{ Unicode }
" ဒီမှာပါ အဖေကျွန်တော့်ကိုလုပ်ခိုင်းထားတဲ့ project နဲ့ပတ်သတ်တဲ့အစီရင်ခံစာ...."
အဖေက ယွန်းဂီကို တစ်ချက်ကြည့်ပြီးနောက် ယွန်းဂီ ပေးတဲ့ဖိုင်တွဲကိုယူပြီး စစ်ဆေးနေလေတယ် ။ ပုံမှန်အချိန်ဆို ယွန်းဂီ စိတ်လှုပ်ရှားနေမှာဖြစ်ပေမယ့် အခုတော့ တည်တည်ငြိမ်ငြိမ်နဲ့ရှိနေခဲ့လေတယ် ။
ဘာကြောင့်လဲဆိုတော့ သူ့ရဲ့ project မှာရှိနေတဲ့လိုအပ်ချက်တွေအားလုံးကို ဂျီမင်ကပြောပေးလိုက်တယ်လေ ။ ထိုအချက်တွေပြင်ပြီးနောက်မှာတော့ သူ့ရဲ့ project ဟာပြီးပြည့်စုံသွားပြီဆိုတာ ယွန်းဂီ သိနေလေတယ် ။
" တော်တယ်...."
တစ်ခွန်းတည်း ခပ်ပြတ်ပြတ်ပြောပေမယ့် ချီးကျူးစကားဖြစ်နေတာကြောင့် ယွန်းဂီ ကျေနပ်မိသွားရလေတယ် ။ အရင်ကဆိုရင် အဖေ့ဆီက ချီးကျူးစကားတစ်ခါမှမကြားခဲ့ရဘူးလေ ။ လိုအပ်ချက်တွေရှိသေးတယ် ။ ဒီလောက်လေးမလုပ်နိုင်ဘူးလားဆိုတဲ့ ဆူတဲ့စကားတွေလောက်သာကြားခဲ့ရတယ် ။
" ဒီအခြေအနေအတိုင်းဆက်ကြိုးစားမယ်ဆိုရင် ဒီနှစ်မကုန်ခင် မင်းကိုငါ ကုမ္ပဏီကိုလွှဲပေးလို့ရနိုင်ပြီ... ပိုပြီးတိုးတက်လာတာပဲမြင်ချင်တယ်...."
" ဟုတ်ကဲ့ပါ အဖေ စိတ်ချပါ...."
အဖေ့ရုံးခန်းထဲက ပြန်ထွက်လာပြီးနောက်မှာတော့ ယွန်းဂီ ပျော်နေတာကြောင့် ဂျီမင်ဆီကို ဖုန်းဆက်လိုက်မိတယ် ။