شـقّ الـغَـمـام

(٤٤)

..(٤٤)..
لاحول ولاقوة الا بالله
سبحان الله وبحمده سبحان الله العظيم
اللهم صل وسلم على نبينا محمد
-
............................................................
         الليل
............................................................
<<مجلس الشيخ>>
سطام جالس بهدوء رغم ملامحه المرتسم عليها الغضب يكبح نفسه بكل مرة يسمع شكاوي لاينفجر فيهم
ابو عايد جلس جنبه/مسيت بالخير ياشيخ
سطام رد بضيق خلق واضح/مسيت بالنور ياعم
ابو عايد/سحاب قطعت الراتب عنّا
سطام/علمتكم مالي بهالرواتب قدرة ولا هي ملزمة علي ولا لي بسحاب شيٍ ابد
ابو عايد/بغيناك توسط لنا عندها
سطام بقهر/مالي بسحاب شي ياابو عايد اقطع الطاري عنا
ابو عايد تنهد/ياشيخ والشعير قطعوه عن حلالنا 
سطام/دريت
ابو عايد/مير هينة ذي الراعي مايقصر ان شاء الله
سطام اخذ نفس/قول اللي وراك ياابو عايد
ابو عايد/ياشيخ انقطعت معونة الخيرية
سطام عقد حواجبه باهتمام
ابو عايد/ويوم عمدتهم يقولون انهم مشرفين عالحالة وماحنا بحاجة
سطام مرر نظره عليهم/يابني سمار مركم احد؟
//اجابوا بالنفي//
ابو عايد/مير حتى يوم علمتهم سكتوني ياشيخ وطردوني
سطام عقد حواجبه/ انا احلها ان شاء
............................................................
<<بيت ظاهر>>
ظاهر دخل للبيت وجواله باذنه/ايه وصلت شوي ان شاء الله واكون عندك
نور/اجهز العشا
ظاهر/لا لا ارتاحي انا بأجهزه لا جيتك
نور/طيب
ظاهر/فمان الله/قفل عقد حواجبه من الظلام اللي يلفه انتصف البيت ووقف من وصل لاذنه صوت التلفزيون المتمثل برمي رصاص مختلط باصوات قنابل تسارعت نبضات قلبه بلع ريقه وبدا يتعرق لف راجع طريقه بخطوات سريعة بيخرج وقف من سمع بكاها/
وداد بانهيار/ضاري يمه ضاري رد علي علامك
ظاهر شد على قبضته برجفة قلبه الخايف من اللي يسمعه والمرعوب بنفس الوقت على ولده لف ورجع طريقه يجري متجه لها متجاهل كل الدلالات الواضحة لعقله وعينه دخل لغرفة ضاري بوجهه الشاحب/علامه ضاري وش به/اتسعت عيونه/
وداد الواقفة ورا الباب بانتظاره اول ماخطى لغرفة ضاري خرجت من ورا الباب وخرجت من الغرفة قافلة الباب وراها بالمفتاح
ظاهر ناظر السرير لبسه العسكري وحتى فرده موجود
وداد جلست قبال باب غرفة ضاري عالكنبة بابتسامة/تكفى ياظاهر تكفى لاتردني
ظاهر انحنى شبه جالس بانفاسه السريعة يقاوم انهياره بيأس يدري غمض عيونه يحاول يلقط انفاسه مثل ماتعلم من المقاطع ماتحمل ولا قدر يسيطر على نفسه فز واقف اخذ الفرد واطلق رصاصة على مقبض الباب
وداد خارج الغرفة ابتسمت برضا وظلت بمكانها تنتظر هيجانه المجنون
.
<<بيت نور>>
ضاري جالس جنبها يتابع انمي عالشاشة
نور جالسة جنبه تتابع معه وكل شوي عينها عالساعة باستغراب من تأخره هالكثر وهو قريب
ضاري/نور فيه مكان لي
نور بابتسامة/اكيد ماشالتك المكان تشيلك عيني
ضاري وعيّنه عالتلفزيون/امي قالت رح نام ببيت ابوك لاتجي الليلة
نور عقدت حواجبها بشك فزت برعب من وصلها صوت الرصاص
ضاري التفت يناظرها بوجهه المخطوف
نور ابتسمت رغم رعبها/ اكيد احد بالديرة يصيد
ضاري بخوف/يصيد بهالليل
نور/اكيد الذيابة والضباع وشلون يصيدونهن اجل مايطلعن غير بالليل
ضاري ناظرها بعدم تصديق
نور ثبتت يديها على اكتافها/شف فيلمك عشان يخلص بدري وتنام يالله
ضاري تنهد بشي من القلق
نور/لو فيه شي كان جدي طاهر والعيال كل ابوهم فزعوا لنا
ضاري ناظرها بصمت
نور بتهديد وسط ابتسامته/بتكمله ولا اخليك تنام
ضاري التفت يناظر التلفزيون
نور شدت على قبضتها بتجاهل لهالاحساس السيء اللي احتواها ماتبي تقوم وتتسبب بقلقه اكثر وبنفسها/اكيد بيجي  ذالحين اكيد
.
