شـقّ الـغَـمـام

..(٤١)..

..(٤١)..
اللهم صل وسلم على نبينا محمد عدد ماذكره الذاكرون وغفل عن ذكره الغافلون..
-
<<بيت سطام>>
يـقـيـن دخلت للبيت بابتسامة عقدت حواجبها من وصلها صوت بكا وصراخ فجأة اسرعت بخطواتها لمصدر الصوت وقفت على مدخل الصالة
ريوف المنهارة بدموعها بملامح تشرح الفاجعة اللي مرت فيها ملتفة بعباية سلام متخبية وراها بدموعها
سلام واقفة بينهم تتلقى الضربات بدفاع عن ريوف/ياعمة تعوذي من ابليس ياعمة
ام سطام تبعد سلام وتحاول توصل ريوف بانهمار دموعها بقهر/ياقليلة الحيا ياسويدة الوجه ذي علومك
ريوف بشهقاتها وبكلام مقطع/يمه والله هو تكفين يمه تكفين
ام سطام مسكتها وشدت شعرها
ريوف تحركت معها باستسلام
ام سطام بصراخ/اسكتي اسكتي ماابي اسمع لك حس اسكتي
يقين واقفة تناظرها بذهول من اللي فهمته
سلام ابعدت ام سطام بريوف وبصراخ/ ماهو بوقت لوم ذالحين
ام سطام ضربتها كف وسط صراخها/وش عليك انتي اذلفي ان وجهي اذلفي
سلام ثبتت مكانها وبصراخ وسط دموعها/كيف تكذبين بنتك وهي بهالحالة وش هالقلب اللي معك خافي الله
ريوف احتمت بظهر سلام الامل الوحيد لها بهالبؤس يهاللحظة واكتفت بشهقات قلبها المحروقة المسموعة للكل
ام سطام ناظرتها بحدة
سلام بانفعال/ليه تصدقينه وتكذبينها ليه تدرين به وبسوالفه خسيس مابه مروة ماخاف من الله ولا راعى قرابة ولاحشم اهله وبعد كل ذا تصدقينه وتكذبينها هي ليه علميني ليه
ريوف دفنت وجهها بظهر سلام بحزن وخيبة امها الملجأ لها بمثل هالظروف القاهرة والدرع الحامي تخلت واتهمتها بهالجرم الكبير المفروض هالكلام يصدر من امها بدل سلام والمفروض تحتمي بظهر امها بدل سلام بهاللحظة ياكثر الخيبة فوق فاجعتها الخيبة بأمها
ام سطام بحدة/وشلون دخل وشلون
سلام/علمتك تقول طب بالبيت ماهي بصعبة عليه لابغى شي سواه مايرده حتى ابليس
ام سطام ناظرتها بدموعها بصراخ/كان هو ردي وراك مامنعتيه هاه وراك
ريوف ناظرتها من ورا سلام كيف تجاوب على هالسؤال وهي متاكدة بعلم امها بالفرق بينها وبينه كيف تمنعه مابتقدر عليه وهو هادي كيف وهو ثاير بجنونه وغيظه شحب وجهها من استعادت معاناتها بذيك اللحظات الموحشة ملامح وجهها اللي كانت بيوم احب شي لقلبها اصبحت كابوسها المرعب بهاللحظة ثم اكتسى وجهها السواد من استرجعت فعله الشنيع بحقها وسط رجاويها له يرحمها ويستر عليها وهي بنت عمه من لحمه ودمه اختنقت بأنفاسها مردده اسمه/عزيز عزيز/ارتمت عالارض بفقدان وعيها بعد تماسك طالت مدته بعد العاصفة اللي مرت عليها/
ام سطام صرخت بفزع/يمه بنتي ريوف
سلام انحنت عندها تحاول تصحيها/ريوف ريوف
يقين بعيون تهل دموعها تجر خطواتها بعد فهمها للي حصل لريوف وسببه وقفت قبال بيت مبروكة تضربه بيديها وترفسه برجولها بصراخ/مبروووكةةةة افتحي افتح ياذليل افتح
العاملة فتحت الباب/ماما فيه نوم
يقين دفتها ودخلت بدون اهتمام للي تقوله ثم فتحت باب غرفة مبروكة بكل قوتها وضرب الباب بالجدار مصدر صوت صرخت/وينه
مبروكة الجالسة على سريرها الحديد ببرود/من هو؟رجلك روح مدري عنه الله لايرده
يقين خرجت المسدس ومدته على مبروكة بدموعها/عزيز وينه
مبروكة/مدري عنه
يقين صوبت عالجدار فوق راس مبروكة رمت واستقرت الرصاصة بالجدار فوق السرير بالضبط
مبروكة رجف قلبها برعب لاول مرة من اللي يصير
يقين بصراخ/وينه هالذليل وينه
مبروكة احتدت ملامحها/مدري لو اني ادري علمتك
يقين بدموعها/علميه كثرت ديونه عندي سواته بابوي وريوف والله ماتروح عبث والله لاجيه لو هو باقصى الارض والله
............................................................
