{ Unicode }
မှန်ရှေ့မှာ ရပ်ပြီး အင်္ကျီတစ်ထည်ပြီးတစ်ထည်ကိုယ်မှာကပ်ကြည့်နေတဲ့ ဗိုက်ပူလေးကို ယွန်းဂီ ပြုံးပြီးတော့သာ ကြည့်နေမိလေတယ် ။
" ဘယ်ဟာ ငါနဲ့ပိုလိုက်လဲဟင် ယွန်းဂီ..."
" ဘာပဲဖြစ်ဖြစ်အကုန်လိုက်ပါတယ်ကွာ..."
" ဟာ... အဲ့လိုအလွယ်မဖြေနဲ့လေ..."
ယွန်းဂီ ဖြေလိုက်တာကို သဘောမကျစွာနဲ့ ခြေဆောင့်နေလေတဲ့ ဂျီမင်ကြောင့် ယွန်းဂီမှာ ရယ်ချင်စိတ်ကိုထိန်းလိုက်မိလေတယ် ။
" ပန်းနုရောင်လေးဆို မင်းနဲ့ပိုလိုက်တယ်..."
" အိုကေ...."
ယွန်းဂီ ထိုသို့ဖြေလိုက်တော့မှသာ ဂျီမင် စိတ်ကျေနပ်သွားပြီး ပန်းနုရောင် ရှပ်အင်္ကျီကိုဝတ်လိုက်လေတယ် ။ အခုဆိုရင် ဂျီမင်ရဲ့ ကိုယ်ဝန်က ၆ လကျော်ထဲရောက်နေပြီဖြစ်လေတယ် ။
ဒါကြောင့် ဂျီမင်ရဲ့ဗိုက်လေးက သိသိသာသာပူထွက်လာနေခဲ့ပြီဖြစ်လေတယ် ။ ကိုယ်ဝန်လရင့်သည်နှင့်အမျှ ဂျီမင်ရဲ့အလှကြိုက်တဲ့စိတ်တွေကလည်း ပိုတိုးလာခဲ့လေတယ် ။
အခုလည်းကြည့်လေ အိမ်နေရင်းဝတ်ဖို့အင်္ကျီကိုတောင် ရွေးနေရတာ သူ့မှာ ဝတ်ရတော့လည်း တီရှပ်အပွတွေ ရှပ်အင်္ကျီအပွတွေကိုပဲ ဝတ်ရတာကိုတောင် ကိုဗိုက်ပူလေးဟာ သိပ်ကိုလှချင်နေတယ်လေ ။