ظاهر رفس الباب برجله خرج من غرفة ضاري بخطوات سريعة باتجاهها
وداد اخذت نفس تهدي خوفها اللي وصل اقصاه من لحظة وقوع عينها عليه وبنفسها/يالله ظاهر شف شغلك يالله
ظاهر وقف عندها رفع يده بالفرد
وداد غمضت عيونها بخوف وصرخت/الحقوني بيذبحني بيذبحني المجنون/فتحت عيونها بعد لحظات معدودة من الهدوء/بيذبحـ/اتسعت عيونها بذهول/
ظاهر مثبت فوهة الفرد الساخنة بعد اطلاقه لعضده الايسر حتى يوقف سيل ذكرياته المرعب لايختلط بواقعه هاللحظة وتتحول حياته لكابوس اشد رعب ناظرها بملامح وجهه الشاحبة بنظرات كلها اشمئزاز من فعلها
وداد عقدت حواجبها من نظرته
ظاهر صد عنها وكمل طريقه خارج من البيت
وداد وقفت وبصراخ/ظاهر وش تحتري خذ حقك مني
ظاهر التفت لها بنظرات كلها برود
وداد قشعر جسمها من نظرته تاكدت نهاية هالفعل بالنسبة لها كبيرة بالحيل
نور فزت واقفة من سمعت صراخها تاكدت من احساسها بهاللحظة
ضاري وقف من سمع صوت امه/نور
نور جرت خطواتها للباب/ضاري خلك هنيا لاتطلع 
ضاري وقف
نور فتحت باب البيت وقفت بمكانها ماسكة الباب بيدها تناظره بذهول 
منيرة واقفة بالقرب من بيت ظاهر بملامح مفزوعة
غصنة وراها
طاهر خارج من بيته بملابسه الداخلية وعلى وجهه اثار النوم
ظاهر ناظر نور الواقفة على باب البيت جر خطواته لها بهدوء
منيرة زاد رعبها من ناظرت سلاحه بيده تقدمت له/ظاهر يمه وش صار
ظاهر مارد وكمل طريقه باتجاهها
غصنة جرت لبيت ظاهر رغم احساس الرعب المحتويها من افكارها بهاللحظة دخلت وناظرت وداد
وداد الجالسة عالارض بملامح مخطوفة
غصنة انحنت شبه جالسة جنبها تناظرها برعبها/وداد بك شي
وداد ناظرتها/غصنة
غصنة/صابك شي
وداد امتلت خوف من هالسؤال ناظرتها بتردد تخاف تتبلاه ويطلع مدبر مكيدة جديدة لها هلت دموعها من قلة حيلتها دفعتها
غصنة جلست من حركتها تناظرها باستغراب
وداد بصراخ/اطلعي برا بيتي برا
منيرة الواقفة تناظرهم متاكدة دبرت شي من حيلها لظاهر تقدمت لها وانحنت ضربتها كف بكل مافيها
وداد ناظرتها بغيظ
غصنة تناظر امها بذهول
منيرة اعتدلت بوقفتها ومدت يدها لغصنة توقفها
غصنة وقفت
منيرة بغبنة/سكت لك دخر وتحملت شين فعولك وقولك علي وعلى عيالي لخاطر ظاهر وعياله حتى يوم مشيتي وسط العربان تقولين عنه مجنون صبرت على حرقة قلبي من هالقول وقلت الله يهديها وتعود يم رجلها وعيالها مير ذالحين انا باوقفك عند حدك تلمسين شعرة من ظاهر بخباثتك المس اهلك كل ابوهم بخباثتي
غصنة اتسعت عيونها من تهديد امها
منيرة/لاتحسبين اهلك منزهين عن الخطا ياكثر بلاويكم ياعيال منور
وداد بغبنة من تسلطهم عليها فاض الكيل عندها وبصراخ/وش بتسوون اكثر من سوادكم مابقي شي يابني طاهر
منيرة بحدة/اقصري صوتك لايطلع/بتهديد/وباقي باقي ياكثره ماشفتي شي
نور تتأمل ملامحه المخطوفة وخطواته اللي تجره لها بدون اي شعور منه امتلى قلبها حزن على حاله واتضح بلمعة عيونها
ظاهر دخل للبيت وقف يناظرها بصمته ونظراته تحكي لها معركته الصعبة اللي مر فيها من لحظات
نور دفعت الباب بقوة حتى ينقفل ناظرت جبينه الممتلي عزق رغم برودة الجو بهالوقت فتحت يديها له وهي تكبح دموعها لاتتساقط
ظاهر ميل راسه وثبت جبهته على كتفها
نور هلت دموعها ورفعت يمينها محاوطته تمسح على ظهره ومدت يسارها ليمينه ساحبة الفرد من يده ورمته بعيد همست له/انت بالبيت ظاهر وصلت عندي وصلت
ظاهر ارتخى جسمه بانهاكه من سمع صوتها
نور حاوطته بيديها بمحاولة منها تمنع سقوطه لكن ثقله كان اقوى منها وانحنت مجبرة جالسة عالارض
ظاهر ضرب راسه بالارض بخفة بدون وعيه
ضاري يناظر ابوه بفزع وسط دموعه جرى للباب/بنادي نواف
نور ناظرته/لا ياضاري
ضاري وقف وبدموعه/بس
نور قاطعته/ادخل لغرفتي جيب البطانية
ضاري بخوف على ابوه/نور
نور وعينها على ظاهر وكفها فوق خده تمسح عليه/ابوك محتاج ينام ذالحين بس كبه يرتاح ياضاري كبه
............................................................