<<حوش وادي سرّاي>>
سهم جالس بالحوش قبال المحمية الجديدة ورجل على رجل بتفكير بكلام شاهر
ديوان وقف عنده نزل ابريق الشاهي والكاسات اللي بيديه بابتسامة/وصل وصل
سهم ابتسم
ديوان صب له الشاهي ومد الكاسة له/سم
سهم نزل الكاسة بابتسامة/ديوان
ديوان ناظره
سهم/بيت شاهر واموره مالك فيها ابد
ديوان هز راسه/طيب
سهم عقد حواجبه باستغراب/بس
ديوان/انت اخبر مني
سهم اوجعه قلبه على رد ديوان
ديوان/وثم كل شي بوقته زين
سهم/ماودك تنشد ليه
ديوان/لابغيت تعلمني
سهم اخذ نفس وطرد كلام شاهر من باله/ماعليك من شاهر خلك متولم بأعلمك وينها فيه المزرعة
ديوان كبح ابتسامة حماسه ناظره/تعلمني انا؟!ومبروكة وعزيز؟
سهم/عزيز يعقب بعيدة عن خشمه هذا هي مبروكة لذالحين ماتوثقته
ديوان/ظنك مبروكة ترضى
سهم/ماهو بكيفها ذالحين انا التاجر وانا المدبر هي وش دراها
ديوان تنهد/زين مير الصحيح ودي اعلمك بشي ياسهم بس مدري
سهم عقد حواجبه/وشو قله
ديوان/انا اقول بيت شاهر لايصير مكانك خذ لك محل لحالك بعيد عنه لاتعلمه بكل شي تحرص ازين لك
سهم ميل فمه باقتناع بكلام ديوان
ديوان رفع الكاس لفمه يشرب شاهي يحاول يخفي حماسه بهاللحظة
.
............................................................
      يوم جديد
............................................................
<<وادي سراي>>
عزيز نايم ببيت الشعر بعدوء فز جالس من حس بضربة موجعة بجبنه
مبروكة ضربته بعكازها بطيف دموع ملا محاجر عيونها تناظره بكل مافيها من قهر/وتف عليك ياعزيز تف هاذي تالية سواياك تف الا تف
عزيز يناظرها بوجع وبنبرة حادة/جدة علامك علي!!
