شـقّ الـغَـمـام

..(١١)..

..(١١)..
-
استتغفر الله العظيم الذي لاإله إلا هو الحي القيوم واتوب اليه
-
طاهر واقف على باب مجلس الشعر اللي تغطت الارض قباله بالزوليات وزينت المكان عقود اللمبات اللي اضوته ببداية هالليل اسرع بخطواته بابتسامة عريضة مرتسمة على محياه وبلهفة وشوق/ياهلا ياهلا ومرحبا حياك الله ياهلا تو مانورت الديرة ياهلا بعيني ياهلا
ظاهر واقف جنب جده وناسف بشته على كتفه الايسر قطب جبينه باستغراب من حماس جده
طاهر/ياهلا بابو سلمان ياهلا
ظاهر التفتت لجده بعدم تصديق للي سمعه
حامد وقف بسيارته على نهاية النور الي بنفس الوقت نهاية الفرش المغطية الارض
طاهر اسرع بخطواته اللي يسابقها نبضات قلبه السريعة باتجاه حامد
حامد نزل من السيارة واسرع لابوه تارك الباب وراه مفتوح
طاهر فتح يديه لحامد/هلا بحامد ياهلا 
حامد ضمه ثم تركه يقبل يديه/سامحني يبه سامحني
طاهر بعيون لمعت اخذ نفس يكبحها/مسموح ياحامد مسموح مااخطيت وانا ابوك مااخطيت مير انك ابطيت ابطيت بالحيل
حامد قبل راسه واحتضنه/اعذرني يبه اعذرني وانت خابر البير وغطاه
طاهر تركه ومحتضن كفيه بقوة/وشلون الدنيا معك ياوليدي/قطب جبينه من ناظر اللي متجه لهم/
حامد التفت وراه ابتسم ثم ناظر ابوه/سلمت يبه سلمت وهذا انا وسلامة قدامك
سلامة(١٠سنوات)وقف جنب ابوه
حامد/سلم على جدك ياسلامة سلم
..........................................
<<بيت بـيّـن>>
بـيّـن رمم بيته فقط من صبغ للجدران وسباكة وتوابعها واقتصر الاثاث الجديد المضاف فقط على سرير عادي حديد باللون الابيض لشخصين ملاصق للجدار ودولاب بقسمين بنفس اللون وبالنسبة للتسريحة كان مجرد رف مثبت بالجدار ومراية متوسطة الحجم مثبتة فوق الرف وماغيّر اي شي ثاني ببيته وعلى هالرف عطره الوحيد اللي تثنى واخيرا بعطر ثاني بمناسبة عرسه وبجانبه علبة طقمه الجديد اللي احتلت باقي الرف واقف قباله بثوبه الابيض المفتوحة ازاريزه بالكامل بعدم راحة من هاللون اللي ودعه من سنين وشماغه المبعثر فوق راسه وفوقه فتح العلبة مرر نظره عالساعة والكبك والقلم داخل العلبة غمض عيونه واخذ نفس يطرد هالضيق اللي يجتاحه كل مادخل بيته عجز يتأقلم بهالاسبوع على تغييرات بيته اللي صار بنظره اضيق من القبر رغم انه كان بعينه اجمل قصور الدنيا فتح عيونه مقطب جبينه من سمع الصوت التفت وراه وبدا يقفل ازاريره بعجل متجه لباب البيت فتحه غمض عيونه من ضرب النور بعيونه
رازي واقف بجيبه قبال بيت بـيّـن على مسافة مشرع بيبانه وفاتح نوره واقف على حافة سيارته ومنحني واصل الدريكسون يضرب عالبوري حق السيارة وسط صوت أغنية راشد العالية المنبعثة من مسجل السيارة(مـبـروك يـاعـالـي الـمـقـام)
بـيّـن ابتسم من عرف صاحب هالفعل اللي يشابه فعله بذيك المناسبة قبل اربع سنين رفع يمينه يغطي عيونه من هالنور ثم ناظره بابتسامته
رازي نزل رابط ثوبه حول وسطه وعقاله فوق طاقيته اللي على راسه وعلى اكتافه بشت باللون الرمادي مطرزة اطرافه باللون الذهبي صرخ بابتسامة/مـبـروووككك
،
،
~~قبل ٤ سنوات~~
بـيّـن ماسك الخط وجواله المتواضع بوضع السبيكر على الطبلون قدامه وبعصبية/نعنبوا ذا الوجه وانت اي واحد راكب سيارة اخر موديل يقولك تعال ازوجك تروح معه حمار انت حمار حلاوة هي
رازي بشقته متمدد على فراشه ومتغطي رمى اللحاف عنه جلس وبعصبية/ماني بحمار يالحمار انت
بـيّـن صرخ/وستين حمار بعد
رازي بنفس نبرته/الرجال يصلي وراعي دين واخلاق زينة ماوافقت الا وانا معاشره
بـيّـن/ذبحتك العشرة ياابو شهور
رازي عبس بوجهه/هالشهور بكل صلاة وكل ليل لابد نتواجه
بـيّـن/امحق عشرة يالعشير
رازي بعصبية/تراني احسبه السواق ويوم قال المهر عشرين الف تأكدت انه سواق صحيح مير مادريت انه هو راعي الحلال
بـيّـن صرخ/رازي
رازي فز من صرخته وصرخ/لاتنافخ علي
بـيّـن بصراخ/لانك حمار
رازي/خلاص عاد وش تبيني اسوي يعني/همس بضيق/اليوم عرسي يابـيّـن ومامعي أحد
بـيّـن زفر/وش هالعرس اللي محد يدري به
رازي اتسعت عيونه/علمت جدتي
بـيّـن بعصبيته/كل/سكت واخذ نفس/
رازي بصوت اهتز للحظة/وكلتني هالدنيا كل شي يمر في بالك يابـيّـن ماقصرت بي
بـيّـن/متى بتبدأ قرادتك
رازي اتسعت عيونه وبابتسامة/بتجي!!
بـيّـن/مريض انت وحلال العرب من يقوم به نسيت اني الراعي
رازي بضيقة/وش تبي به اجل
بـيّـن/حتى ماازعجك لااتصلت
رازي/ماهم مثلنا يبدون على عشر
بـيّـن/زين الله ييسر امرك وتطلع منها على خير ياتكملها ولا تعميها
رازي زادت ضيقته/خوفي اعميها يابـيّـن
بـيّـن/الخوف كان كملتها ولى العمى ملازمنا يارازي
رازي/يامال الضيق يابـيّـن داق تعلّني زيادة لاعاد تتصل مااابي سلامك/قفل بغيظه قطب جبينه من وصله الازعاج وقف وفتح شباكه من الدور الثاني عبس بوجهه من قلة الحيا لصاحب هالددسن اتسعت عيونه من انتبه لحوض السيارة وعرفه/
بـيّـن فتح الباب طلع راسه من الباب ونقص الصوت ولازال داخل السيارة رفع راسه يناظره/يامال الهنا ياولد مثنى
رازي التقت نظراته بنظرات بين ارتسمت ابتسامة على ملامح وجهه طيرت كل ضيقه احتوته من شوي وجرى خارج من شقته الصغيرة نزل الدرج بخطوات سريعة وصل الدور الارضي وهدا بخطواته وسط انفاسه السريعة
بـيّـن ببشته يرقص قبال العمارة على انغام راشد(مبروك ياعالي المقام)صرخ بابتسامة/مبروووك يارازي مبروك
رازي ضحك بخفة يناظره
بـيّـن مشى باتجاهه بوسط ابتسامته ونزل البشت من عليه وحطه على اكتاف رازي/مبروك ياعريس مبروك/احتضنه/مبروك يارازي مبروك
رازي بشعور فرح ملى صدره وانساه كل مافيه من هم وضيقة/يبارك بعمرك والفال لك
بـيّـن ضحك/وينها اللي بتقبل بالراعي انا جاهز
رازي تركه وبجدية/اخت زوجتي
بـيّـن بغيظ/اقطع واخس انا للحين مااعجبتني سالفتك حتى ارضى بأختها
الجد طاهر قفل الصوت وبنرفزة/قضيتوا
رازي اتسعت عيونه من سمع صوت الجد طاهر ناظره ثم ناظر بـيّـن
بـيّـن صد بوجهه/لازم يعرفون ان حنا واصلين بعد
الجد طاهر بعصبية/وش هالعرس اللي مايبدي الا عشر امش انت واياه امشوا
،
،
بـيّـن يتصنع العصبية/صكّه ماغير تجمع الجنون حولنا بهالخلا
رازي فارد البشت برفعه ليديه وماسكه من اطرافه يرقص بهدوء ويغني مع راشد متجه لبيّن/والمشاعر في هيام ابتدت الافراح وانت افراحنا تبدا بها/وقف قباله فارد يديه وهز راسه/والكلام اللي نقوله مايجي مثل الكلام
بـيّـن تكتف يناظره بابتسامة
رازي بابتسامة/علامك يااخوي اسرع تراني تعبت
بـيّـن ضحك بخفة واحتضنه/يبارك فيك يبارك فيك
رازي بنفس فعله نزل البشت اللي عليه ورجعه من ورا ظهر بـيّـن وثبته على اكتافه ثم ثبت كفوفه فوق البشت على اكتافه ثم ناظره بابتسامة وشعور صادق/الدنيا اخذت مني كثير وراضي الحمدلله مير انها اعطتني عصا
بـيّـن قطب جبينه بشك من مثاله
رازي اخفى ضحكته/اتكي عليها/بضحكة/وامحط بها بعد احيان اخرى
بـيّـن ابعد يديه ومشى بغيظ/ايه حتى تطشني متى ماخلصت حاجتك
رازي مشى وراه/افا ماعاش من يرميك
بـيّـن وقف والتفت له بنظرات شك
رازي اتسعت عيونه/افا ذي هقوتك اجل
بـيّـن رفع صوته/طرق
رازي ركض للسيارة/لاااا تكفى لاااا
بـيّـن/علامك كبيت عصاك وراك
..................................
،،مجلس الديرة،،
بارود جالس قباله يناظره بضيق
عزيز يتعرق من ألمه وبيده كاسة البابونج والنعناع الدافي يشرب بهدوء
بارود سحب الكاسة من يده وبنرفزة/مشينا يم المستشفى لو انه بيروح العوق راح من اليوم
عزيز ناظره بحدة
بارود قطب جبينه باستغراب من نظرته
عزيز مد يده لقدامه بالضبط بدون كلمة فقط نظرات حادة لبارود
بارود رجع الكاسة ليد عزيز
عزيز رمى الكاسة عند رجول بارود
بارود رفع نفسه بردة فعل طبيعية وانعدم اسفل ثوبه رفع ناظره لعزيز
عزيز بحدة/لاتنسى اللي قدامك الشيخ بمجلسه سمعت
بارود يناظره باستغراب
عزيز وقف/وينه بشتي؟
بارود سحب البشت ووقف مده له/سم
عزيز ارتفع حاجبه وهو يناظره بتعجب/سم؟!!
