{ Unicode }
" အူဝဲ....."
တိတ်ဆိတ်နေတဲ့ညအချိန်မှာ ကျယ်လောင်စွာထွက်လာတဲ့ သမီးရဲ့ငိုသံကြောင့် ဂျီမင် အလန့်တကြား နိုးလာရလေတယ် ။ ဒါကြောင့် ကမန်းကတန်း အိပ်ရာကထရန်ပြင်လိုက်ပေမယ့် သူ့ထပ်မြန်တဲ့ ယွန်းဂီက သမီးရဲ့ပုခက်နားရောက်သွားခဲ့ပြီဖြစ်လေတယ် ။
" Appa ရှိတယ်နော် သမီးလေး...."
ပုခက်ထဲမှာ ခြေကားယား လက်ကားယားနဲ့အိပ်ပျော်နေတဲ့သမီးကို လက်တစ်ဖက်နဲ့ပွေ့ချီရင်းနဲ့ပဲ ကျန်လက်တစ်ဖက်နဲ့ ခုနကတည်းက ဖျော်ထားတဲ့ နို့ဘူးကို နွေးသွားစေရန် ရေနွေးလေးစိမ်လိုက်လေတယ် ။
" ငါလုပ်ပေးမယ်လေ မင်းက သမီးတစ်ဖက်နဲ့ကို...."
" ရပါတယ်ကွာ ဒီလောက်ကတော့ ကိုယ်လုပ်နိုင်ပါတယ်... ပြန်အိပ် ပြန်အိပ်..."
ယွန်းဂီက အဆင်ပြေတယ်ဆိုလို့ ဂျီမင် အိပ်ရာပေါ်မှာ ပြန်လှဲနေလိုက်တယ် ။ မျက်လုံးတွေကျိန်းစက်ပြီး အိပ်ချင်နေပေမယ့်လည်း ချက်ချင်းပြန်အိပ်မပျော်ပဲ သမီးကိုချော့နေတဲ့ ယွန်းဂီရဲ့အသံကိုကြားနေရလေတယ် ။
" Appa သမီးလေးက ဗိုက်ဆာနေတာပေါ့လေ... အချစ်ကလေးက..."
အခုဆိုရင် သမီးလေးက တစ်လပြည့်တော့မယ်ဖြစ်လေတယ် ။ ဒီအတောအတွင်း သမီးရဲ့ ဝေယျာဝစ္စမှန်သမျှ ယွန်းဂီကပဲ အကုန်သိမ်းကျုံးလုပ်ပေးလေတယ် ။