<<بيت سطام>>
سطام دخل للبيت اتجه مباشرة لغرفة يقين فتح الباب بهدوء وقف يناظرها
ريوف نايمة بهالغرفة اللي اصبحت مستقرها بعد طرد امها لها برا غرفتها 
سطام تنهد بضيق وحزن على حالها
سلام وقفت جنبه بيديها صينية الاكل/ماحطت لقمة بفمها حتى الموية ماقدرت عليها اخاف يجيها شي من كثر الجوع/مدت له الصينية/
سطام اخذها منها ودخل للغرفة جلس جنبها نزل الصينية عالارض/ريوف ريوف
ريوف بوجهها طاغي عليه الذبول ماردت مستسلمة لنومها العميق تهرب من واقعها الموجع لعالم النوم اللي كله راحة وهدوء بعيد عن ضجة افكارها
سطام مد يديه لها حركها/ريوف ريوف
سلام الواقفة على باب الغرفة دخلت بخوف تناظرها
ريوف ماردت
سطام اعتدل بجلسته ورفعها لحضنه بفزع/ريوف ريوف
ريوف فتحت عيونها بتعب ناظرته همست/سطام
سطام تنهد براحة/ايه سطام
ريوف تساقطت دموعها/سامحني سطام سامحني
سطام ابتسم ومد يده يمسح دموعها بحنية/سامحت وعفيت من مبطي اختي الصغيرة الملسونة القوية كيف ماسامحها وهي انفلقت عشاني
،
،
~~قبل ست سنوات~~
سطام(١٩سنة)يدور بين بيوت اهل الديرة يدور عليها وقف قبال البقالة يناظرها بصدمة
ريوف(١٣سنة)بعبايتها وطرحتها على اكتافها بغضب معتلي ملامحها بيمينها علبة الكولا القزاز المكسور نهايتها موجهتها للي واقف قدامها
خالد(١٩سنة)المنحني شيه جالس وبيده سيجارته بضحكة/هاه عدته وش بتسوين
سالم(١٩سنة) المماثل بجلسته لخالد وجالس جنبه بسخرية/نسل الشيوخ عيب ياولد/ضحك/
ريوف بغضبها غرزت القزاز بيد خالد اللي بها السيجارة وسحبتها بسرعة بدون توقف وغرزتها برجله
//اعتلى صراخهم المكان//
ريوف بغضبها/نسل الشيوخ تمسك لسانك عنه
خالد بألمه وقف ومسكها من عبايتها شدها له
ريوف غمضت عيونها بخوف
سطام مسك يده بقوة وابعدها عنها ولكمه بنفس الوقت
..
..بيت منصور..
منصور يناظرهم بعصبيته/ليه طيب ليه بس
سطام/زودوها بالكلام واخذت حقي
منصور ناظره بحدة/انت اسكت كلهم يقولون هي تاخذ جزاها عنها ليه
سطام/انا يبه ريوف مالها شغل
ريوف ناظرته بحب من دفاعه عنها
منصور/تكذب وتصدق عمرك اسمت هي راس البلا هالبنت عجزت عنها عجزت
ريوف بغيظها/يستاهلون
منصور رفع يده ووجه لها الضربة
سطام ابعدها واستقبل الكف مكانها وصابت اصابع ابوه عينه غمض بالم وسط ضمته
ريوف ناظرته بوسع عيونها ناظرت ابوها بانفعال/الا احسن ويستاهلون ولو سمعتهم من جديد بأعيدها
منصور صرخ/ريوف
ريوف بعناد/اللي ينطق كلمة على اخوي احذره مرة والمرة اللي بعدها اقص لسانه
،
،
ريوف بدموعها/مير انا ضعت خلاص ياسطام
سطام/ماضعتي وانا فيه وقبل كل شي ربي معك وحقك باخذه لك واسد فويه الناس عنك وانا اخوك انتي المظلومة اوقفي ودافعي عن نفسك لاتتركين لاحد كلمة عليك
ريوف بشهقاتها/ماعاد لي مكان بهالدنيا حتى امي ماتبيني ياسطام
سطام/وش هالكلام!!هذا انا قدامك امي رمتني قبلك ورجعت بعد سنين ذالحين دورك تستلمين مكاني/ابتسم/لاتخافين اعطيك نصايح وانا معك ماهو بمثلي ماحولي احد
ريوف ناظرته بدموعها
سطام جلسها وسندها بحضنه اخذ لقمة لها/انسحي دموعك وسمي
ريوف مسحت دموعها واكلت لقمة من يده
//بعد نص ساعة//
سلام بغرفة النوم جالسة عالسرير تقلب بجوالها بانتظاره التفتت تناظر الباب
سطام دخل للغرفة وقفل الباب وراه بصمته
سلام عقدت حواجبها حتى السلام ماسلم
