{ Unicode }
အိပ်ရာက နိုးတာနဲ့ ပျို့တက်လာတာကို ခံစားမိရတာကြောင့် ဂျီမင် ချက်ချင်း ရေချိုးခန်းထဲ ပြေးသွားပြီး ဘေစင်ထဲမှာ အန်ချလိုက်မိတယ် ။
" အဆင်ပြေရဲ့လား ဂျီမင်...."
အနောက်ကနေပါလာတဲ့ ယွန်းဂီက ဂျီမင်ရဲ့ကျောကိုပွတ်သပ်ပေးရင်းမေးလာတာကို ဂျီမင် ခေါင်းငုံ့ကာအဖြေပေးလိုက်ပြီး ရေဖွင့်ချကာ ပလုတ်ကျင်းလိုက်မိတယ် ။
အခုဆိုရင် နေ့တိုင်း မနက်မိုးလင်းတာနဲ့ ပျို့တက်ပြီး အန်မိလေတယ် ။ ဆရာဝန်ကတော့ ကိုယ်ဝန်လနုတုန်းမှာ ဒီလိုပဲ မအီမသာဖြစ်ပြီး morning sickness ခံစားရမယ် ပြောလေတယ် ။
ဒီဝေဒနာတွေခံစားရတော့မှသာ ကိုယ်ဝန်ဆောင်ရတာ ခက်ခဲပင်ပန်းတယ်ဆိုတာ ဂျီမင် လက်ခံမိလေတယ် ။ သို့သော်လည်း ဒါဟာ သူ့ရဲ့ရင်သွေးလေးကြောင့် ဖြစ်ရတဲ့ဝေဒနာဖြစ်တဲ့အတွက်ကြောင့် ဂျီမင် ခံနိုင်ရည်ရှိအောင် ကြိုးစားနေမိတယ် ။
အခုဆိုရင် ဂျီမင်ရဲ့ ကိုယ်ဝန်က ၃ လထဲရောက်နေပြီဖြစ်လေတယ် ။ တစ်နေ့ တစ်နေ့ သူ့ရဲ့ဗိုက်ထဲမှာ ကလေးလေးရှင်သန်လာတာကို ခံစားရင်းနဲ့ ရလာတဲ့ဝေဒနာမှန်သမျှကို ရင်ဆိုင်နေမိလေတယ် ။
ဂျီမင် အိပ်ရာထဲကို ပြန်သွားတော့ ယွန်းဂီ တွဲပြီး လိုက်ပို့ပေးလေတယ် ။ ဂျီမင်ကို အိပ်ရာပေါ်သေချာတင်ပေးကာ စောင်ခြုံပေးပြီး ပြန်အိပ်စေလိုက်တယ် ။