مبروكة/علامي!!ريوف ريوف ياعزيز/ضربته بعكازها وسط دموعها/ضاقت عليك ياعزيز ضاقت
عزيز مسك عكاز جدته وثبته حتى ماتحركه وبغيظ/كلن ياخذ جزاه
مبروكة/تسلط على سطام ماتسلطت الا على بنت عمك الضعيفة/ضربته بيدها/يامال الضعفة ياولد زايد
عزيز/خلي فزعتها يم اخوها تنفعها كان ظلت بعيد ازين لنا جميع
مبروكة ضربته/مير انها صادقة سمعت العلم وعلمتك
عزيز ناظر جدته بذهول/يعني انتي علي ياجدة
مبروكة/يامال فرقى العين ياعزيز يافرقى لو اني عليك جالسة قبالك ذالحين
عزيز فز واقف/اجل ليش شهدتي مع سطام هاه ليش
مبروكة حركت عكازها وضربته برجوله/هذا طرف العلم يامال الذهاب ياعزيز
عزيز عقد حواجبه بدون اهتمام/وش علومه هاه كل اللي تبينه سطام
مبروكة حركت عكازها قريب من رجوله/يالافدغ ولاتسدك
عزيز نط عن عكازها متفادي ضربتها/لاتضربيني خلاص
مبروكة/حلال فيك الضرب سطام ولد عمك كله امهد الطريق لك لاكبرت مير صحيح انك اعوج يامال العوجة ياعزيز
عزيز سكت بتفكير من معاملة اهل سطام له وهو صغير حتى يوم كبروا سطام يلتزم الصمت تارك الساحة لعزيز يتخذ قرارات مع عمه بدون اي تدخل منه كل اللي صار منطقي بهاللحظة دخل يده بجيوب ثوبه يناظر جدته/يعني كانت صادقة
مبروكة بغبنة/علمني ذالحين وش اسوي فيك وش ياعزيز
عزيز حك جبهته بيمينه بتفكير وسط صمته
مبروكة/ودي مرة لو هي مرة تسمع لي وتنثبر بدون تسوي شي
عزيز ابتسم رغم وجعه/ياجدة ماعليك انا ادبر اموري
مبروكة/امحق تدبير ياولد زايد كل مازينتها ضربتها بعوجتك وشانت
عزيز تمدد بلامبالاة/حتى لو اني طقيتها عوجى حلال علي
مبروكة بيأس من غروره/انت فك عمرك من اللي بيلحقك ذالحين ثم ندبرها
سطام وقف على مدخل الخيمة وبغضب مرتسم على ملامحه/والله مايفكه من يدي شي اليوم والله/جرى لعزيز هجم عليه/
............................................................
<<شقة ظافر>>
ظافر دخل للبيت بخطوات سريعة صرخ/رؤيا
رؤيا الجالسة بغرفتها هي وامها فزت ووقفت ورا الباب وقفلته وللاسف انفتح وهو بدون مقبض ثبتت الباب بجسمها وسط رجفتها واسترجاع اخر اعمالها بينها وبين نفسها
ظافر ورا الباب بصراخ/افتحي
رؤيا ماردت
ام ظافر الجالسة على كرسيها المتحرك/ظافر تعوذ من ابليس وفكنا شرك
ظافر بدا يدفع الباب
رؤيا تتحرك مع الباب من دفعه
ظافر بغبنته/يابنت ابليس انا تلعبين علي!!اجل واعدك وانتي ماتدرين عن شي!!كيف تذليني وسط الرجال كيف تهيني بينهم كيف!!افتحي افتحي
رؤيا رجف قلبها برعب منه
ام ظافر بقهر منه/لو مرة اسمع بس اسمع
ظافر المستمر بدفع الباب/خليك بعيدة انتي مالك شغل افتحي انفتحت عليك مدافع افتحي
رؤيا انكشفت له مابيرحمها ابدا الليلة ياموتها ياموته وبلعثمة/ماكذبت هو اللي وعدني ظافر تكفى صدقني
ظافر ضرب الباب برجله يقهر منها وصرخ/للحين تكذبين علي للحين
رؤيا/يعني تكذبني وتصدقهم
ظافر/اجل اصدقك واكذب عيوني واللي شافته هاه!!
رؤيا بلعت ريقها/طيب ظافر اسمعني شوي
ظافر اتجه للمطبخ يمرر نظره عالاغراض ناظر السكين بيده رماها مايبيها تموت بسرعة يبيها تتعذب مثل ماحرقت قلبه من القهر واهانته سحب الفرادة واتجه لها دفع الباب مرة وثنتين وثلاث
رؤيا تعبت من مقاومته وانهمرت دموعها بقلة حيلة تدري اذا انفتح هالباب نهايتها على يديه التفتت تناظر امها بدموعها/سامحيني يمه
ظافر دفع الباب ودخل
رؤيا تراجعت عن الباب ووقفت تناظره بقهر/تدري عاد ايه انا لعبت عليك
ظافر احتدت نظرته
رؤيا/وايه حاولت اربط نفسي فيه بأي طريقة عشان اهرب منك وايه شفت فيه اللي مالمحته حتى فيك
ظافر احتقن وجهه بلون دمه من كلامها
رؤيا بصراخ/تعبت منك ومن جنونك ومن كل شي يربطني فيك الله ياخذك ويفكني منك
ظافر بدا يضربها بالفرادة بدون رحمة على جسمها/اجل ابشري باختفي عنك مثل ماتبين واوديك لقبرك
رؤيا لاول مرة تدفعه بهالقوة مدافعة عن نفسها بعد سنوات من التعنيف المستمر بحقها
ظافر تراجع خطوة لورا بوسع عيونه
رؤيا/ليه انا اروح اللي اروح للقبر الا انت اللي تروح قبرك ونرتاح وتريح العالم من شرك
ظافر رفع رجله ورفسها بقهر
رؤيا ارتمت عالارض بوجع
ظافر بغبنته/بنرتاح انا وانتي كلنا/رفع الفرادة وحركها بكل قوته باتجاهها/
ام ظافر وقفت بكرسيها عندهم واعترضت ضربته وارتمت عالارض
رؤيا صرخت/يمه
ظافر ناظرها بذهول
رؤيا جلست جنب امها القريبة منها بدموعها تمرر نظرها عليها/يمه يمه
ظافر تراجع بخطواته لورا وعينه عليها
صرخت من ناظرت الدم ينساب عالارض/ظافر امي ياظافر تكفى
ظافر شحب بوجهه من ناظر كمية الدم وغزارته تراجع بخطواته والتف ومشى بسرعة تاركهم وراه
رؤيا بصراخ/ظاااافرر
............................................................