بارود رمش ثم فتح البشت وثبته فوق اكتاف عزيز/سم
عزيز التفت له عن طرف/سم؟
بارود/سم ياشيخ
عزيز مشى بنظرات حادة خارج من المجلس وقف من ناظره
سهم ابتسم ورفع يده/سلام
بارود اشر بنظراته لعزيز
سهم قطب جبينه
عزيز ناظره بتعجب/سلام؟!!
سهم سكت يناظره باستغراب
عزيز بحدة/تكلم خويك انت!!
سهم كتم غيظه/المعذرة ياشيخ
عزيز مرر نظره عليهم/اعرفوا متى اكون الصاحب ومتى اكون شيخكم
سهم وبارود التزموا الصمت
عزيز ناظر سهم/عرفت ولى لذالحين؟
سهم ميل فمه
عزيز/علامك مالك حس
سهم/عرفت طال عمرك عرفت
عزيز هز راسه/زين زين/مشى بخطوات سريعة بدون ينتظرهم كعادته/
...................................................
<<بيت مضاوي>>
مُحارب منزل ثوبه ومعلقه بدولاب ولاء متمدد على سريرها بملابسه الداخلية نايم
ولاء خلصت مكياجها بعد معاناتها بكل حركة يخيل لها ان صدى صوتها وصل لمحارب وازعجه وقفت قبال دولابها خرجت فستانها الابيض اللي غلب عليه نقاشات باللون الازرق تسللت بهدوء فتحت الباب وخرجت اتجهت لدورة المياه دخلت وبدلت بجامتها بالفستان حاولت تقفل سحابه لنهايته لكن صعب عليها فتحت لفات شعرهابهدوء وبعد ماانتهت فتحت باب دورة المياه خرجت راسها تاكدت من خلو المكان خرجت تجري لغرفة جدتها دخلت بسرعة
مضاوي جالسة عالارض وبيمينها كحلها الذهبي ويسارها مرايتها تكحل عينها فزت من فتحت ولاء للباب/بسم الله علي/ناظرتها/علامك
ولاء جلست عند جدتها معطيتها قفاها/جدة قفلي لي اياه
مضاوي طنشتها وكملت كحلتها/يديني توجعني
ولاء اتسعت عيونها والتفتت لجدتها/جدة؟
مضاوي تلبس ذهبها/قفلته عشرين سنة الحين عندك من
يقفله لك
ولاء بنبرة زعل/جدة!!
مضاوي بنظرة/ذالحين جت عالتقفيلة
ولاء احترت من كلام جدتها اللي فهمته وبغيظ/والله لاأعلم عمة منيرة باللي بتسوونه انتي وجدة حمدة
مضاوي لفت طرحتها المزينة بفصوص تلمع على راسها/علميها روسنا الليلة مايقصها السيف
ولاء وقفت وبدت تحاول تكمله وبعد معاناة قفلته ناظرت جدتها بثقة/هه قفلته بنفسي
مضاوي/ليتني مزوجتك من مبطي كان تريحت
ولاء بزعل/جدة وش سالفتك تبين الفكة مني الليلة
مضاوي/لا والله مير اشغلتيني الليلة يكثر طلباتك
ولاء/الله يسامحك ياجدة بس/مشت لغرفتها فتحت الباب بهدوء تركت الباب من ناظرته/
مُحارب واقف قبال مرايتها لابس ثوبه يقفل ازاريره التفت لها مرر نظره بسرعة عليها ثم رجع نظره للمراية
ولاء/صحيت؟
مُحارب/من شوي
ولاء انحنت شبه جالسة قبال شنطتها خرجت كعبها تحت انظاره
مُحارب قطب جبينه من سمع هالصوت اللي تسبب بمشكلة بينهم الصباح
ولاء وقفت وجلست على طرف السرير وانحنت حتى تلبس خلخالها
مُحارب انحنى شبه جالس عندها
ولاء توترت من قربه واعتدلت بجلستها
مُحارب مد يده واخذ خلخالها من يدها
ولاء رمشت من استوعبت اللي سواها/محارب
مُحارب انحنى ومد يديها لفوق كعب قدمها ولفه حول يمينها يقفله/هلا
ولاء سكتت من حست به يقفله
مُحارب حاوط خلخالها بكفوفه
ولاء قشعر جسمها من ملامسته لها
مُحارب رفع نظره لها/لاخطيتي به وجلجل صوته بالمكان فز قلبي يمك يسابق صوته قبل تنتهي خطواتك
ولاء ضمت يديها بربكة من كلامه المفاجىء
مُحارب/خوفي به قلب غيري بالمكان يسابقني وانا مدري به
ولاء بلعت ريقها من بعد تفكيره وبساطة تفكيرها بالنسبة لها خلخال امها الغالية وبالنسبة له وتر يضرب ممكن يحرك قلوب غير قلبه ماطرا ببالها ابدا هالمنطق الغريب بيوم
مُحارب/عرفتي وين توصل بي الغيرة؟
ولاء ناظرته بصمت
مُحارب/جلجلي به بكوني واطربي مسمعي مير غير اذن محارب ماارضى اي اذن غريب تسمعه
...................................................
.
سطام وقف بسيارته قبال بيت بـيّـن
يـقـيـن تناظر المكان بعدم تصديق هالمكان البعيد اللي كل مافيه ينطق بكونه منبوذ من الديرة واهلها هو مكانها هو نهايتها وياللأسف منتهاها داهمها شعور الحزن لحالتها المؤسفة بنظرها بعد ماكانت صاحبة كلمة ومكانة اصبحت بلا مكانة كليا الان هي زوجة الراعي اللي حتى الراعي او اهله ماكلفوا انفسهم باستقبالها زفرت بابتسامة سخرية على نفسها اي استقبال لها وهي مجرد عطية مغلفة بمظهر زواج صحت من دوامة افكارها على صوته
سطام واقف عندها فاتح الباب من جهتها ماد يده لها/يالله يـقـيـن
يـقـيـن ناظرته بتردد
نور جالسة قدامها مكان الراكب نزلت ناظرتها بابتسامة/يالله
يـقـيـن لامست كفها بكف سطام
سطام ضغط على كفها بتطمين مشى معها وخرج مفتاح البيت من جيبه ناظرها بابتسامة/ياراعية البيت افتحه او تفتحينه؟
يـقـيـن التزمت الصمت
سطام فتح الباب دخل بابتسامة ماسك لها الباب/بسم الله حياكم حياكم
يـقـيـن دخلت وراه وارتسمت الصدمة على ملامحها
سطام بابتسامة/ماشاء الله ماشاء الله
يقين وقفت مكانها تناظر البيت اللي انهت جولتها فيه بنظراتها فقط
نور بابتسامة/ماشاء الله يـقـيـن ماشاء الله صغيرون وقبالك غنم حلمك وانتي صغيرة تذكرين
يـقـيـن ساكتة
سطام توتر من صمتها ونظراتها المتجولة بالبيت رغم صغره مد يده ومسكها/يقين
يـقـيـن ناظرته بابتسامة وببحتها/نزل اغراضي سطام
//بعد عشر دقايق من الوداع والوصايا بين الاخوة فضى المكان//
يقين ناظرت المكان وعضت شفتها السفلية وسط رجفة كبحها لعبرتها /بيت الراعي كله كبر غرفتك يايقين كبر الغرفة بس/انسابت دمعة غصب عنها من قلة حيلتها/هذا اولها وش ينتظرك يايقين وشو
..........................................