سطاموقف قبال مراية التسريحة نزل شماغه وثبته على كرسي التسريحة وفتح ساعته وكبكاته ونزلها عالتسريحة بوجه متعب مرتسم عليه الضيقة اجتمعت الهموم بصدره مشاكل ديرته،جدته واصرارها الغريب على اخذها لابوه وفوق كل ذا سلام واللي سمعه من ابوها 
سلام ناظرته بتردد وخوف من اللي ناوية تقوله واضح عليه ضيقته رغم صمته مع هذا ماناقشها او زل عليها بكلمه شدت على قبضتها مستجمعة شجاعتها قامت من السرير ووقفت قباله/سطام
سطام ناظرها بالمراية واضح ناوية تفاتحه بالموضوع التفت لها ستبقها بالكلام/اسمعي يابنت الناس كان ماتبيني علميني الله يستر عليك لاني بردي ولا حقود عليك الامان والشاهد الله
سلام انصدمت من كلامه
سطام/وكان صحيح ماتبيني وقعدتك على ذمتي عناد بابوك يابنت تراه ابوك لاتخسرين دنياك واخرتك عشان طيش ومن يمي الله يحفظك ويستر عليك
سلام ناظرته بقهر/وانت وش عليك من اللي بيني وبين ابوي
سطام عقد حواجبه بغيظ
سلام/صحيح هو اللي خلاني اعجل واوافق عليك واتزوجك/ناظرته بقهر/
سطام عقد حواجبه من هالنظرة الجديدة عليه
سلام/مير مايسوى عنادي له شي من اللي بقلبي عليك
سطام تقدم لها
سلام تراجعت خطوة لورا
سطام وقف من ناظرها تراجعت ميل نفسه ونزل رقبته لمستواها/خذي حقك يابنت حامد رقبتي لك حتى وانا مدري وش مسوي بك
سلام عضت شفتها بقهر منه تاكد احساسها بهاللحظة هو نسى فعله سواها ونسى ولا كانه ارتكب جرم بحقها ضربته كف بعيون التمعت من دموعها
سطام ناظرها بذهوله من الكف
سلام/لذالحين ماتخبر وش مسوي بي
سطام عقد حواجبه ثم اعتدل بوقفته/علميني
سلام/باقي على عهدك
سطام/ماارجع بكلامي حتى والسيف على رقبتي
سلام/علمني وش بتسوي بعزيز لا مسكوه
سطام بحدة احتلت ملامحه/لو علي قصيته ذالحين ماحتريته دقيقة مير شرع الله فوقي ومردي اجيه
سلام طاحت دموعها اللي كبحتها من فترة/وكان انت من فعلت فعلته
سطام عقد حواجبه بذهول ورعب احتله من كبر هالتهمة بحقه وبفزع/عوذا انا!!
سلام ضحكت بسخرية/فوق انه ناسي خايف
سطام بعقدة حواجبه/انتي مضيعة يابنت علامك الليلة
سلام صرخت/يوم الحادث
سطام ناظرها بصمت
سلام رجف صوتها/يوم الحادث بعد ماصدمتني شلت كل مايغطيني بذاك المكان ولا حولنا احد
سطام سكت لحظات يحاول يستوعب
سلام بغبنة/علامك ساكت انطق ولا تظن فعلتك بتمر دام ماحولك شهود!!
سطام انفجر يضحك
سلام بقهر/وتضحك!!/رفعت يديها تضربها بقهرها/
سطام كبح ضحكته مستقبل لضرباتها/السموحة السموحة/مسك يديها بيديه وناظرها/
سلام ناظرته باحتقان وجهها من الغضب
سطام/يعني ذالحين تظنين اني سويت ذيك السواة بيوم الحادث
سلام ناظرته بانهمار دموعها بصمت
سطام/علميني وشلون اقوى عليها وانا ضلوعي متكسرة
سلام بقهر/تكذب
سطام/انا بكل مابقى بي من حيل شلتك للمحطة وفزعوا يمنا اهلك ذاك اخر ماشفته
سلام حركت يديها/يوم قضيت سويت هالفزعة
سطام شد على يديها/مااقول الا الصحيح ومعي اثبات من المستشفى ومعي شهود بعد
سلام ناظرته بدموعها
سطام ترك يديها واتجه للدولاب خرج تقاريره ومدهن لها/شهودي ولد عمك وجدك وعامل المحطة وعامل  مزرعة ظنتي يومها انه يعبي بنزين
سلام سحبت الاوراق وجلست عالسرير تقرأ
سطام تكتف/ابطيت مااقدر اتحرك ولا ارفع يدي مير ماردني عنك كل ذا
سلام رمت الورق/يمكن متفق معهم وش يدريني عنك
سطام/وجدك متفق معه بعد!!
