[ Unicode ]
တစ်ယောက်တည်း ပျင်းရိစွာဖြင့် ဧည့်ခန်းမှာထိုင်ပြီး တီဗီကြည့်နေမိခဲ့တယ် ။ တိုင်မှာကပ်ထားတဲ့ နာရီကိုကြည့်လိုက်တော့ ည ၇ နာရီထိုးနေပြီဖြစ်တယ် ။ သို့သော်လည်း ဂျီမင် အခုထိပြန်မရောက်သေးပေ ။ ဒါကြောင့် အိမ်မှာ ယွန်းဂီ တစ်ယောက်တည်း ပျင်းရိနေခဲ့ရတယ် ။
တကယ်တော့လည်း အိမ်မှာ နှစ်ယောက်အတူရှိတာနဲ့ တစ်ယောက်တည်းရှိတဲ့အချိန်က ဘာမှကွာခြားတာမှမဟုတ်တာလေ ။ နှစ်ယောက်လုံးရှိနေရင် တစ်ယောက်နဲ့တစ်ယောက် မျက်နှာချင်းဆိုင်စုံနေချိန်မှာ စကားတစ်ခွန်း နှစ်ခွန်းပြောကြတာပဲရှိတာလေ ။
ထိုအချိန်မှာပဲ ယွန်းဂီရဲ့ဖုန်းမြည်လာတာကြောင့် ကြည့်လိုက်တော့ နမ်ဂျွန်းဆီကဖြစ်နေခဲ့လေတယ် ။
* ဟဲလို...*
* ဟေ့ကောင် ဘာတွေလုပ်နေလဲ....*
* တီဗီကြည့်နေတယ် ဘာလုပ်မလို့လဲ...*
တီဗီကလည်းဖွင့်သာဖွင့်ထားသည် ဘာကြည့ရမှန်းမသိအောင်ဖြစ်နေတာကြောင့် လိုင်းတွေတစ်လိုင်းပြီးတစ်လိုင်းပြောင်းရင်းနဲ့ နမ်ဂျွန်းကိုဖုန်းပြောနေလိုက်တယ် ။
* မတွေ့ရတာကြာလို့ပေါ့ကွာ... ဒါနဲ့ မင်းအမျိုးသားလေးရော....*
* အခုထိ အလုပ်မှာ ပြန်မလာသေးဘူး....*
* ဒါဆို ငါတို့ဆီလာခဲ့ပါလား... ငါတို့ အခုအသစ်ဖွင့်တဲ့ ဘားမှာရောက်နေတာ မိုက်တယ် ဟေ့ကောင်ရေ...*