<<بيت ظاهر>>
فتحت باب بيتها متعمدة التأخير لبعد صلاة العشاء فتحته وداهمها ازدحام الاصوات اصوات انقطعت من البيت من سنين تكررت بهالسنة مرتين مرة بزواج محارب اللي رغم قلة حضوره يظل هالبيت كسر صمته المستمر من سنين وهاهو يتكرر الازدحام الجميل المحبب ازدحام يثبت وجود العايلة بهالديرة رغم كل تقلبات الحياة اللي اجتاحتهم ازدحمت الاصوات صوت ضرب الفناجيل بيد الصبابات صوت ضحكات الصغار ولعبهم صوت الحريم المعتلي والهامس بسوالفهم صوت الدقاقة البعيدة بطرف البيت واللي اجبرتهم غصنة يحجزونها وكان ملتف حولها الحريم وعدد قليل يرقص على ما سُميت بـ(المنصة) بنيت خصيصا وباصرار لصاحبة الطلب وصوت اخر يخالط هالازدحام ومازاده الا جمال صوت لعب كبيرات السن الممتزج بصوت الدفوف اختلطت هالاصوات معلنة عن عودة الحياة لهالبيت شدت قامتها تستقيم خطت بيمينها لخارج البيت بثوب اسود اضفى خرزه لمعة كاسر هدوء لونه السادة بطرحة لفتها على راسها رامية نقابها على غير عادتها متزينة بكحلتها السودا وروجها الاحمر يغطيها ذهبها المزين اصابعه يديها بالخواتم وبيمينها ست بناجر وبيسارها اسورتها الثقيلة يعتلي صدرها عقدها الثقيل ويلتف حول وسطها حزامها ببشت معتلي اكتافها بشت باللون الأحمر مذهبة اطرافه وعلى قفاه طُرز باللون الذهبي(حـمـدة)واسفل هالاسم اربع جنيهات ذهب خرجت متأهبة لكل الانظار الملتفة لها تعمدت هالتأخير حتى ترسخ هالطلة بانظارهم
سرور الجالسة وسط الحريم اللي يلعبون بعبايتها مانزلتها همست وهي توقف/هه هه جت
مضاوي قطبت جبينها بزعل/ايه ماعلي منها
سرور نزلت عبايتها كاشفة عن بشتها الاحمر المعتلي اكتافها طرز عليها اسمها بطريقة مماثلة لحمدة ونفس الجنيهات تحت اسمها باستغراب ناظرتها/علامك
مضاوي نزلت عبايتها جالسة ومماثلة لهم ببشتها/مابي شي
منيرة اللي عند الباب ترحب بضيوفها اتسعت عيونها من التفت وناظرتهم
حمدة بخطوات متبخترة من اتجهت الانظار لها وبوسع ابتسامتها متجهة لسرور ومضاوي/ياهلا ومرحبا حياكم الله ياهلا ومسهلا امطرت وانورت
سرور مشت باتجاهها واعتلت زغاريطها
مضاوي وقفت وطردت ابليس عنها
حمدة ضحكت بخفة وبحماس مرتسم عليها بوضوح فتحت يديها
سرور احتضنتها تسلم عليها وبهمس/العرب مالفوا
حمدة/مير انه تسوى هالبشوت لفوا ولا مالفوا
مضاوي وقفت قبالها بملامح مرتسم عليها الضيق
حمدة سلمت عليها همست/علامك ياضوي
مضاوي بزعل/ضوك يشوفه غيري وانا لا
حمدة تنهدت وشدت على يدها فهمتها من نظراتها من البداية بهمس/كان عشان النقاب بعرس مُحارب هذا انا رقصت بعرسه اكثر من ذالحين ولفيت باوله ووقفت اهلي بضيفانه معك
مضاوي سكتت
حمدة/فرق بينه وبين ذالحين يامضاوي
مضاوي بشي من الرضا/مير انه
حمدة قاطعتها مبعدة يد مضاوي عن يدها بغيظ/كبي عنش التغلي عاد هذاني معك جنبك ابديك على غيرك واراضي خاطرك وانا بأحلى ايامي
مضاوي احتضنتها بالاجبار
حمدة تقاومها/ابعدي عني ابعدي هنا
مضاوي بابتسامة محتضنتها/ياحمدة ياام النعيجات
حمدة اتسعت عيونها بصدمة من اللقب اللي نسته من دهر غطت فم مضاوي
سرور ضحكت/يوووه ياذيك النعيجات الله يسقي بس
حمدة مدت يدها وضربت سرور بيدها/ارض يامال العافية اوص
مضاوي ضحكت وصفقت تردد مع لعب الحريم بابتسامة/حليمة حليمة خيطي ثوبي المشقوق
غصنة بابتسامة/ادعس يابنت فالح سوتها المطنوخة
سلام بقلق/الله يستر ويعدي الليلة على خير
غصنة التفتت لامها تنهدت براحة
منيرة استقبل الضيوف عالباب
غصنة/الحمدلله امي ماانتبهت
ولاء/كل ذا الاحمر وماانتبهت
غيمة/اسكتي يالخاينة بس اسكتي
غصنة/الحمدلله هالمرة قلتي شي صح مليون بالمية
غيمة ميلت فمها
ولاء/عاد هاذي عهود ومواثيق اسفة مااقدر اقول
اعتدال اللي انها رقصها على طرب الدقاقة وقفت عندهم بانفاس سريعة/شفتوا شفتوا
سلام بضحكة/بغيتي تقطعين رقصك صح
اعتدال/وانا اقول جدتي لبست عبايتها بغرفتها ايه شفت طرف الاحمر احسبه ثوبها الجديد
غصنة ضحكت/الغدرة ياسادة الغدرة ليه مافصلوا لنا معهم
غيمة التفتت لها/اصبري بس ان ماراحت لها امي
ولاء/مابتقول شي خلاص انتهى الموضوع من طلعت جدة حمدة من البيت خلصنا
غيمة تنهدت واتجهت لامها
ولاء اسرعت بخطواتها وراها/انتظريني
اعتدال/غريبة ماوصلوا اهل العرايس
سلام ميلت فمها بغيظ من حركتهم/عساهم
غصنة تنهدت/والله ماالوم جدتي بشي ودي بدايتها امشوا بس نرقص
غيمة وقفت جنب امها/يمه
منيرة التفتت لها وهمست/شوفي الصبابات مو عشان جبتهم إتريحون
غيمة/ابشري يمه
منيرة ابتسمت وناظرت قدامها لضيوفها/ولاتساليني عن شي جدتك عقلها براسها بكيفها انتي وانا مالنا شغل بشي
//اعتلى صوت الطيران والدقاقة ملزم الجميع للالتفات//
غيمة التفتت للصوت باستغراب من التغير المفاجئ بالجو العام
سحاب دخلت من باب البيت بكامل اناقتها ثوب باللون البني المطرز بفصوص لامعة بطرحتها ونقابها يعتليها هالشال ومستندة على عكازها الخشبي الجديد اللي تزين ممسكه وجوانبه بالفضة المنقوشة خطت بيمينها لداخل البيت/السلام عليكم
منيرة احتفظت بملامح جامدة لخاطر عيالها تكرههم وتكره طواريهم كيف لاصاروا قبالها وبهدوء/وعليكم السلام والرحمة
سحاب وقفت ساكتة لثواني/علامك ياام ظاهر ماهي عادتكم ماترحبون بضيوفكم
منيرة التزمت الصمت
ام سطام بابتسامة/علامك يامنيرة
منيرة احتدت نظرتها من سمعت صوتها وثبتت نظرها عليها
ام سطام/خابرتك راعية واجب الظاهر السنين غيرتك بعدي
حمدة وقفت قبالهم بابتسامة/ماتغيرنا السنين حنّا اصل الكرم الواجب ولا تبين اذكرك يازينة
ام سطام تغير وجهها وسكتت
ريوف بتفحص من فوق لتحت همست لجدتها/جدة العجز ذولي لابسين بشوت
سحاب زفرت بضحكة خفيفة
حمدة/مير حنّا غيرنا الوجهة بعض العرب الطيب حرام فيهم
سحاب ضحكت/الله يهديك ياحمدة حنّا اهل ذالحين
حمدة بضحكة/تعقبين والله
سحاب منصتة بابتسامة
ام سطام ميلت فمها بغيظ
حمدة بابتسامة/عيالكم صاروا من اهلنا مير عيالنا ماظنتي يريدون يصيرون من اهلكم والله العالم يمكن بنتكم ماتبي تصير من اهلنا
سحاب/بعض الهروج ياحمدة مقعادها في بيت اهلها جميلة
حمدة/ايه لاصار العلم يمك مقعاده في بيت اهله يامبروكة
ام سطام بغيظ/سحاب سحاب وعلى اسمها سحاب وينها ووين الحصى المحذوف لايوصل ولا يدنس
حمدة بعناد تغيظ ام سطام وعينها بعينها/مبروكة حنا اخذنا بنت منصور من ولده سحاب ذالحين وش علينا منها
ام سطام شدت على قبضتها بغيظ
سحاب بابتسامة/صدقتي واسمي يازينه وين ماحليت حلت البركة معي ابشروا بالخير يابني طاهر
حمدة/امحق بركة وبركة من وراكم مانبيها
منيرة قاطعت النقاش اللي بينتهي بحرب بين هالثنتين بكلمة وحيدة/تفضلوا
غيمة اخذت نفس مدركة للعواقب اللي ببتجتاحها بعدين/حياكم الله تفضلوا تفضلوا ياهلا ومرحبا
//منيرة وحمدة التفتوا يناظرونها بحدة//
غيمة تجاهلت النظرات رغم احساسها فيها والتفت تناظرها باستغراب من ناظرتها اسرعت بخطواتها لها/علامك
ولاء بوجهها المخطوف/غيمة/اهتز صوتها/مااشوف غيمة ياغيمة
................................
<<عـنـد الـرجـال>>
نواف بلبسه الرسمي المعتاد ثوب وشماغ وبكامل اناقته وقف جنب محارب
مُحارب الواقف جنب ظاهر يرحب بضيوفه مع عمه بعد جلوس جده حتى يستريح التفت له من حس بقربه
نواف/متى بنبدأ اللعب ترا خلصنا صلاة العشا
مُحارب/طسّ عني لااخليك تلعب من الوجع طس
ظاهر بابتسامة التفت لهم/فكونا خلوا الهواش بعدين/قطب جبينه/وينه ضاري
نواف نسى ضاري وغاب عن باله اخفى ربكته/يلعب من العيال
ظاهر ماغاب عنه قلق نواف/رح شف وينه لاأخليك مفطح على احد الصحون الليلة
نواف/ابشر/مشى/
ظاهر ناظر محارب وبنرفزة/وينه اخوك؟
مُحارب/جهة القدور يشوف العشا وش وضعه
ظاهر كتم كلامه بقلبه/قلّه يجي يستقبل ضيوفه العشا مو بطاير
بـيّـن وقف جنب ظاهر وبصوت اعتلى وسط ابتسامة مجاملة/ياهلا ومرحبا ياحياهم الله يامرحبا تراحيب المطر وعدّ السيل ياهلا ومسهلا
بارود الجالس جنب سهم بطرف المجلس ناظر ابتسامته وبغيظ/ياعساها ماتدوم ووجعاه ياقهري/ناظر عزيز الجالس بصدر المجلس عن يمين طاهر يسولف مع الشيوخ بابتسامة وبغبنة/وذا علامه قصّنا ولا كانه يعرفنا
سهم يناظر عزيز الشاحب/هو علمك وش بلاه الليلة؟
بارود بكره/من اصبحت تدور عليه جدته وانا دريت ان عزيز راعي الاولة عود
سهم قطب جبينه بتفكير
بارود رجع نظراته لبـيّـن
بـيّـن اسرع بخطواته من لمهحهم بابتسامته العريضة الصادقة هالمرة
بارود قطب جبينه من اختلاف الابتسامة والتفت لمكان اتجاهه
بـيّـن فرد يديه قباله/ياهلا والله ومليون مرحبا
عمار اسرع بخطواته لبيّن وسلم عليه بحرارة/مبروك مبروك يابـيّـن
بـيّـن/الله يبارك بعمرك ياعمّار/سحبه من يده يدخله لداخل المجلس/
عمار وقف يوقفه/لا يابـيّـن انا بجلس هينا يكفيني والله
بـيّـن سحبه/اقول امش انت ضيفي ضيف العريس اجلس بصدر المجلس
عمار مشى معه بعدم راحة من الانظار
بـيّـن مر قبالهم وكمل طريقه لصدر المجلس
بارود اتسعت عيونه يناظرهم/هو صحيح ذا اللي يصير!!
سهم شد على قبضته وبغيظ/كبّ ادناة القوم يفرشون ريشهم مردها ننتف هالريش
بارود بقهر/الملامة على عيال الشيوخ اللي تاركين هالاشكال تمرح ولا بنات الشيخ عرسهن بمجلس الديرة وعلى قفى من يشيل مير/مسك نفسه عن الشتم بصريح العبارة وصد بوجهه ساكت/
عزيز قطب جبينه بغيظ من لمح بـيّـن وفعله
بـيّـن وقف قبال جده
طاهر ابتسم وأشر جنبه بينه وبين عزيز/هنيا ياعمار هنيا
عمار انحنى وسلم على راس طاهر
طاهر/سلمت ياعمار سلمت تريّح ياحياك
عمار جلس بينهم
عزيز شد على قبضته بقهر
طاهر/ياهلا ومرحبا ياهلا سلمان وين القهوة ياولد
..........................................