<<بيت طاهر>>
غصنة بعبايتها وطرحتها على اكتافها خارجة من بيتهم متجهة لجدتها وامها الجالسات بالحوش يتقهوون وبيدها كيس انحنت مقبلة لراس امها وجدتها
منيرة باستغراب/وش مصحيك بدري!!
حمدة/وين بدري امسينا وهي لذالحين خامدة يامال
غصنة صبت لها فنجال كملت/الخمدة السعيدة من غير شر
منيرة/متوشحة العبية على وين؟
غصنة تقهوت/قريب قريب بالحيل
منيرة/ايه وين
غصنة/بيت الشعر
منيرة باستغراب/وش عندك
غصنة اخذت كاس شاهي وصبت فيه قهوة لحد الامتلاء/ابد مسيّرة/وقفت وخرجت نقابها من الكيس لفت طرحتها وتلبس نقابها/
منيرة/على مين وثم العيال بالمجلس كيف تروحين يمهم
غصنة/ماعليك يمه مابه احد صدقيني/انحنت واخذت كاسة القهوة ومشت/
منيرة/لاتبطين سمعتي
غصنة مشت/ان شاء الله
حمدة تناظرها مبتعدة وبشك/وش وراها هالبنية
منيرة/ماوراها الا الخير وماتلفي الا بخير
حمدة ابتسمت/عاد بذي صدقتي
غصنة تتبختر بمشيتها وهي تلف الكيس بيمينها بحركة دائرية وقفت على مسافة من بيت الشعر تناظرهم
نواف بمجلس الشعر بيده المنشفة مسح رفوف الدولاب والدلال وقف بغيظ/ليش نطلع عطني سبب حتى اطلع عنك!!
بـيّـن الجالس قبال شبة النار يحركها بالملقط وبجنبه المبخرة المتصاعد منها ريحة العود يسمعهم بصمت
سلمان مستند على عصا المكنسة خلص تنظيف همس له/نواف قعدته ذي ماتريح امسك لسانك
نواف ناظره بعبوس/خل عني ماتريح بالبيت طردونا والمجلس بعد طردونا عنه اجل وين نذلف بالشعبان بهالشموس
بـيّـن رفع الملقط يناظر احمراره/يازينه على ظهور بعض الناس
سلمان تراجع ورا جهة الباب
نواف ناظره بحدة/اصمل
سلمان/صامل صامل معك انا
نواف/طيب سمعنا كلامك وطلعنا وين نروح هاه علمني وين
بـيّـن غمض عيونه بصداع من نواف/خلصني بتطلع ولّا
نواف ناظر جده/جد من لفانا الصبح وهو مشغلنا ليه ماتفزع لنا ليه
طاهر يتقهوى بروقان/وش ترجي من شويب ياالله افزع لروحي
نواف اتسعت عيونه/جد علامك علينا!!
