{ Unicode }
" ဒီနေ့စစ်ဆေးထားတဲ့ရလဒ်အရဆိုရင် ကိုယ်ဝန်ဆောင်လို့ရပါပြီ.... ကိုယ်ဝန်ဆောင်ဖို့အဆင်သင့်ဖြစ်နေပါပြီ...."
ဆရာဝန်ရဲ့စကားကြောင့် ဂျီမင်ရော ယွန်းဂီပါ ပျော်ရွှင်သွားရလေတယ် ။ ဒီလိုစကားကိုကြားရဖို့ သူတို့စောင့်နေကြရတာလေ ။ ဂျီမင်ရဲ့အပင်ပန်းခံကြိုးစားရသမျှတွေက အခုတော့ အရာထင်သွားခဲ့ပြီဖြစ်လေတယ် ။
ဒီစကားကိုကြားရရန်အတွက် ဂျီမင် လနဲ့ချီပြီး ဟော်မုန်းဆေးတွေသောက်ခဲ့ရတာလေ ။ အလုပ်မှာ မူးလဲကျလောက်တဲ့အထိ ဒုက္ခခံခဲ့ရတာ အခုတော့ သူ့ရဲ့ဒုက္ခခံရကျိုးနပ်သွားပြီဖြစ်လေတယ် ။
ဒါကြောင့်လည်း သူတို့နှစ်ယောက် ဝမ်းသာစွာနဲ့ တစ်ယောက်လက်ကိုတစ်ယောက်ဆုပ်ကိုင်ထားလိုက်မိတယ် ။
" ကျေးဇူးတင်ပါတယ် ဒေါက်တာ... အခုလိုအဆင်ပြေသွားတာက ဒေါက်တာ့ရဲ့လမ်းညွှန်မှုကြောင့်ပါပဲ..."
" ရပါတယ် ....ကျေးဇူးတင်လည်းမစောကြပါနဲ့ဦး... အခုက ကိုယ်ဝန်ဆောင်လို့ရတဲ့အခြေအနေကိုရောက်နေပြီလို့ပဲပြောတာလေ ကိုယ်ဝန်ရသေးတာမှာမဟုတ်တာ... ကိုယ်ဝန်ရဖို့ကတော့ နှစ်ယောက်လုံးအတူကြိုးစားကြမှဖြစ်မှာပါ...."
ဆရာဝန်ကထိုသို့ပြောလိုက်တော့ ခုနကလက်ကိုတွဲထားတာကိုတောင် ဖြုတ်မိသွားရအောင် နှစ်ယောက်လုံးရှက်သွားကြရတယ် ။ ဟုတ်တာပဲ ကိုယ်ဝန်ရဖို့ဆိုတာ သူတို့နှစ်ယောက် အတူနေမှဖြစ်မှာလေ ။ ဒီ အရေးအကြီးဆုံးအချက်ကို သူတို့နှစ်ယောက်လုံး မေ့နေမိခဲ့ကြလေတယ် ။