<<عند الحريم>>
//انقسم المكان لقسمين قسم تجلس بصدره سحاب وملتفين حوله اغلب حريم الديرة والقسم الاخر بالمقابل وهو الاقل تجلس به حمدة وكل مافيها يتباهى بكسره لسحاب اللي دخلت لهالبيت للمرة الثانية مرغمة//
حمدة اشرت لغصنة
غصنة وقفت عندها بعد دقيقة/سمي جدة
حمدة بتهديد/والله ماكسرتنهن بالاشواط لاكسر روسكن يابنات طاهر
غصنة انصدمت من سخافة التهديد بعينها/حنا بنرقص ياجدة
حمدة مسكتها من يدها وشدتها لها/لا ماهو برفض ذا واجب عليكن اكسرن هالحريم بالرقص ولى بتكسر رجولكن الليلة
غصنة ناظرتها لثواني ساكتة تنهدت/ابشري
حمدة/وعلّمي ولا و عدلة معكن ان طيبتن خاطري ابشرن بذاك التيس لعيونكن
غصنة/وش نبي بتيسك ياجدة
حمدة/تطلعن به طلعة على هواكن
غصنة عجبها الموضوع وبحماس/ابشري والله لااطيب ابو ابو خاطرك/وقفت ومشت/
سالمة ملتف حولها عيال عايض وعيالها تناظرها بغبنة منها
سعاد الجالسة جنبها والمنزعجة من بكى الصغار حولها ناظرتها وهمست لسالمة/ول عليها ترقص ماتقولين وراها مصيبة عساها بالمصايب
غالية متوسطة ملعب حريم كبار السن ترقص بوسط ابتسامتها المعبرة عن فرحتها بهالليلة
سالمة بغيظ/كله من امي ولى كان علمتها وشلون تتمايل من الغبن يامال الغبينة
سعاد/الغبينة صدق هالعوبا طالعة لامها
سالمة/ايه تربية غويلية ولى عايض يخلف الله ماطلع من تحته شي
سعاد ابتسمت/يابنت الحل من اول قدامنا مير حنّا عمي الله لايبلانا
سالمة بحماس/وشو وشو
خلود جالسة بعبايتها ونقابها متغطية جالسة عند طرف بيت ظاهر وعينها على اخوانها ياكلها قلبها تاركتهم معهم لكن بعينها قررت تتخذ نهج امها حتى يتعدل ابوها قطبت جبينها من ناظرت اخوانها متجمعين حول عمتها يسمعونها باهتمام وقفت مشت باتجاههم
غصنة اعترضت طريقها ومدت يدها رفعت نقابها تتاكد/خلودي
خلود كملت طريقها/بعدين بعدين غصنة
سعاد مشت ووراها الصغار وقفت على طرف ملعب الحريم/يالله روحوا لامكم يالله
غالية ترقص بابتسامة وقفت من حاوطوها عيالها اللي احتضنها واللي ماقدر يوصلها شد فستانها واللي وقف يناظرها من بعيد اكتفى بالبكى وسط مناداتهم لها(يـمـه)
سالمة بابتسامة/ماانتي بهينة يابنت
سعاد تكتفت/مثل ماتعرف تنكد حنا بعد نعرف ننكد مثلها
خلود وقفت تراقب الوضع رجف قلبها مو بخوف على امها ابدا خوف من ردة فعلها وتاثيره على اخوانها
غالية وقفت مررت نظرها عليهم وبحدة/مين امكم
خلود انخطف وجهها تعرف امها زين وكانت موقنة هالشي رغم تكذيبها لنفسها
//ارتسمت الصدمة على ملامحهم والبعض انهار ببكاه وسط انظار اللي حولهم//
غالية التفتت لسعاد وسالمة واشرت/هاذي و هاذي امكم
سالمة اختفت ابتسامتها وظلت تناظرها بصدمة من عدن اهتمامها
سعاد احتدت نظرتها
غالية ابعدت يدينهم عنها وكل من رجع مسكها ابعدت يده بالقوة
خلود اتجهت لهم وقفت جنب امها وابعدت اخوانها وامسكتهم وظلت تناظر امها بنظرات لوم
غالية استقبلت نظرات خلود بعدم اهتمام ثم التفتت تناظر سعاد وسالمة واتجهت لهم
سالمة رجعت خطوة لورا
سعاد مدت يدها توقفها وبدون انتظرها وعينها بغالية بحدة/علامك خليك مكانك
غالية وقفت قبالهم وبابتسامة/علامكم كابين عيال اخوكم  يتفلتون عالخلق وين الادب
سعاد/تراهم عيالك مايحتاج ترمين الهروج على قل سنع
غالية/استغفر الله ياربي طلعوا من ذمتي لذمتكم من مبطي استغفر الله لاترموني بشي مالي به
سعاد ناظرتها بحدة
غالية لفت عنهم ومشت/امسكوا عيالكم وربوهم ياناس
خلود عضت شفتها بقهر والتمعت عيونها سحبت اخوانها ومشت/يالله
غصنة مسكت احد عيال عمتها بيد وبيدها الثانية وسحبتها لبيتهم/تعالي
خلود وقفت وسحبت يدها منها/كبيني
غصنة سحبتها بقوة/امشي معي
........................................
ديوان جالس فوق احد الجبال البعيد عنهم بمسافة يناظر انوار العرس الواضحة من موقعه زفر بحزن ورفع منظاره الليلي وجهه لجهة الرجال يراقب/اوووه العشا خير من الله بيزيد/ناظر لعب الرجال اللي مو واضح فقط صفين الرجال سحب منظاره الثاني يقرب المسافة اكثر حتى يوضح له زفر بضيق ونزل المنظار جنبه رفع كاسة شاهيه اللي بردت بيده لقمه وهمس/مبروك يابـيّـن مبروك
.................................................
<<بيت منيرة>>
خلود بدموعها
غصنة/كبي الصغار هنيا واطلعي تونسي شوي
خلود هزت راسها بنفي وسط دموعها
غصنة تنهدت/تدرين عمتي مانقصدها
خلود بصوت راجف/ادري امي ماتقصد والله ادري مير/انسابت دموعها بغزارة/ياقوها ياغصنة ياقوها
غصنة/تعرفين عمتي تطخ احيان وتعود هونيها
خلود التفتت لاخوانها/ومن يهون الفجعة عليهم مين
غصنة تنهدت وقفت وبابتسامة/اكثر واحد يلعب ويضحك الليلة ولا اشوف دموعه له مني عشر ريال واوديه البقالة
حسّان(٩سنوات)/عشرة وش اسوي فيها ماتجيب فشفاش
غصنة عبست بوجهها وكتمت غيظها/يالله اربعين ريال
//فزوا من جنبهم يركضون خارجين//
غصنة فزت/بسم الله بسم الله
خلود رمشت
غصنة/شفتي حتى الصغار يدرون ان عمتي ماتقصد
خلود ناظرت سجى(٥سنوات)
غصنة/سجّو تبين عروسة انتي صح
سجى/اعطيك العروسة وترجع أمي؟
غصنة رجف قلبها من حجم المقايضة
خلود بلعت عبرتها وصدت بوجهها بصمت
.....................................
<<عـنـد الـرجـال>>
رازي وقف بوجهه الشاحب اللي ماخفى عالكل يمشي ويحس الارض من تحته وكانها مصمغة برجوله يجر خطواته الثقيلة بتفكير وين ممكن تكون راحت بهالليل وهي ماتعرف احد جرته سلسلة افكاره من بداية ضياعها الى نهاية خياله اكيد طاحت بأحد الابيار وهي ماتعرف شي بهالديرة وقف من حس بشي يوقفه
بـيّـن بقلق/ولد علامك
رازي بلع ريقه وباستجماع لشتاته ابتسم بشحوب/مابي شي
بـيّـن/يعني مااعرفك!!
رازي/لو فيه شي بأعلمك
بـيّـن شد على يده/ولد والله تراني على طرف لاتخليني اخليك سبب
رازي اختنق صوته/غيمة ضايعة محد يدري وينها لها ساعة ولاء تدور ولا حصلتها
بـيّـن/وش تقول من جدك!
رازي سكت
بـيّـن بتطمين/بنلقاها ياابن الحلال بنلقاها
رازي رفع جواله لاذنه من اعتلى صوته/نعم
ولاء بدموعها/رازي
رازي رجف قلبه/وش فيها ياولاء وش فيه
ولاء/لقيناها غيمة لقتها لقتها
رازي/كيفها وش يعورها هي طيبة
ولاء/طيبة والله طيبة
رازي/جايك الحين جايك
بـيّـن ترك يده/رح يالله تطمن رح
رازي/شوي وراجع لك/اسرع بخطواته مبتعد/
بـيّـن زفر براحة وسط ملامحه اللي تغيرت لقلق لامس بطنه بيده/ووه انمغصت وش ذا العلم/التفت لنواف/ولد
نواف مشى له/نعم
بـيّـن بحدة/ضاري وينه
نواف اشر بيده بوسط ملعب الرجال
بـيّـن تنهد براحة من ناظره/الحمدلله الحمدلله
نواف/متى بتروح بيتك
بـيّـن ناظره بصمت
نواف/امزح امزح بكيفك مالي شغل/مشى مبتعد عنه/
بـيّـن تنهد بضيق مهما ماطل مصيره بالنهاية يرجع لبيته وذا الوضع الطبيعي
..................................................
<<بيت طاهر>>
غيمة شايلة غيمة الصغيرة بين يديها
غيمة الصغيرة محتضنة غيمة بكل قوتها
ولاء تناظرها بدموعها
غيمة/خلاص عاد وتراك غلطانة كيف مادورتي عليها بداخل البيوت وهي متعودة تجينا تلعب
ولاء/دورت لكن مدري كيف انعميت عنها
غيمة/تعالي ليش تقولين لاخوك تعرفينه الحين يكبر الامور بالحيل
ولاء مدت يديها/تعالي غيمتي نروح لبابا
غيمة الصغيرة ماردت عليها
ولاء مسكت يدها/يالله غيمة نروح نشوف بابا
غيمة الصغيرة سحبت يدها بقوة/ولاء لا انتي لا انا مع عيمة وبس
//غيمة وولاء ناظروا بعض//
ولاء/روحي معها
غيمة اتسعت عيونها/سلامات ياهيه
ولاء التفتت لصوت الزفة/غريب وش ذا
ريوف شايلة سلة كبيرة توزع جنيهات ذهب توزيعة من سحاب بهالمناسبة
غيمة زفرت بسخرية/تموت هالعجيز اذا ماسوت شي يخلي العين عليها تموت
اعتدال وقفت عندهم بابتسامة/خليها تبرد قلبها شوي ماقصروا جداتنا فيهم الليلة
ولاء/والله اللي بيموت وينحرق قلبه رازي اذا ماطلعت له بنته وشافها
اعتدال/طلعيها طيب وش تحترين
ولاء تكتفت تناظر غيمة 
غيمة ناظرتها بغيظ ثم ناظرت غيمة الصغيرة بين يديها/غيمي روحي لبابا يحتريك
غيمة الصغيرة تناظرها بدموعها
غيمة/روحي مع عمة ولاء واعطيك سلة حلاوة لك لوحدك
غيمة الصغيرة نزلت بعدم رضا كامل ومدت يدها لولاء
ولاء ارتفعت حواجبها
غيمة/يالله وش تحترين
ولاء مسكت يد غيمة الصغيرة ومشت ميلت فمها بعدم رضا ثم ناظرت غيمة بعبوس/وراك ماكملتي الزعل ياغيمة وراك
.