سلام سكتت
سطام/وبعدين الشرطة باشرت الحادث لو حصل شي كان ذالحين امي مجلود ومسجون
سلام انخطف وجهها من هالحقيقة اللي غابت عنها
سطام/ولاتقولين جدتي بتتدخل
سلام ناظرته بيضمت وسط ذهوله
سطام/تخبرين جدتي وشلونها معي
سلام ناظرت الاوراق وشدت عليها بين يديها تفكر بكلامه لو حصل لها شي كان اثبتوه بمحضر الشرطة تبدد ذهولها وارتسمت ابتسامة خفيفة
سطام كبح ضحكه من سخافة الموضوع بعينه/يعني الصد كان لهالظن الشين!!
سلام ناظرته بوجهها الاحمر وهالمرة من كثر احراجها نزلت عينها للورق تتجنب نظراته
سطام تنهد واتجه للسرير/الله يجازيك خير ياسطام حفيت وشفت الويل عشان سوء ظن/تمدد/الله يكتب اجري ويرحم حال سطام المسكين
سلام سحبت نفسها لمكانها عالسرير وتمددت بين يدينها الاوراق تناظرها
سطام بدون يلتفت لها/طفي النور ولا باقي فوق سوء الظن اطفيه انا
سلام قامت بصمت وقفلته ورجعت مكانها وتغطت كلها وسط حرارة احتوتها من كثر احراجها
............................................................
.
//اخر الليل//
عزيز يخطي خطواته بهدوء متلثم بشماغه وبين يديه جركل البنزين يلف هالبيت ويسكب هالبنزين حوله وكانه يسكب حقده وقهره من بـيّـن ومن بني طاهر وطاريهم كلهم حول هالبيت حلف يمين يشتتهم عقب اجتماعهم بهالبيت حلف يذوق بـيّـن الحسرة والقهر والندم والوجع على كل يوم ذاق فيه نفس هالمشاعر اعتدل بوقفته بعد ماانتهى من الجركل خرج من جيبه ولاعة غاز صغيرة اشعلها ومشى كم خطوة وهو يمرر لهبها عالبنزين اللي اشتعل ابتسم وهو يناظر النار تكبر ويتخيلها تاكل هالبيت واهله وتنهيه
غصنة الجالسة بالحوش ماقدرت تنام بعد اللي صار عقدت حواجبها من الريحة الغريبة اتجهت للمطبخ تتفقده 
عزيز ضرب الولاعة بالجدار وجرى مبتعد
غصنة باستغراب من وصل مسامعها صوت الضربة بالجدار خرجت من المطبخ واتسعت عيونها من ناظرت بداية اشتعال النار صرخت وجرت لكيبل الكهربا وقفلته وبصراخ وهي تجري تضرب عالابواب/قوموا يابني طاهر قوموا
عزيز جرى باستمتاع من صوت صراخها
............................................................
          يوم جديد
............................................................
<<بيت الشيخ>>
سطام وبارود شايلين منصور بين يديهم متجهين به للسرير المتوسط الصالة
مبروكة بابتسامة/ياحي منصور ياحيه تو مانورت الديرة كل ابوها
يقين دخلت للبيت بهدوء
سطام وبارود نزلوا منصور عالسرير
بارود اعتدل بوقفته بابتسامة/الحمدلله عالسلامة ياعم منصور طالع من الشر
منصور مارد عليه
مبروكة/بكرة العشا بسلامة الشيخ علم الديرة كل ابوها يابارود لاتكب احد
بارود/ابشري
مبروكة/خلك حول جوالك ابيك يابارود
بارود/ابشري ياجدة يالله/مشى/
مبروكة ميلت راسها بالتفاته بسيطة وبحدة/خير علامكم واقفين اطلعوا برا بيتي
سطام/وش هالكلام ياجدة مارضينا يقعد عندك على طول كلها اسبوع واخذينه مثل اتفقنا
مبروكة/ولدي دخل بيتي وتعقب تطلعه منه ياسطام
يقين جلست عالسرير جنب ابوها غطته بالشرشف ومسحت على وجهه ترتب لحيته/ماني بطالعة وتاركة ابوي الا كان طلعتوني من جنبه على قبري
مبروكة احتدت ملامحها
سطام/ياجدة بغيتك بسالفة
مبروكة/وانا بعد بغيتك بسالفة مير ماهي بالليلة سالفتك بكرة عالعشا وسط العرب كل ابوهم
سطام عقد حواجبه بشك
يقين شدت على قبضتها بتفكير
مبروكة/وانتي جهزي اغراضك واتبعي اخوك مالك قعدك ببيتي سمعتي
يقين/من الاول ماهو ببيتك ياام زايد موخوذ ظليمة
مبروكة رفعت عكازها وضربت يقين
يقين كتمت وجعها
منصور شد على قبضته بصمته
مبروكة بغيظ/تعقبين وتخسين ماهو انا اللي اظلم انا اللي احيي القلوب وانعشها
يقين ابتسمت بسخرية/احيي قليبي وكبيني عند ابوي كانك صادقة
مبروكة شدت على عكازها بقهر والتفتت لسطام/وانت اذلف لاتصدق عمرك شيخ عالخلق برا بيتي ماهو بعلي برا
............................................................
