[ Unicode ]
" မနက်ဖြန် ညနေ အားလား ယွန်းဂီ...."
နှစ်ယောက်အတူ ညနေစာစားနေတုန်းမှာပဲ ဂျီမင်က ရုတ်တရက်ကြီးထမေးလာလေတယ် ။
" အင်း အားပါတယ် ဘာလို့လဲ..."
" ငါ မနက်ဖြန် ညစာစားပွဲတစ်ခုတက်စရာရှိတယ် မင်းကိုပါ ခေါ်သွားချင်လို့ အဆင်ပြေမလား...."
" အဆင်ပြေတာပေါ့.....လိုက်ခဲ့မယ်လေ...."
" အင်း ကျေးဇူး...."
ဒါလေးကိုတောင် ကျေးဇူးတင်စကားပြောနေတဲ့ ဂျီမင် ကို ယွန်းဂီ မလိုပါဘူးကွာဟု ပြန်ပြောချင်ပေမယ့်လည်း ပြန်မပြောဖြစ်တော့ပေ ။ တကယ်ဆို သူတို့နှစ်ယောက်ဟာ လက်ထပ်ထားကြသူတွေပဲလေ ယွန်းဂီ ကို ဒီလိုကိစ္စအတွက်နဲ့ ကျေးဇူးတင်စကားပြောစရာမှမလိုတာပဲ ။
" မင်းရဲ့ထုတ်ကုန်အသစ်ဒီနေ့စထုတ်တယ်ဆို..."
" အင်း ဟုတ်တယ်... ထင်ထားတာထပ်လူကြိုက်ပိုများတယ်..."
" ကိုယ် ပြောသားပဲ... အဲ့ဒါလေးက အဆင်ပြေမှာလို့...."
သူတို့နှစ်ယောက်ကြားမှာ ရင်းနှီးလာပြီဆိုသော်လည်း ပြောစရာအကြောင်းအရာက အလုပ်အကြောင်းသာရှိလေတယ် ။
ယွန်းဂီက သူကြိုက်တဲ့သီချင်းတွေ ရုပ်ရှင်တွေအကြောင်း ပြောပေမယ့် ဂျီမင်ကဘာမှမသိတာကြောင့် အလုပ်အကြောင်းကိုသာ ပြောဖြစ်ကြတယ်လေ ။
" မနက်ဖြန် မင်း အလုပ်ဆင်းချိန် ငါလာကြိုမယ် အတူသွားကြတာပေါ့...."