...............................
<<بعد الزواج>>
.................................
<<مجلس الشعر>>
//بعد انتهاء الزواج وخلو المجلس من الضيوف ماعدا العمال ينظفون المكان باشراف العيال المرتسمة على وجيههم اثار التعب//
حامد شد على كفوف ابوه المحتضنة كفوفه بابتسامة/يبه النوم النوم يمديك ميت من التعب
طاهر/هنا بادي وتريحت عيني يوم شفتك شبعت نوم ياحامد شبعت
حامد وقف وشد على كف ابوه يوقفه/يالله يبه ارتاح لازم
طاهر وقف/بارتاح بترتاح مير اوعدني تبات هنيا واشوفك لااصبحت
حامد سكت
سلامة وقف عند ابوه/يبه بنمشي؟
طاهر بزعل/ماني بنايم الا وانت واعدني
حامد زفر بضيق/ابشر يبه ابشر على ماتبي
طاهر احتضن يد حامد بيمينه بوسع ابتسامته ومد يساره لسلامة/اقرب ياولد
سلامة مد يده بتردد يحس بالغربة بينهم كيف احتووه بهالسرعة وعاملوه منهم وهو مايعرفهم تخوفه هالمعرفة وهو ماتعود عليها ولا تعود عليهم
طاهر سحب يده واحتضنها ومشى باتجاه بيته/مشينا نتريح مشينا
ريوف خارجة من بيت ظاهر مستندة على امها بسبب الكعب والارض الغير مستوية وبحلطمة/يعني لازم ماما لازم تسلمين عليها وش معنى الحين وانتي العصر زعلانة منها
ام سطام تمشي جنبها/لازم اشوف اختك وبعدين نور ماهي بمثل يـقـيـن يقين ماينخاف عليها نور مسكينة
ريوف/ايه اعرقوا فيها ماطلعت علينا
ام سطام وقفت وناظرتها/وش قصدك؟!!
ريوف/سلامتك يمه بس ليه نمشي سطام يجي ياخذنا
ام سطام/فكينا من سيرة هالنجس يجي بارود ولا احد غيره الحين وياخذنا/وقفت بصدمة من طاحت عينها عليه مكذبه لنفسها ولعيونها اللي تشوفه معقول هو هو ذاك الحبيب اللي رفضت كل الوسايل تجمعها معه رجف قلبها من سمعت صوت ضحكته اللي حافظتها زين وهي اول هزايمها بغرامه مرّ من جنبها متجاهلها مالاحظها ولا انتبه لوجودها شدت على قبضتها وفاضت محاجرها بدموعها نفس الموقف يتكرر مادرى عنها ولا عن وجودها هو كل مايهمها وهو ماتهمه بشعرة كيف يفز قلبها له نفس الفزة من سنين ماتغير وهو على نفس موقفه ماتغير تكره هالقلب الضعيف لو تقدر تبدله ولا تعيش هالمذلة من جديد/
ريوف قاطعت افكارها باستغراب/يمه علامك
ام سطام برجفة صوتها/امشي قدام شوفي سيارة عوض يحترينا امشي/اسرعت بخطواتها/
ريوف اختل توازنها للحظة ثم اتزنت/يمه لاتكبيني يمه/نزلت كعبها وشالته بيدينها واسرعت بخطواتها بتوجع من الارض اللي تمشي عليها حافية/يمه يمه
..............................
عزيز يجر خطواته بثقل باتجاه مجلس الديرة
بارود وراه/ياشيخ لاتمرح بالمجلس بارد بالحيل
عزيز بتعب/امرح وين ماابي مالك شغل
بارود/زين اشب لك النار حتى يدفى المجلس
عزيز بأمر/ولا دفى طفها وتوكل
بارود ميل فمه بعدم رضا من الاسلوب الجديد
عزيز التفت له وكله يتصبب عرق بوضوح وبحدة/علامك ماترد؟
بارود/ابشر ابشر طال عمرك/قطب جبينه/ياشيخ
عزيز نطق بثقل/ايه كـ/خارت قواه بدون شعوره وهوى بجسمه فاقد لوعيه/
بارود مسكه قبل يضرب الارض حركه بخوفه/عزيز عزيز ولد علامك
عزيز يتحرك معه بدون اي رد فعل
بارود شاله على ظهره بفجعته/ولد لاتموت لاتكون سمعت
................................
<<بيت ظاهر>>
ظاهر دخل لبيته بصوت خطوات واضحة
نور بغرفة النوم شدت على مسكتها من سمعت بخطواته
ظاهر دخل لغرفة النوم وعيونه بالارض/السلام عليكم
نور همست/وعليكم السلام
ظاهر اتجه للتسريحة نزل ساعته وكبكاته ثم اتجه للسرير
نور بلعت ريقها بتوتر مرت بتجربة الزواج سابقا لكن كانت سيئة بالنسبة لها من دخل وهي تقارن دخولهم ببعض حركاتهم ببعض وبدت ترسم السيناريو الاسوأ لتصرفاته معها بهالليلة رفعت عينها له من حست برميه لشي عالسرير جنبها ناظرته للحظة ثم ناظرت اللي رماه عالسرير وكان شماغه وبشته رجعت عينها له تناظره
ظاهر تكتف/اسمعي يابنت الناس من اولها اكون واضح ونفهم بعضنا
نور قطبت جبينها باستغراب من اسلوبه كان مختلف وكثير عن اللي سمعته
ظاهر/اول شي واهم شي ولدي لاتأذينه وانا اضمن لك مايأذيك ماانتي بملزومة فيه ولاني بجابرك وهذا حقك
نور ميلت فمها بصمت
ظاهر/وثاني شي كل شي يصير بهالبيت وكل شي يخصك ترجعين لي فيه
نور بنفسها/يخصني!!
ظاهر/طلعاتك وكل مافيه ماتتم الا بمشورتي ورايي
نور زفرت بطفش مو اسلوبه
ظاهر/وكل مايصير بهالبيت مايعتب بيبانه والاهم الحين/فك تكتيفته واشر بطرف اصبع يمينه على راسه وبابتسامة/تراني مجنون
نور قشعر جسمها منه
ظاهر/ماتدرين الا وانا فوقك وخانقك يمكن باي لحظة تموتين
نور عبست بوجهها
ظاهر/كان تبين السلامة/اشر بيده عالباب/تفضلي لك الحق ولا عليك ملامة مير اذا بقيتي توافقين على شروطي كل ابوها
نور تنهدت رمت مسكتها جنبها عالسرير بنفس طريقته
طاهر قطب جبينه
نور بهدوءها المعتاد/كل ماقلته تم قبلته وحتى جنونك راضية فيه وبأتحمله
ظاهر ناظرها مميل فمه بشك
نور/وانا بعد لي شروطي مثلك
ظاهر/اسمعك
نور/الاحترام
ظاهر قطب جبينه
نور/تحترمني داخل البيت وخاصة خارجه مهما يصير الاحترام اول شي وثانيها يوازي الاول بالاهمية جوالك مايدخل غرفة النوم ابدا لو يموتون اهل الارض وانت منقذهم الوحيد مايدخل ابد
.
..................................
<<بيت بـيّـن>>
بـيّـن وقف عند الباب ميل راسه وثبته على الباب غمض عيونه يقنع نفسه بوضعه الجديد اخذ نفس همس لنفسه بجملته المعتادة من وقت اجبره جده على الموافقة على خطبتهم/شهر يابـيّـن شهر والوجه من الوجه ابيض شهر/دخل المفتاح بالباب/
يـقـيـن المتمددة عالسرير نايمة فزت من سمعت صوت الباب وقفت قبال المراية تناظر شكلها رتبت شعرها اللي تبعثر من نومتها بسرعة جلست على طرف السرير قطبت جبينها باستغراب وبشوفة نفس رددت لنفسها/وشو له اهتم بشكلي قدامه وهو مايسوى بين العرب
بـيّـن فتح الباب ودخل/السلام عليكم
يـقـيـن ببحة صوتها/وعليكم السلام
بـيّـن قفل الباب وهو ينزل بشته والتقت عينه بعينها وميل فمه بضحكة خفيفة
يقين انكمشت للحظة بشك بنفسها/وش فيه ذا يضحك!!لايكون فيني شي غلط
بـيّـن وقف عند الدولاب واعطاها قفاه ينزل بشته علقه داخل الدولاب ودخل لداخله يضحك بخفة من مرت فيه الذكرى وكانه يعيش تفاصيلها الان
،
،
يقين(١١سنة)بكحلها الاسود داخل عيونها جالسة على اعلى الجبل المتوسط الطول خلف بيت طاهر تمسح عيونها بالمنديل
بـيّـن قبالها ماسك المراية الدائرية الصغيرة لها يناظرها/ياويلك من امك وبعدين وش زينه على نور اكيد بيزين عليك
يقين ابعدت المنديل عن وجهها وناظرته بملامح عابسة
بـيّـن ناظر السواد الموزع اسفل عيونها ومنتشر على خدودها بفعل دموعها ماتحمل منظرها وانفجر يضحك/تقل غاطسة بخيشة فحم
يـقـيـن بغيظ/هاه هذا انت ضحكت وشلون بنات الجنية بالعزيمة شوي والله ان ياكلوني بينهم
بـيّـن يجبر خاطرها/هو زين والله مير انه كله ذايب على وجهك
يـقـيـن تمسح وجهها/انا مااحبه مدري امي علامها ماتفهمني
حمدة من البيت صرخت/ياليهودي يالسروق وين مرايتي
بـيّـن فز وجرى
يقين/اصبر ماخلصت
بـيّـن يجري/قولي لنور تزينه لك/وقف والتفت لها/تراه زين وكل شي يزين عليك ماعليك منهن ذابحتهن الغيرة
يـقـيـن باحراج/صحيح؟
حمدة/يالسروق ووجع
بـيّـن كمل طريقه يجري/والله،طيب ياجدة طيب
،
،
يـقـيـن بشك منه/لايكون بعد فيه شي براسه/انخطف وجهها/خلف الله عليك يايقين فوق الراعي وفقره مريض بعقله
بـيّـن اخذ نفس يكبح ضحكته ويتجاهل تفاصيل وجهها بذكرياته بكل مافيه والتفت لها قطب جبينه من لمح وجهها
يقين وقفت همست ببحة/انا من جيت لهالبيت
بـيّـن ارتفع حاجبه وبنفسه(هالبيت)
يـقـيـن/ماشفت الحمام وينه؟
بـيّـن/تراه بيتك
يـقـيـن عبست بوجهها وناظرته بصمت
بـيّـن تعوذ من الشيطان بينه وبين نفسه واشر للباب/برا
يـقـيـن احتدت نظرتها/نعم!!
