( Unicode )
" ဖြေးဖြေး ကိုယ့်လက်ကိုအားပြုပြီးထ..."
" ကျွတ် ကျွတ်..."
ပါးစပ်ကနေ တကျွတ်ကျွတ်အသံပေးကာဖြင့် ယွန်းဂီ လက်ကိုအားပြုကာ ထလိုက်မိတယ် ။ အခုဆိုရင် ကိုယ်ဝန်က နေ့စေ့လစေ့ ဖြစ်နေပြီဖြစ်တာကြောင့် ထရထိုင်ရတာ အဆင်မပြေတော့ပေ ။
အခုလည်း အိမ်သာက ထဖို့ကိုတောင် ယွန်းဂီရဲ့အကူအညီယူကာထရလေတယ် ။ ကလေးက ဆီးအိမ်ကို ဖိထားတာဖြစ်တဲ့အတွက်ကြောင့် အိမ်သာကိုလည်း ခနခနသွားနေရတယ်လေ ။
ယွန်းဂီကတော့ သူ့ကို ကိုယ်ဝန်ဆောင်သည်တွေဝတ်တဲ့ ဒိုက်ဘာ ဝတ်ရန်ပြောပေမယ့် ဂျီမင်က မနေတတ်တာကြောင့် မဝတ်ဖြစ်ပေ ။
ဒါကြောင့် အိမ်သာခနခနသွားရတဲ့ ဒုက္ခကိုခံစားနေရတော့လေတယ် ။ အိမ်သာကပြန်ထွက်လာပြီး ဆိုဖာမှာထိုင်တော့လည်း ဖြေးဖြေးချင်းသတိထားပြီးထိုင်ရလေတယ် ။
ကိုယ်ဝန်လရင့်လာသည်နဲ့အမျှ လူက လှုပ်ရှားသွားလာလို့ မကောင်းတော့ဘူး ဖြစ်လာလေတယ် ။
" လိုအပ်တဲ့ ပစ္စည်းတွေ အခုကတည်းက သေချာပြင်ထားနော် ယွန်းဂီ..."
" အင်းပါ ကိုယ်လိုတာတွေ အားလုံးထည့်ထားတယ်... အနှီးရော နို့ဘူးနဲ့ အဝတ်အစားတွေရော ထည့်ထားပြီးပြီ...."
မနက်ဖြန်ကစပြီး ဂျီမင် ဆေးရုံတက်ရမည်ဖြစ်တာကြောင့် ဆေးရုံယူသွားရန် လိုအပ်သည့်ပစ္စည်းတွေကို အခုကတည်းက ထည့်ထားခြင်းဖြစ်လေတယ် ။
