وتغيرت الأقدار

الأب 14

شقة سالم .الصالة لايوجد بها سوى كراسى بلاستيك وسفرة ,, يرن جرس الباب وتفتح سنية ويظهر امامها موظف التحصيل: وصل الكهرباء..

إرتبكت سنية: معلش ياخويا تيجى وقت تانى جوزى مش موجود و...

إسمعى بقى دى ثالث مرة آجى, انا مش بأشتغل عندك .. الوصولات المتأخرة تندفع يا إما هانقطع الكهرباء ..

ظروفنا دلوقتى مش قد كده استسمحك بس كام يوم.

هى الشركة بتاعتى ياست؟؟ انا محصل , هاسلم الوصولات المتأخرة للشركة وإنتو احرار بقى...

إبتعد المحصل وأغلقت سنية الباب وقالت: منك لله ياسالم

دخلت لحجرة النوم وهى متحفزة ونرت لزوجها النائم قم نزعت عنه الغطاء وبدأت تدفعه..

قوم قوم ياسالم وكلمنى ..

إيه ياولية هو الواحد ميعرفش يرتاح شوية.

ترتاح!! ترتاح من إيه؟ إنت قاعد بقالك سنة لاشغلة ولامشغلة..

بأدور على شغل ومش لاقى..

كان عندك شغلك وإنت اللى ضيعته..

جلس سالم وقال بغضب: يووه إنتى كل يوم تصحينى على الإسطوانة دى ؟؟

أعمل لك إيه؟ المحصل جه وعايز الوصولات يا إما هايقطعو الكهرباء والديانة بيخبطو علينا كل شوية والكل عايز فلوسه... ماتقوم تتصرف...

أنا خلاص قربت الاقى العيال و..

قاطعته سنية: يووه بقالك أكتر من 4 سنين بتقول نفس الكلام ... ضيعت الفلوس اللى حيلتنا وإترفدت من شغلك وقاعد عالة وملقيتش حاجة ولاهاتلاقى..

ياشيخة تفى من بوقك.. هالاقيهم وساعتها هاجيب لك فلوس كتير..

موت ياحمار... ياراجل فوق لنفسك بقى.. العيال خلاص مش هاتلاقيهم قلت لك زمان اللى خدهم سفرهم برة مصر...

وليه تقفليها فى وشى ؟

علشان هى مقفولة ياسالم .... إحنا خلاص إستلفنا من طوب الأرض حتى الأنتريه والشاشة بعتهم.. مستنى إيه لما ننام على البلاط؟؟

أصبرى شوية ... لازم ألاقيهم... أقول لك أنا هابيع الصالون و...

لأ ورحمة امى مانت بايع حاجة تانى ..

رن هاتف سنية فأمسكته لتجيب وقالت: أيوه يابابا .... لأ طبعا منين؟؟ ............شغل!! بجد ..... قولى العنوان ... ...يروح الساعة كام؟ ....... حاضر.. حاضر....

أنهت مكلمتها ونظرت لسالم وهى تقول: أبويا جاب لك شغل تانى ..

والمرتب كام؟؟