بـيّـن/الحمام برا
يـقـيـن رمشت باستغراب/كيف يعني؟
بـيّـن/وش اللي كيف الحمام برا
يـقـيـن مشت بتكذيب له وقفت وسط قشعريرة سرت بجسمها من حست بيديه على اكتافها
بـيّـن وقف وراها وثبت بشته على اكتافها بكفوفه
يـقـيـن رفعت راسها تناظره والتقت عينها بعينه تسارعت نبضات قلبها واتسعت عيونها بصدمة من قربه وتراجعت بخطواتها لورا
بـيّـن رفع يديه من حس برجفتها ورجعهم ورا ظهره/مابعد ضميته للبيت البسي شي يغطيك وقريب اضمه ان شاء الله
يـقـيـن هزت راسها بايه
بـيّـن تقدم لها ومد يديه
يـقـيـن رجعت لورا وبحدة وسط انكماش جسمها الواضح/وش تبي
بـيّـن وعينه على بشته مسك اطرافه ورفعه على راسها ثم ناظرها وبتشديد/قلت تغطي
يـقـيـن دفت يديه وضمت البشت حولها وناظرته بعين وحدة من فتحة تركتها/خلاص ولا فيه اوامر ثانية؟
بـيّـن بلل شفايفه بطرف لسانه وزمها كاتم لضحكته وزفر من لمح كحلتها هز راسه بلا
يقين ماغاب عن عينها حركته مشت خارجة من البيت متجهة للحمام نزلت البشت على اكتافها وبهمس لنفسها/ذا وش فيه وش يضحكه/تكتفت ووقفت قبال باب  الحمام/ومن بدايتها اوامر!!هين نشوف مين اللي يقوى الثاني نشوف/انخطف وجهها من ناظرته قبالها وصرخت بأعلى صوتها برعب ولفت تجري راجعة للبيت/
بـيّـن نزل شماغه وتمدد عالسرير يدور الراحة بعد تعب هاليوم الحافل فز بفجعة من سمع صوت صرختها وجرى للباب فتحه وخرج فز من طلعت بوجهه وبصراخ/علامك
يـقـيـن تنط بمكانها مرعوبة وبهمس يكاد يختفي معه صوتها/داب داب
بـيّـن مسكها من يدها وسحبها لداخل البيت وراه وخرج وقف من حس بيدها والتفت لها
يـقـيـن مدت يدها ومسكته بخوف وبهمس/وين كابني وراك!!
بـيّـن/ادور الداب تدورينه معي؟
يـقـيـن قشعر جسمها وتركت يده وبخوفها/لاتبطي علي
بـيّـن هز راسه/ان شاء الله
بـيّـن رفع ثوبه وربطه حول وسطه رفع صوته/طرق/التفت لها باستغراب/
يـقـيـن واقفة وراه بمكانها ماتحركت/علامك رح وش تحتري
بـيّـن اقصد يخوفها/صكي الباب الا كان تبينه يسير عليك
يـقـيـن قفلت الباب بوجهه بكل قوتها قبل ينهي اخر كلمة حتى
بـيّـن ابتسم يربط ثوبه زين/ايه باقي باقي ماشفتي شي
..................................
<<بيت مضاوي>>
،،غرفة رازي،،
رازي متمدد بجنبه الايمن فوق سريره وعيونه على بنته النايمة قباله يمسح على راسها بيساره وكفها بيمينه يقبله كل بين تنهيدة والثانية يطمن نفسه بوجودها وسلامتها يطرد كل مااجتاحه من ظنون شينة بذيك اللحظة
غيمة تحركت بانزعاج من كثر تقبيله
رازي ابتسم وزفر بصوت واحتضن كفها الصغير تحت خده يناظرها
غيمة عبست بوجهها تحلم بذيك اللحظات واعتلى بكاها بلحظة
رازي فز جالس رفعها لحضنه يضمها/بسم الله عليك بسم الله هاه يابابا انا هينا انا هينا
غيمة تعلقت فيه تبكي بنومها/عيمة عيمة
رازي نزل يمشي فيها بالغرفة يطبطب على ظهرها بهدوء/ايه غيمة انتي غيمة وبابا معك
ولاء فتحت الباب بشويش ناظرته/الحمدلله صاحي توقعتك نمت
رازي يغيظها وسط ابتسامة/ولى علامك عسى ماخلاف ياولى
ولاء عبست بوجهها واخذت نفس/وين مفتاحك بس
رازي باستغراب/ليه وين مفتاحك وش تبين فيه اصلا!!
ولاء/محارب برا
رازي/يا هالمحارب اللي أبلشنا وش صابه عاف بيتهم ونشب لنا ببيتنا
ولاء رجعت شعرها لورا/واللي يعرف ولاء كيف يعيش بعيد عنها
رازي بضحكة/ايه صدق صدق
ولاء انحرجت من استوعبت كلامها واتضح للاحراج بملامحها وبربكة/بسرعة وينه المفتاح
رازي بابتسامة/مع مُحارب
ولاء بنرفزة/رازي خلصنا عاد
رازي/والله اني صادق عطيته مفتاحي
غيمة بكت بحضن رازي/عيمة عيمة
ولاء رمشت باستغراب/ايش فيه مادخل طيب
رازي ثبت يده على ظهرها/بسم الله عليك يابابا ايه غيمة انتي غيمة
ولاء قطبت جبينها بتردد
رازي ناظرها/وش تنتظرين روحي له روحي
ولاء/بأروح لكن ترا غيمة ماتقصد نفسها
رازي ناظرها باستغراب/أجل؟
ولاء/تقصد غيمة غيمة ماغيرها
رازي بصدمة من تبادر لذهنه ممكن غيمة تكون السبب باختفاءها/وليش وش سوت لها غيمة حتى تحلم فيها!!
ولاء/ماقصرت الله يسعدها هي اللي فزعت معي وحصلنا غيمة وهدتها وحتى بعد ماشفتها انت ورجعنا للعرس اخذتها وماتركتها لحظة الى ماخرجنا من بيتهم
رازي تغير وجهه من سوء ظنه
ولا تكتفت بزعل/رازي هالعادة متى تبطلها مايكفيك مالحقك من وراها
رازي رجف قلبه من انتبه لنفسه ماكان من اصحاب هالعادة لكن بعد اللي مر فيه اصبحت هالعادة ملازمة له في اغلب أموره اذا ماكان كلها
ولاء تنهدت من ناظرت وجهه/تحتاج اساعدك
رازي هز راسه بلا/ماتقصرين لابغيت شي ناديتك مشكورة
ولاء خرجت وقفلت الباب وراها
رازي انحنى ينزل بنته عالسريربصدره الممتلي ضيقة كيف يظن بغيمة هالظن وهي احب مخلوق لقلبه
......................................
سطام ببعثرة واضحة معتلية هيئته ثوبه المفتوحة ازاريره شماغه المسدول اعلى منكبه الايمن ماسك طرف بشته بيمينه يجره وراه عالارض مابه اي قوة لرفعه مكتفي بسحبه بوجهه الشاحب ورؤيته المضببة معتمد على احساسه برجعته للبيت مد يساره يستند عالجدار من كثر تعبه جر خطواته بثقل نزل نظره يناظر رجوله اللي بدت تعانده زفر بسخرية على نفسه وجاوب نفسه بنفسه(من متى والامور تمشي على هواك)زفر براحة من حس بباب بيته خرج مفتاحه وفتح باب بيته بعد جهدٍ جهيد اخذ نفس من حس بنور خالط رؤيته المضببة واخيرا انتهت المهمة اللي كان متماسك لاجلها زواج خواته مر بسلام وعلى خير رفع رجله حتى يخطي بخطوته لداخل بيته خانه حيله ومال لورا مرتمي بجسمه عالارض خارج بيته خارت كل قواه الباقية معلنة عن انهياره
..........................................
<<بيت الشيخ>>
،،غرفة ام سطام،،
ام سطام متمددة على سريره على جنبها ويمينها اسفل خدها معطيه ظهرها للباب بدموع فاضت بللت وسادتها
ريوف دخلت ببجامتها قفلت الباب وجرت وارتمت عالسرير جنب امها ثم تمددت ومدت يدها محتضنة امها وبابتسامة/مامي الحلوة
ام سطام بدون التفت لها وبرجفة صوتها/روحي عني الليلة ياريوف اطلعي
ريوف جلست من سمعت صوت امها/يمه تصيحين!!وشو له تراهم حذفة عصا
ام سطام بنرفزة/اطلعي عني ياريوف احسن لك
ريوف تمددت وضمتها/لا ماني بطالعة وانا يمه ماني بكابتك باجلس معك طول عمري ولا اخلي دمعتك تنزل
،
،
~~قبل٣١سنة~~
مبروكة جالسة بحوش البيت تستغفر على صوت الراديو اللي غطى المكان
زينة(١٧سنة)انحنت تنزل صحن العشا بين يديها قبالها/العشا ياعمة/اعتدلت بوقفتها/
مبروكة/اجلسي يابنت
زينة زفرت بملل من توقعها للموضوع/من هالمرة ياعمة
مبروكة/محد
زينة قطبت جبينها بتكذيب
مبروكة/علميني يابنت كان عينك على احد
زينة بوسع عيونها/واعيباه وش هالهروج ياعمة
مبروكة/يابنت كان قلبك يبي احد قولي لي انطقي يابنية
زينة برعب من توقعت كشفتها/استغفر الله ياعمة لاتتبليني مالي وهالعلوم مالي بها
مبروكة بتكذيب/رديتي ازين الشباب اللي لو طلبتي القمر قالوا سمي عجزت اصدقك يابنت عني والشاهد الله ورا هالعوينات احد
زينة تكتفت/الله يسامحك ياعمة الله يسامحك
مبروكة تنهدت وبكره/عاد الصحيح خطب ابو عياش عندنا
زينة اتسعت عيونها وفكت يديها بابتسامة
مبروكة/ورديته
زينة رجف قلبها وبعصبية/ليه انا ابيه ابيه وموافقة عليه
مبروكة بصدمة/وشو!!
زينة بدموعها/ليه تردينه ليه
مبروكة بعصبية/مابقى الا عيال طاهر تاخذين منهم هذا الناقص والله!!