<<بيت طاهر>>
طاهر واقف قبال جدران البيت الخارجية المكتسية سواد من نيران البارح اللي قدروا يسيطرون عليها قبل توصل للبيوت داخل تنهد بحيرة وسط افكاره
نواف/ياجد يمكن احد وده يذبحنا كلنا ابونا
سلمان/مايبي لها يمكن هاذي اكيد
طاهر/وينه ابوك
سلمان/سافر البارح راح وهو زعلان
طاهر تنهد/ماعليه تهجد جنيته ويعود/التفت يناظر نواف/ماعينتوا شي
نواف/عينت ولاعة مير متفحمة ماتسوى شي
طاهر/وين عينتها؟
نواف/من شرق
طاهر ناظرهم/امشوا شرق وتمعنوا زين بلكن تعينون شي
نواف/ابشر ياجد/مشى/
طاهر/سلمان
سلمان اللي مشى ورا نواف وقف والتفت/سم ياجد
طاهر/لو هو قطعة قزازة لاتغفلون
سلمان/ابشر ياجد/مشى/
............................................................
<<بيت بـيّـن>>
بـيّـن جالس عالسرير بضيق وحيرة مرتسمة على وجهه ماغفت عينه دقيقة على قومته بصباح الامس ماقدر ينام يحس بسكاكين تطعن بصدره كل ماغفت عينه وذكر كلامها وطلبها فضل يبقى صاحي يشغل نفسه باي شي ويعيش الرجع بخفة ولا يعيشه كامل باحلامه تنهد ومد يده ساحب جواله واتصل عليها
............................................................
<<بيت ظاهر>>
ظاهر بوجهه المتجهم يناظره بحقد يتطاير من عيونه
وداد متكتفة تناظره بغيظ/خير وش تبي بعد
ظاهر/واللي يعرفك يعرف الخير انتي حتى الخير منعتيه عن روحك
وداد بغبنة منه/اخلص وش وراك
ظاهر/البارح يوم جيت البيت جيت حتى أعلمك نور تنازلت عنك
وداد اتسعت عيونها
ظاهر/كان ودها توقعين تعهد انك سلمتي كل صورها ومتنازلة وانا يوم شفتها عفت نويت العقو عن خواتك
وداد بلعت ريقها وسط رجفة اجتاحتها من سوء موقفها بهاللحظة
ظاهر احتدت نظرته/مير عقب سواتك الردية البارح ان تعقبين وتخسين والله اني لاوصلها لاقصاها ولا ارحمك مثقال ذرة
وداد انهار الكون كله على راسها وانهارت عيونها بدموع خيبتها
ظاهر وقف ومشى
وداد جرت وراها مسكت يده برجى/تكفى ظاهر تكفى تنازل الله يخليك تنازل
ظاهر سحب يده منها/وانتي طالق طالق طالق تحرمين علي حتى بعد ماتجيبين
وداد بانهيار وسط دموعها جلست عالارض محتضنه رجوله برجى/راضية راضية باللي تسويه فيني مير خواتي اعتقهن تكفى ياظاهر تكفى
ظاهر سحب نفسه منها/لومي نفسك لاتلوميني هذا جزا فعولك/خرج/
وداد صرخت بدموعها وهي تضرب نفسها/وش سويت انا وش سويت ياويلك ياوداد ياويلك
............................................................
<<بيت سطام>>
سلام خارجة من غرفتها بابتسامة اليوم اول يوم ابتدت فيه حياتها الزوجية الحقيقية دخلت للمطبخ ونزلت جوالها على رخامة المطبخ واتجهت للثلاجة حتى تجهز لها فطور همهمت ثم ضحكت بسخرية على نفسها وافكارها المجنونة طول السنين اللي فاتت بعد دفاع سطام واثباتاته لها تنهدت براحة وعينها عالغلاية تنتظرها تكتمل بالموية
ام سطام دخلت للمطبخ ناظرتها بغيظ من طرا لها وقفتها بوجهها ذيك الليلة ناظرت جوال سلام الصامت المضوية شاشته باتصال عقدت حواجبها باستغراب من قرات اسمه وكملت طريقه بصمت للي تبيه
سلام التفتت وناظرتها/صباح الخير ياعمة احسبك معنا
ام سطام باستغراب/من معك!!
سلام/ريوف اكيد ولو اني ادري بتعيي بس بحاول فيها
ام سطام بملامح غيظ اعتلت وجهها من سمعت اسم ريوف/ولها وجه تبلع بعد!!
