{ Unicode }
" ဂျီမင်ရေ ကိုယ်တို့ ဈေးဝယ်ထွက်ကြမလား...."
ရေခဲသေတ္တာကိုဖွင့်ကြည့်ပြီး ဘာစားစရာမှသိပ်မရှိတော့တာကြောင့် ယွန်းဂီ မေးလိုက်မိလေတယ် ။
" အင်း သွားကြမယ်လေ... ငါလည်း အိမ်ထဲမှာပဲနေရတော့ နည်းနည်း ငြီးစီစီဖြစ်နေပြီ..."
" ဒါဆို အဝတ်အစားလဲလိုက်ဦး... ခနနေသွားကြမယ်...."
" အိုကေ...."
မကွာရှင်းတော့ဘူးလို့ ဆုံးဖြတ်ပြီးနောက်မှာ သူတို့ အရင်ကထပ်ပိုနီးစပ်လာကြလေတယ် ။ ဂျီမင်က ကိုယ်ဝန်ယူရန်ကြိုးစားနေတဲ့ကာလမို့လို့ အိမ်မှာပဲနားနေသလို ယွန်းဂီကလည်း အတူနေနေပေးလေတယ် ။
ဒါကြောင့် တစ်နေ့တစ်နေ့ အိမ်မှာ အတူတူ ချက်ပြုတ်စားသောက်ရင်း တကယ့် အိမ်ထောင်ရှင်တွေရဲ့ဘဝကိုခံစားမိနေကြတယ် ။ အခုဆိုရင် ညအိပ်ရင် ဂျီမင်ရဲ့အခန်းမှာဖြစ်ဖြစ် ယွန်းဂီရဲ့အခန်းမှာဖြစ်ဖြစ် အတူအိပ်ဖြစ်ကြတယ် ။
အတူနေတာကိုတော့ ဆရာဝန်ညွှန်ကြားတဲ့ရက်မှာသာနေဖို့ဆုံးဖြတ်ထားတာကြောင့် တစ်ယောက်နဲ့တစ်ယောက်ဖက်ပြီးတော့သာ အိပ်ဖြစ်လေတယ် ။
အရင်က သူစိမ်းတစ်ယောက်နဲ့ နီးနီးကပ်ကပ်နေရမှာကို မကြိုက်တဲ့ ဂျီမင်က အခုတော့ ယွန်းဂီရဲ့ရင်ခွင်ထဲမှာအိပ်ရတာကို နေသားကျနေပြီဖြစ်လေတယ် ။