زينة بقهر وعناد/ايه اخذ منهم وليش لا وماني متزوجة الا منهم
مبروكة/ماهو بكيفك والرجال رديته انسي بس وتوكلي
زينة بدموعها/والله لاأشكيك بالمجلس
مبروكة احتدت نظرتها
زينة بعصبية وبتهديد/لاأقول سحاب خانت الامانة ومنعتني من الزواج السنين اللي راحت كلها
مبروكة نشف دمها وشحب وجهها من القهر
زينة ارتحت ملامحها براحة من ناظرت ملامح مبروكة/انا ابي من عيال طاهر ولاني متزوجة الا منهم
مبروكة بغبنة/خطبك لولده
زينة قاطعتها بفرحة وسط التماع عيونها/موافقة موافقة وخلاص ابيه ابيه
،،يوم جديد،،
زينة بانهيار وسط دموعها/ماابيه ماابيه
مبروكة بغبنة/ملعبة هي اجبرتيني عليهم ورميت وجهي بينهم عشان خاطرك واخرها ماتبينه انتي اللي نطقت بلسانك تبينه محد غصبك عليه
زينة/بس انا ماابي عياش ماابيه
مبروكة/ماهو بكيفك الرجال خطب وانتي وافقتي
زينة بدموعها وبقهر/ماعلمتيني انه عياش غشيتيني ماعلمـ
مبروكة ضربتها كف بكل قوتها
زينة ناظرتها بدموعها
مبروكة بحدة/بتاخذينه وانتي ماتشوفين الدرب ولا ورب العرش ان اخليك تندمين عاليوم اللي كسرتي به كلامي
زينة برجى/عمة
مبروكة بعصبية/عمى يجلجل فوق راسك يامال العمى
،
،
ام سطام انهارت تبكي بصوت
ريوف فزت بفجعة/يمه علامك كل ذا عشان نور ويقين!!
ام سطام عضت طرف شفته تكتم بكاها وبنفسها/دموعي وكلي ارخصتها يوم رضيت ذاك اليوم وسكت ليتني تكلمت ياليت
...................................
<<بيت مضاوي>>
،،غرفة ولاء،،
مُحارب يناظر تسريحتها بتفحص
ولاء قطبت جبينها باستغراب من دخلت وناظرته وبيديها اكواب القهوة
مُحارب بملابسه الداخلية التفت لها بابتسامة
ولاء ابتسمت لابتسامته وقفت عند طرف السرير/نجلس هينا؟
مُحارب مشى باتجاهها
ولاء تربعت عالارض
مُحارب جلس قبالها وملاصق لها
ولاء مدت له كوبه واشرت عليه بعيونها
مُحارب مد يده واخذه ناظره بصمت
ولاء ارتشفت من كوبها وناظرته/احبه
مُحارب ناظر الكوب بطرف ابتسامة ثم ارتشف من كوبه تغير وجهه للحظة ووقفت بحلقه هالارتشافة من مرارتها واجبر نفسه يبلعها رسم ابتسامة على وجهه وتقهوى بهدوء من حس بنظراتها له
ولاء تناظره باهتمام تقيس نسبة تفضيلاتهم ابتسمت بفرح من اجتاز هالاختبار بعينها يحب القهوة مثلها وهذا يرفعه بمقياسها حركت الكوب بين كفوفها وعينها عليه/وش ناوي تدخل تخصص ماقلت لي؟/رفعت عينها عن كوبها وناظرته/
مُحارب ابتسم/هو ماقلته لاحد لان ماأحد سألني قبل وانتي اول وحدة تسألني
ولاء بحماس/وشو وشو؟
مُحارب بابتسامة فخر بعد صبره هالسنين اخيرا تحقق ماتمناه وغصب عن هالسحاب اللي اثنته واضنته سنين/مذيع 
ولاء رمشت بعدم توقع
مُحارب بابتسامة/كلية الإعلام
ولاء بابتسامة/ماشاء الله الصراحة ماتوقعت
مُحارب ضحك بخفة/ولا اظن احد يتوقع/رفع الكوب وشرب منه/
ولاء/وانا وش تتوقع؟
مُحارب ضيق عيونه ونزل كوبه وتكتف/اممم صعب اتوقع تصدقين
ولاء نزلت كوبها وثنت رجولها لصدرها وخارطتها بيديها وبابتسامة/يالله خمّن سعادة المذيع
مُحارب ضحك بخفة/قدمت لك ولا نسيتي!!
ولاء اختفى حماسها وعبست بوجهها بزعل
مُحارب رفع الكوب لفمه وبابتسامة/نيرس ولاء
ولاء بزعل/غش انت تدري وانا لا
مُحارب رفع اكتافه بحركة سريعة
//وسرقهم الوقت بسوالف بسيطة عن كل واحد منهم واهتماماته//
...................................
<<بيت طاهر>>
حمدة محتضنة كف حامد بـيّـن كفوفها وسط دموعها بعدم تصديق من تواجده/الليلة غرقت بالنعم الحمدلله يالله لك الحمد والشكر/ناظرت سلامة وامتدت عيونها دموع/ماشاء الله ماشاء الله عسى الله يبارك ياحامد عسى الله يصلح ويبارك
سلام الخارجة من بيتهم بعبايتها بين يديها جوالها بخطوات سريعة متجاهلة الجالسين قبالها برا البيت بوقت غير معتاد ابدا لجلوسهم مرت بدون كلام ولا سلام ولا حتى القاء نظرات سريعة
حمدة/بنت سلام
حامد تسارعت نبضاته من سمع اسمها يدري مقصر بحقهم وكثير والكل يشهد بهالشي تجنب يناظرها وابقى نظراته عالارض بخوف من ملامة وعتاب يلحقه
سلام وقفت مجبرة ماقدرت تتجاهل جدتها والتفتت هالمرة تناظرهم
طاهر بابتسامة/تعالي وانا جدك تعالي محد غريب تعالي
سلام وقفت بدون رد ولا حركة بتوتر وتفكير كانت ناوية تهرب من هاللقاء شخص ماتعرفه الا بالاسم اخر ذكرياتها معه مجرد نزلة للبقالة واشترت حلاو وبعدها كل مايربطها فيه مجرد اسم
حمدة/بنت علامك!!تعالي سلمي على ابوك تعالي
سلام بنفسها/يوه ياثقل الكلمة وكبرها ابوي ابوي/شدت على قبضتها ومشت باتجاهه/
حامد كان لقاءه بسلمان جاف جدا صافحه مثل اي شخص بالعكس حتى انه لمحه يبتسم ويسلم بالخدود على كل شخص حاضر للزواج هالموقف اثبت له راس سلمان فيه وبمواجهته اكله الخوف والتوتر من ردة فعل سلام كيف بتكون هل هي مثله او ان البنات أحنّ مثل عادتهم اخذ نفس ووقف بابتسامة/ياهلا ومرحبا بسلام ياهلا
سلام وقفت قباله بحيرة من ابتسامته تصنفها حب او شوق او عدم احساس بفعلته فيهم مدت يدها له
حامد تغير وجهه من ناظر كفها نفس ردة فعل اخوها بالضبط وكأنهم يأكدون له غلطته بحقهم وواجب عليهم يتحمل مايجيه
حمدة اتسعت عيونها وبنرفزة/سلام!!
حامد مد يده يصافحها/وشلونك ياسلام
سلام سحبت يدها من يده بسرعة/الحمدلله بخير وسلام رغم ظروف الحياة الحمدلله
حامد سكت بتأنيب ضمير
حمدة/بنت انخبلتي!!
سلام/سلمان يحتريني برا بنبات عند امي/مشت/
حمدة/سلام بنت سلام
سلام كملت طريقها بخطوات سريعة
حامد/كبيها يمه كبيها على هواها كبيها
سلام خرجت من البيت برجفة احتوتها لامت نفسها كيف ماشافته زين وهي من سنين تحاول ترسم ملامحه وتذكر شكله كانت الفرصة قدامها وتجاهلتها بعنادها وقفت من حست بيده يوقفها التفتت له
سلمان بقلق/علامك ناديتك وطايرة مارديتي علي
سلام بربكة/لا رديت بس انت ماسمعتني
سلمان مشى بجنبها متجهين لبيت امهم وبعد صمت طويل بينهم/سلمتي عليه
سلام/هو ماهو سلام سلام صافحته
سلمان ابتسم/وانا بعد
سلام مدت يمينها له
سلمان مسكها بابتسامة وعادة من الصغر
سلام/لو كلهم كبونا انا وانت لبعض بتلقاني والقاك
سلمان تنهد/عجزت اعرف وش احس فيه احس اني مااحس بشي له
سلام/ماهو بلازم تحس شي تراك توك تشوفه وتعرفه
سلمان ترك يدها ومكمل طريقه/بس بالاخير تراه ابوي
سلام/ماهي مشكلة ابوك كانه صادق ويبيك تحس بشي له بيجلس هو ويجيك
سلمان بتردد/يعني مااروح له
سلام/اهم شي لاتخطي عليه
سلمان وقف من شاف النور يقطع طريقهم المظلم المعتاد من منتصفه بمكان محدد/غريبة ذا مو بيت ولد الشيخ؟
سلام بعدم اهتمام/وش علينا امش وبس
سلمان اتسعت عيونه واسرع بخطواته ثم جرى
سلام جرت بخوف وراه/سلمان اصبر ولد اصبر
سلمان انحنى عنده بفزع ورفعه/لااله الا الله لا اله الا الله ولد سطام ولد
سلام وقفت عند سلمان وبخوف/كبّه ذالحين يرموننا به كبّه
سلمان بصراخ/نكبه يموت!!/يحركه/هيه سطام سطام
سطام ماابدى ردت فعل
سلام ناظرت وجهه شحب وجهها من عرفته بردت عظامها
سلمان حاول يرفعه ماقدر عليه لحاله نزله عالارض وجرى راجع طريقه لبيتهم/امشي معي الحقيني
سلام جلست عالارض بفجعة ماقدرت تتحرك
سلمان كمل طريقه ماانتبه لها
سلام انهالت دموعها بغزارة وسط ضيق انفاسها وبدموعها/الله لايبيحك الله لايبيحيك
..................................