سلام ندمت عاللي قالته واتجهت لجوالها واخذته عقدت حواجبها باستغراب من ناظرت اسمه
ام سطام تناظرها باهتمام
سلام فتحت جوالها واتصلت عليه/هونت ماابي فطور
ام سطام عينها على جوالها قد ماتقدر تبي تشوف/عساك بحريمته طول عمرك
سلام اتصلت عليه ورفعته لاذنها وخرجت من المطبخ
ام سطام لمحت اسمه واحتدت نظرتها
سلام مشت باتجاه الغرفة بتوتر قبل ببيت جدها كان يرسل اذا احتاج شي او يبي احد مستحيل يتصل ابدا لكن هالمرة انصل معناه صاير شي كبير وجدا وبتوتر/الو
بـيّـن/السلام عليكم يابنت العم
سلام دخلت الغرفة وقفلت الباب/وعليكم السلام والرحمة ياهلا ومرحبا بـبـيّـن
بـيّـن/اعذريني على الاتصال بهالطريقة مير يابنت عمي انا ودي بشي ومحد يقدر عليه غيرك
سلام/تم وابشر يااخوي اللي تبيه اجيبه لعندك الليلة قبل بكرة
بـيّـن/كفو ورايتك بيضا عساني مااعدمك ياسلام
سلام باهتمام/امرني يابـيّـن 
............................................................
<<بيت مبروكة>>
مبروكة بحدة/سلم كل مامعك دام النفس سمحة
سهم ارتفع حاجبه وحرك السبحة بين يديه بعدم اهتمام/عسى ماخلاف ياعمة
مبروكة/الاعوج اعوج مايتعدل لو عينه مليانة
سهم زفر بسخرية/كل هالزعل عشان وشو مايصلح نتفارق على قل سنع
مبروكة/مير السروق سروق صحيح
سهم احتدت نظرته/ماسرقت وابوي ماسرق وانتي تدرين
مبروكة ضحكت بسخرية/سلم مامعك واطلع
سهم/مالك شي عندي/وقف/
مبروكة بحدة/وشو
سهم/البضاعة والفلوس والمزرعة كلها تعب عمري وعرق جبيني كل اللي سويتيه تمويل عقب ماشفتي الفرصة عندي والسوق ماتامنينه ولاتخافين ماني بسروق برد فلوسك عليك 
مبروكة صرخت/سهم
سهم/شوي شوي على عمرك يسدك عزيز هدوء هدوء لايطق بك عرق/خرج بابتسامة وراحة صدر ورضا كم تمنى يقول هالكلام من سنين اخيرا استقام واشتد عوده بدونها وفصلها قبل تفصله خرج جواله واتصل/ديوان كب حوش سراي
ديوان عقد حواجبه باستغراب/هاه
سهم/كبها واحترني الى مادق عليك هاليومين
مبروكة خرجت جوالها بغيظ واتصلت/بارود إلحق هالرمة وشف وين مكان المزرعة/قفلت/هين يالسروق هين
............................................................
        العصر
............................................................
<<بيت مبروكة>>
ام سطام جالسة عالسرير جنبه تناظره بين كل فترة وفترة تلامس يده تتاكد
سلام جالسة قبال منصور بابتسامة بعد ماسلمت وتطمنت عليه اتسعت عيونها باستغراب من اللي يصير قدامها
مبروكة بحدة/الشغالة تقول انك متحزمة بذا الشنطة ماتفارقينها من دخلتي البيت
يقين شدت بيدينها على شنطتها اللي بحضنها ابتسمت/وشغالتك وش عليها مني دام ماضريتكم يااهل البيت
مبروكة/نبي لك الراحة كان به شي ثمين هاتيه عندي ارفعه لك
يقين ضحكت/مير هذاني مسلمتك اغلى ماعندي عسى ترعون الامانة
مبروكة بحدة/ماتحشمين احد
يقين/تخبريني اللي بقلبي على لساني مااعرف اكذب
مبروكة/لا اذن تمشون مابه احد يقعد ببيتي
يقين بعناد/ماني بطالعة الا مثل ماعلمتك
سلام التفتت لسطام بهالجر المشحون وهمست/وين الحمام
سطام ميل راسه لها/اطلعي من هينا يمين اخر البيت تلقينه بوجهك
سلام وقفت/مشكورة/مشت من عندهم بخطوات هادية عكس داخلها المنفجر من كثر توترها وقفت قبال دورة المياه والتفتت يمين على وصفه التفتت لورا تتاكد من عدم مراقبتها اتجهت للغرفة اللي عن يمينها  نزلت صندلها ورفعت بطانته وخرجت المفتاح اللي ثبته بهالمكان باحتياط   فتحت باب الغرفة اللي قبالها وناظرت مراية تسريحة هالغرفة اللي مثبت عليها حرفN ابتسمت من تاكدت من وجهتها الصحيحة دخلت وقفلت الباب وراها اتجهت لدولاب الملابس انحنت شبه جالسة وسحبت الدرج السفلي المخفي ابتسمت من انسحب معها اختفت ابتسامتها بذهول من عدم وجوده خرجت الدرج وناظرت اسفل الدولاب الخالي رجعت الدرج لمكانه وخرجت بتوتر من انكشافها واعتلى وجهها ملامح الخيبة/
.
