{ Unicode }
" ဥက္ကဠ ဒါလေးတွေလက်မှတ်ထိုးပေးပါနော်..."
အတွင်းရေးမှူးလာပေးတဲ့ ဖိုင်တွဲကို ယူကာ သေချာစစ်ဆေးလိုက်ပြီးနောက် ဂျီမင် လက်မှတ်ထိုးလိုက်တယ် ။
" ဒီနေ့အတွက် ဘာအစီအစဉ်တွေရှိသေးလဲ..."
" ဘာမှမရှိတော့ပါဘူးရှင့်..."
ဂျီမင် နားလည်ပြီဖြစ်ကြောင်း
ခေါင်းငြိမ့်ပြလိုက်တော့ အတွင်းရေးမှူမလေးက ခေါင်းညွှတ်ပြီး အခန်းထဲကထွက်သွားလေတော့တယ် ။
ဂျီမင်ရဲ့တစ်နေ့တာဟာ ဒီလိုနဲ့ပဲ လည်ပတ်နေရတာပါပဲ ။ ကုမ္ပဏီနဲ့အိမ် အိမ်နဲ့ကုမ္ပဏီကလွဲပြီး ဘယ်မှလည်းမသွားဖြစ်သလို ဘာမှလည်း စိတ်မဝင်စားခဲ့ပေ ။
အခုတော့ သူ့ဘဝထဲကို သူစိမ်းတစ်ယောက် ဝင်လာခဲ့ပြီဖြစ်တယ် ။ အရင်ကတော့ အတူနေကြတဲ့ ၂ နှစ်အတွင်း ဒီအတိုင်း အေးဆေးသာနေပြီး ရင်းနှီးရန်လည်းစိတ်ကူးမရှိခဲ့ပေ ။
အခုတော့ တဖြည်းဖြည်းနဲ့ ယွန်းဂီ နဲ့ရင်းနှီးလာခဲ့ပြီဖြစ်တယ် ။ သူငယ်ချင်းတစ်ယောက်မှမရှိတဲ့ သူ့အတွက် ယွန်းဂီက သူငယ်ချင်းတစ်ယောက်လိုခံစားရစေလေတယ် ။
သူနဲ့စာရင် ယွန်းဂီ ကဆန့်ကျင်ဘက်ဖြစ်လေတယ် ။ နေ့တိုင်း ယွန်းဂီကအကြောင်းအရာမျိုးစုံကိုပြောပြသလောက် ဂျီမင်ကတော့ ပြောစရာရယ်လို့ တိတိပပမရှိပဲ နားထောင်သူသက်သက်သာဖြစ်လေတယ် ။
