{ Unicode }
မနက်အိပ်ရာထကတည်းက လူက မိုက်ခနဲတစ်ချက်ဖြစ်သွားတာကြောင့် အိပ်ရာပေါ်မှာ အသာပြန်မှေးနေလိုက်ရတယ် ။ မိနစ်အနည်းငယ်ကြာတော့မှပြန်ထကြည့်လိုက်တော့ အဆင်ပြေသွားခဲ့လေတယ် ။
ကိုယ်ဝန်ဆောင်ရန်အတွက် ဆေးတွေသောက်ရပြီးနောက်ပိုင်းမှာ ဂျီမင် အားမရှိသလိုခံစားရလေတယ် ။ တစ်ခါတလေ အခုလို အိပ်ရာထရင် မိုက်ခနဲလည်းဖြစ်သွားတတ်သေးတယ် ။
ဒါပေမယ့်လည်း ဂျီမင် ပြိုလဲမကျပဲ အားတင်းထားနိုင်သေးတယ် ။ ဒီလောက်လေးနဲ့ လဲကျသွားလို့တော့ဘယ်ဖြစ်ပါ့မလဲ ။ သူသာလဲကျသွားရင် အလုပ်ကိစ္စတွေအကုန် ကမောက်ကမဖြစ်သွားနိုင်တယ်လေ ။
မျက်နှာသစ်နေရင်း မှန်ထဲကမြင်လိုက်ရတဲ့ မျက်နှာဟာ တော်တော်ချောင်ကျသွားတယ်ဆိုတာ သတိထားလိုက်မိတယ် ။ ဘာကိုပဲလုပ်လုပ် အားမရှိသလိုခံစားနေရသော်လည်း ရေချိုး အဝတ်အစားလဲတာကို ခပ်သွက်သွက်လုပ်ပြီး အလုပ်သွားရန်ပြင်လိုက်တယ် ။
သူ မနက်စာပြင်ရန် ထမင်းစားခန်းထဲဝင်လိုက်တော့ ယွန်းဂီကရောက်နေပြီဖြစ်တယ် ။ အခုတလော ယွန်းဂီက သူ့ထပ်အရင်ဦးအောင် ထပြီး မနက်စာပြင်ပေးတတ်လေတယ် ။
" ဒီနေ့တော့ မနေ့ကတည်းက ဝယ်ထားတဲ့ ကြက်ပေါင်းလေးနဲ့ခေါက်ဆွဲပြုတ်လုပ်ထားတယ်... များများစားရမယ်နော် ဂျီမင်..."