بـيّـن الواقف قبال باب بيت مبروكة عرف بخروج منصور وتواجد يقين بهالبيت المكروه لقلبها زفر بضيق ممكن تغير الوضع بعد فراقه وصار محبوب عقب ذاك الكره يمكن تغيرت ماهي بيقين اللي عاش معها احلى ايام حياته هاليقين اللي طلبت الطلاق جديدة عليه نظراتها واسلوبها وطريقة تعامله معها غريبة مجرد شعور غربة يحتويه من يناظرها ناظر الباب هالمرة اخر مرة يكرر سؤاله لها هالمرة جوابها يحدد الفصل الاخير بحياتهم سوا رفع يده وضرب عالباب
سطام وقف وخرج من الصالة اللي يحس وهو بداخلها كانه تحت مراقبة وفحص وتدقيق ناظر العاملة اللي قباله/كبيه انا باشوف من
بـيّـن ابتسم من سمع صوته/ياشيخ
سطام فتح بابتسامة من وصله صوته/حيك حياك الله يالنسيب حي الله بـيّـن
يقين فزت بسرعة وخرجت من الصالة المجتمعين فيها حول منصور واتجهت لهم من سمعت اسمه وقفت عندهم بملامح غضب/ليش جاي
بـيّـن احتدت نظرته من اسلوبها
سطام بوسع عيونه بنبرة عالية/يقين!!
يقين ناظرت سطام/رح واللي يعافيك كبني اتفاهم معه رح عند ابوي رح
سطام مشى بحطوات سريعة للصالة ماتحمل يدخلها وقف على الباب يناظرهم
بـيّـن بحدة/جيت اسلم على عمي
يقين بحدة/ماهو بعمك
مبروكة عقدت حواجبها من وصلها الصوت وخرجت برا الصالة تسمعهم
بـيّـن/ماهو بأنتي اللي تحددين من عمي ومن لا!!
يقين/وابوي ممنوع من الزيارات
بـيّـن بحدة/جيت اسالك انتي صادقة باللي تقولينه
يقين غطت اذانيها بيديها بانزعاج وصرخت
بـيّـن ناظرها بعبوس واستغراب
يقين بانفعال بصراخ/خلاص خلاص خلاص تعبت من سوالك خلاص وش اللي ماتفهمه من طلقني/فتحت شنطتها خرجت المسدس وصوبت عليه/
بـيّـن ناظرها بذهول 
سطام بوسع عيونه/يقين انهبلتي!!
يقين بحدة/مابتصدق كلامي الا اذا استقرت بك وحدة من عطاياك
بـيّـن بتكذيب/يقين مو
يقين/بسم الله
سطام جرى لها محاول يوقفها/يقين
يقين اطلقت رصاصة باتجاهه
سطام ماوصلها وناظر لبـيّـن برعب
سلام الواقفة عندهم حضرت هالنقاش من منتصفه رجف قلبها من اللي تشوفه وتسمعه غمضت عيونها وصرخت من اطلقت يقين
بـيّـن مرت الرصاصة من جنبه الايسر متسببة له بجرح واضح وكملت طريقها مستقرة بالجدار وراه
مبروكة ابتسمت لفت عنهم برضا ارضت فضولها وتكذيبها ليقين باليومين اللي راحت واتجهت للصالة وجلست مدت يدها للفناجيل بعد مالمست كل شي ووصلت لها اخذت لها فنجال وسحبت الترمس بنفس الطريقة بعد ماوصلته صبت لها قهوة وبدت تتقهوى برواق
بـيّـن تسارعت انفاسه برعب من حجم الخيانة وكبر الخيبة بعينه وبعدم اهتمام لالمه ولجرحه النازف بغزارة رفع عينه مثبت انظاره على عيونها تاكد هالمرة من صحة شعوره  هالنظرات والعيون غريبة عنه بالحيل الوطن اللي قباله انتفى وانتهى بلحظة ذيك الرسالة اجتاحه شعور الغربة بهالمكان دقق النظر فيها يدور ضالته المنشودة لكن هو بهاللحظة مجرد غريب متوهم لوطنه بين زوايا وطن غيره
سطام تقدم له بخوف يناظر ثوبه اللي غرق بدمه مد يده له
بـيّـن رفع يده واشر لسطام بمعنى ابعد بدون يناظره
سطام ابعد يديه
بـيّـن بغبنة/ابشري بيجيك طلبك وعلى ماتحبين مير ماهو من منطوقي ابد
يقين عقدت حواجبها
بـيّـن/بتجيك من الحكمة صك مثل مايحبه قلبك ويتمناه/صد متجه للباب وصدته هالمرة هي صدة النهاية هالمرة اعلن بنفسه للكل نهاية حياتهم سوا خرج من الباب وققله وراه بكل قوته خرج جواله من جيبه واتصل عليه وبحدة ملامحه/وينك؟تعال لي بسرعة
............................................................
#شقّ_الغَمام