<<وادي سرّاي>>
ديوان دخل الحوش وبين يديه حافظة صغيرة فيها اكل وقف قبال الباب بتردد شد عالحافظة بين يديه من ذاك اليوم وسحاب تركت الغرفة بدون اقفال ولا رموز سرية استجمع شجاعته وفتح باب الغرفة عن جنب انحنى شبه جالس ونزل الحافظة عالارض ودفها لداخل الغرفة بكل قوته بدون يناظر داخلها وقفل الباب جلس واستند بظهره عالباب/انا وانت مالنا احد وش رايك اسولف عليك وتسمعني/سكت شوي ومااستقبله رد/دام سكت خلاص حنّا اعز الاخويا/ضم يديه وشد عليها بقوة بحزن ارتسم على ملامحه/خويي اللي يقول وجهي راحة لصدره تزوج اليوم ولاقدرت اخليه يشوف وجهي/اهتز صوته/خفت اذا شاف اليوم وجهي اللي كان بيوم له راحة يصير له اليوم عنى/ضحك بخفة يضيع ضيقه وحزنه/ترا هالحافظة عربون بيني وبينك كان خلصتها كبرتها لك بكرة/فز واقف وابتعد لغرفة المراقبة/
مبروكة بخطوات مثقلة تجرها داخل للحوش وقفت من على باب الغرفة والتفتت لغرفة المراقبة نادت/ياهيه
ديوان اتجه لها/سمي
مبروكة/رح الليلة مسموح مامن دوام
ديوان/مير
مبروكة قاطعته/رح ولايكثر هرجك رح
ديوان هز راسه/ابشري ابشري/مشى باتجاه الباب حتى يخرج باستغراب من تواجدها لحالها وطردتها له من دوامه خرج ووقف عند الباب لثواني ثم كمل طريقه/وش علي هي قالت اروح بكيفها
مبروكة جلست عند الباب بوجه كاسيه الهم وبدموع انسابت/سواها طاهر وكسرني سواها اللي خايفة منه من سنين بدأ الليلة هذا هو اخذ البنات واخذ احبهن لقلبي يقين،يقين اللي اشوف بها نفسي صارت علي اليوم فرعون وكسرتني مثلك علامكم يابني سمّار علي علامكم!!هاذي جزاتي ابي لكم الخير وتوذوني ليه ليه!!/بكت بحرقة/كل ماقلت زانت يامبروكة وارتحتي الا تشين وتطلع يمي مصيبة واحلها بمصيبة ثم تجر لها مصيبة تعبت انا والله تعبت ماعاد بي شدة وطاهر ناويها نية ناويها والله يستر من تاليها/بكت بحرقة/حسيبكم الله حسبي الله عليك ياطاهر أذيتني من سنين والحين عودت توذيني حسبي الله عليك حسبي الله/انهارت بدموع كانت حابستها من شهر وسمحت لنفسها الليلة تنهار تندب حظها ومن تسلط عليها/
....................................
       يـوم جـديـد
....................................
<<بيت بـيّـن>>
بـيّـن المتمدد عالسرير على ظهره مغطي عيونه بيده انتفض ورفع يده من حس بهزة جواله رفع راسه يلتفت للجوال وكان منبه الصلاة سند راسه بتعب وغمض عيونه مانام الا ساعتين رفع نفسه وجلس فز من طاحت عينه عليها
يـقـيـن جالسة جنبه عالسرير وبشته عليها من اعلى راسها وماسكه اطرافه بيديها سانده ظهرها عالجدار ووجهها قباله
بـيّـن زفر بضيق ومسح عينه بيده يتأكد من نظره والواضح له مانامت من خوفها من الثعبان مد يده لامسها بخفة وهمس/بنت
يـقـيـن مال راسها
بـيّـن مد يده وثبتها عالجدار وسند راسها ميل فمه بعدم رضا عالخوف اللي ماله مبرر بعينه تنهد ورفع صوته/هيه
يـقـيـن فزت واقفة بخوفها تتلفت حولها تنط عالسرير وبصوت هامس وذا اعلى مستوى بصوتها/يمه وينه وينه
بـيّـن يناظرها بصمت وسط استغرابه
يـقـيـن ناظرته/وينه
بـيّـن/لا صحيتك عشان الصلاة/قطب جبينه/لايكون مارحتي للحمام لذالحين
يـقـيـن ناظرته بغيظ من ذكرت السالفة وبهمس ضاع معه هيبت غيظها/مارحت
بـيّـن وقف وتنهد/امشي امشي
يـقـيـن نطت من السرير مسكت يده
بـيّـن التفت لها
يـقـيـن تركتها بمكابرة وتكتفت/احترني وشلون تمشي وتكبني وراك!!
بـيّـن/اجل تمشين قدامي وانتي خايفة!/اشر لقدامه بيده/يالله امشي
يـقـيـن ناظرته/عيب عليك وش هالكلام!!
بـيّـن ارتفع حاجبه ومشى وتركها
يـقـيـن اسرعت بخطواتها وراه وتكاد تكون لاصقة بظهره من قرب المسافة بينهم
بـيّـن وبيده كشافه الليلي وقف قبال باب دورة المياه والتفت موجه الكشاف بوجهها بقصد
يـقـيـن غمضت عيونها وضربت يده مبعدة نور الكشاف عن وجهها ثم ناظرته بقهر من حركته
بـيّـن/علمتك نفضته البارح نفض ماعينت الداب اللي تقولينه
يـقـيـن بحدة/وش قصدك اكذب يعني!!
بـيّـن اخذ نفس يكبح نفسه عنها/ادخلي الحين ولا ماتبينه
يـقـيـن ناظرته من فوق لتحت ولفت عنه ودخلت قفلت الباب التفتت وارتسمت الصدمة على وجهها دورة المياه صغيرة وجدا التفتت يسارها ناظرت الغسالة صاحبة الحوضين اخر عهدها فيها ايام المتوسطة ولاول مرة تشوفها بهالحجم الصغير ناظرت يمينها ولمحت فتحة صغيرة بالجدار عبارة عن رف به صابون الغسالة والشامبو الخاص فيه اكتسى وجهها السواد انساها الثعبان حقيقة حياتها الجديدة المرة للحظات غرقت عيونها دموع شفقة على نفسها ووضعها الجديد لاصقت الباب بظهرها بكت بحسرة على نفسها حاولت تقنع نفسها وكثير بحالتها لكن ماقدرت تتقبل بكل مرة ترفض هالحياة وحتى راعيها معها مسحت دموعها بسرعة بدون فايدة ظلت دموعها تعبر عن حقيقةً مابداخلها استسلمت وانحنت شبه جالسة وسمحت لنفسها تنهار لو هو دقايق ارحم من انها تنهار تحت انظاره
بـيّـن خارج دورة المياه مستند على جدار البيت بظهره تنهد من حسها طولت/ياهيه الداب نسيتيه؟/دخل يده بجيبه من اعتلى رنين جواله/يالله صباح خير/رد/هلا ومرحبا/سكت شوي وتغير وجهه/ان شاء الله ان شاء الله/قفل جواله ثم دق الباب عليها/اعجلي يابنت بتفوتنا الصلاة
يـقـيـن خرجت من دورة المياه بوجهها الواضح عليه اثار البكى وبثقة/طلعت ارتحت!!
بـيّـن ناظرها لثواني/تروحين للبيت ولا بتحتريني هنيّا؟
يـقـيـن جرت للبيت تحت انظاره قبل يدخل وقفلت الباب وراها بقوة
بـيّـن ابتسم/هذا الداب طيّرها وش بتسوي لارحلنا
//بعد صلاة الفجر//
يـقـيـن جالسة على سجادتها ناظرته باستغراب
بـيّـن واقف قبالها يلبس ثوبه الكحلي التفت لها/صليتي خلاص؟
يـقـيـن قطبت جبينها باستغراب من سؤاله/ليش؟!
بـيّـن سحب غترته وعصبها حول راسه/ورانا مشوار البسي عباتك والحقيني للسيارة
................................................
،،الـمـسـتـشـفـى،،
بارود جالس على كراسي الانتظار بالطوارئ متلثم بشماغه غلبه النوم راسه يميل يمين ويسار فز من نومته من حس بنفسه مال بزيادة
سهم وقف عنده
بارود وقف يمدد نفسه/هاه خلص
سهم بتعب واضح على ملامحه/طلعوه للتنويم من نص ساعة
بارود يفتح لثمة شماغه وينسفه/الحمدلله عدت على خير
سهم هز راسه/الحمدلله
بارود/ماينلام انفقعت مرارته من اللي يصير وحنّا نتفرج بدون حس ولا راي
سهم ناظره برفعة حاجب
بارود/والله اني صادق اجل الراعي اللي محد يدانيه ياخذ بنت الشيخ وها بعد اختها ياخذها اخوه وحنا نلبي سمعًا وطاعة وعلى عيون الجميع وش هالهزل اللي يصير تدري عاد والله مالومه حتى بسوالفه معنا البارح
سهم تنهد وغمض عيونه من صداعه اللي احتواه من تعبه/بارود
بارود دخل يديه بجيبه/خلاص بأسكت
سهم ناظره/اطلع عنده وانا بأروح أعلم سحاب
بارود اتسعت عيونه/ماعلمتها لذالحين!!
سهم/صاحي انت!!اكيد ماعلمتها الى مااشوف وش بلاه
بارود/مير انها هينة مرارة وقضينا كان علمتها
سهم اخذ نفس/بارووود
بارود مشى/زين زين/وقف والتفت له/كم رقم غرفته؟
سهم مد له الورقة/خذ ماتدخل بدونها
بارود رجع طريقه ووقف يناظرهم باستغراب
سهم التفت وراه يناظر اللي يناظره من استغرب من بارود قطب جبينه باستغراب
طاهر يتهادى بخطواته بوجه مرتسم عليه التعب والضيق
نواف يمشي جنب جده باهتمام وتركيز لوضع جده
بارود ميل فمه بابتسامة جانبية/عساها تصيب ولا تخطي يالله قل استجيب يالله 
..............................................
<<بيت سلام وسلمان>>
،،غرفة سلام،،
سلام نايمة على سريرها على جنبها بوجهها الاحمر من بكاها الصامت
حمدة جالسة عالارض جنب السرير غفت بتعب بدون ماتحس بنفسها
حامد فتح الباب بخفة دخل تنهد بضيق من ناظر امه انحنى شبه جالس قبالها همس/يمه يمه
حمدة ناظرته من فتحت عيونها ثم اعتدلت بجلستها بسرعة بفزع/علامها البنت علامها
حامد/مابها شي الحمدلله روحي تريحي وانا عندها
حمدة باصرار/لا لا ماأكبها مااكب سلام
حامد/يمه تريحي في ذا لاتبعدين لاصحت ناديتك لها
حمدة سكتت بتردد
حامد مد يده ومسك يدها اعتدل بوقفته ووقفها معه/يمه تراك على خطوتين عنا هنيا تريحي
حمدة قامت معه/سلمان وسلامة وينهم
حامد ابتسم يمشي وهي تمشي معه/نايمين بغرفة سلمان تريحي انتي بس تريحي
حمدة ناظرت فراش حامد عالارض بالصالة تنهدت
حامد جلسها باصرار
حمدة جلست وتمددت/تناديني
حامد/ابشري يمه ابشري/لامس طرف انفه باصبعه/على ذا الخشم/غطاها ثم رجع لغرفة سلام اتجه لها وجلس على طرف السرير يناظرها/
#شقّ_الغَمام