lang tayo." bawi niya. "Nga pala, anong plano mo sa birthday mo?" tanong ko. "Ewan, gusto ko lang makameet ng bagong lalaking mamahalin ako ng tapat at totoo." sagot niya. "Wooooow, ikaw na 'te! Grabe ka." comment ko. "Joke lang 'yun. Alam mo naman problema ko eh. Pero ha wow kung makapagcomment ka parang hindi rin ganun. At alam mo, araw-araw kong nararanasan yang may overly-attached bestfriend feeling ha. Araw-araw ka kayang ganito." sabi niya. "Okay fine. Pero di bagay sa 'yo, so stop it." sabi ko tas kinindatan siya.

Habang nag-uusap kami ni Ayra sa canteen, sa di inaasahang pangyayari, nakita ko nalang na nakatingin sakin si crush. OMG. Ang puso ko; tumatalon sa tuwa. Ang pisngi ko; ramdam kong pumupula na. Di ko mapigilan ang ngiti ko. "Hoy ugok! Bat parang antuwa mo?" tanong ni Ayra. Shinake ko siya at sinabi, "Bessss, nakatingin sa'kin si Dustin!" "Ano?" sabi ni Ayra nang di siya makapaniwala kaya siya mismo tumalikod para makita. At mas sumaya pa ang buhay ko nang napansin kong lumalapit siya sa amin. Ayan na... Ayan na siya sa harap ko... "Pwede ba tayong mag-usap Nicatrix?" tanong ng kanyang napakamalalim na boss.

Ano!?
Bakit!?
Nako, ang bilis naman ng pangyayari...
Magiging kami na yata...
Paano niya nalaman ang pangngalan ko?

"Oo naman. Hihihihi" sabi ko. Tumingin siya kay Ayra at sinabing "Yung tayong dalawa lang sana... kung pwede." Kaya ayun nagpa-ubaya si Ayra at umalis. "Pwede sa labas ng school tayo mag-usap?" tanong ni Dustin. "Nako, kahit sa bahay mo pa! Joke! Sige kahit saan basta tayong dalawa lang." sabi ko. Kaya lumabas kami ng school, at sa gilid ng daan kami nag-usap. Grabe naman siya, di man lang sa isang restaurant, o di kaya kahit sa 7 Eleven lang. Pero 'di bale na, love ko pa rin siya.

"May gusto kasi sana akong tanungin sayo." sabi ni Dustin. "Sige na go, kanina pa ako excited." sabat ko naman. "Nicatrix, it's..." sabi niya pero pinutol ko. Nakasandal yung daliri ko sa mga labi niya at nagsabing "Nica nalang."

Nabigla yata siya sa ginawa ko. May masama ba dun?

"Oh sige. Nica. May importante kasi akong gustong itanong sayo." sabi niya.

Naku, proposal agad?

Nanakawin niya na yata ang "oo" ko.

Teka lang, di pa ako ready!

Ito na ba ang simula ng forever naming dalawa?