بـيّـن/واحد
سلمان ترك عصا المكنسة وانحنى اخذ مفتاح الددسن وجرى خارج من بيت الشعر
نواف يتراجع بخطواته ومستمر باحتجاجه/وش ذا الظلم كل ابوهم علينا
بـيّـن اعتدل بجلسته وجلس على ركبه ورفع ثوبه يربطه حول وسطه/اثنين
نواف مستمر وهو يرجع لورا باتجاه الباب/حشى ماانتم باهل كان الاهل طردوا عيالهم وش بقى بهالدنيا لنا
بـيّـن/ثلاثة/نط الشبة وجرى وراه/
نواف جرى بكل مافيه صرخ/سلماااااان
طاهر عينه على نواف وبسخرية/سبوق يامال الجنة/ضحك/
سلمان مر بالددسن من جنبه
نواف يجري/هد هد/ارتمى بالحوض/
بـيّـن يجري وراهم
غصنة وقفت عند بيت الشعر تناظرهم وسط تكتيفتها
بـيّـن تعلق بباب الحوض بابتسامة انتصار
نواف الجالس بالحوض/سلمان ياسلمان تكفى
سلمان وقف السيارة نزل منها تاركها شغالة وجرى تارك نواف/فك عمرك
بـيّـن اعتدل بوقفته على رف الحوض المجاور للباب بابتسامة وتكتف يناظره
نواف برجى/تكفى ياابو خلف تكفى انا في وجهك
بـيّـن ضحك/هالمرة سلمت مع انك صدعت بي بس يالله ماعليه/نط على ورا وقف عالارض ثم اعتدل بوجهه واتجه لبيت الشعر تاركه وراه/
نواف بانفاسه السريعة بذهول/سلمت من بـيّـن سلمت/وقف يناظر قفا بـيّـن باستغراب ثم ذكر سلمان التفت يناظره وبغيظ صرخ/سلمان عسى بني سمّار مايسلمون
بـيّـن وقف والتفت يناظره بغيظ صرخ/نواف علامك على بني سمار
نواف انخطف وجهه/يسلمون يسلمون اقصد عساهم يسلمون
عزيز مسك عكاز جدته وثبته حتى ماتحركه وبغيظ/كلن ياخذ جزاه
مبروكة/تسلط على سطام ماتسلطت الا على بنت عمك الضعيفة/ضربته بيدها/يامال الضعفة ياولد زايد
عزيز/خلي فزعتها يم اخوها تنفعها كان ظلت بعيد ازين لنا جميع
مبروكة ضربته/مير انها صادقة سمعت العلم وعلمتك
عزيز ناظر جدته بذهول/يعني انتي علي ياجدة
مبروكة/يامال فرقى العين ياعزيز يافرقى لو اني عليك جالسة قبالك ذالحين
عزيز فز واقف/اجل ليش شهدتي مع سطام هاه ليش
مبروكة حركت عكازها وضربته برجوله/هذا طرف العلم يامال الذهاب ياعزيز
عزيز عقد حواجبه بدون اهتمام/وش علومه هاه كل اللي تبينه سطام
مبروكة حركت عكازها قريب من رجوله/يالافدغ ولاتسدك
عزيز نط عن عكازها متفادي ضربتها/لاتضربيني خلاص
مبروكة/حلال فيك الضرب سطام ولد عمك كله امهد الطريق لك لاكبرت مير صحيح انك اعوج يامال العوجة ياعزيز
عزيز سكت بتفكير من معاملة اهل سطام له وهو صغير حتى يوم كبروا سطام يلتزم الصمت تارك الساحة لعزيز يتخذ قرارات مع عمه بدون اي تدخل منه كل اللي صار منطقي بهاللحظة دخل يده بجيوب ثوبه يناظر جدته/يعني كانت صادقة
مبروكة بغبنة/علمني ذالحين وش اسوي فيك وش ياعزيز
عزيز حك جبهته بيمينه بتفكير وسط صمته
مبروكة/ودي مرة لو هي مرة تسمع لي وتنثبر بدون تسوي شي
عزيز ابتسم رغم وجعه/ياجدة ماعليك انا ادبر اموري
مبروكة/امحق تدبير ياولد زايد كل مازينتها ضربتها بعوجتك وشانت
عزيز تمدد بلامبالاة/حتى لو اني طقيتها عوجى حلال علي
مبروكة بيأس من غروره/انت فك عمرك من اللي بيلحقك ذالحين ثم ندبرها
سطام وقف على مدخل الخيمة وبغضب مرتسم على ملامحه/والله مايفكه من يدي شي اليوم والله/جرى لعزيز هجم عليه/
............................................................
<<شقة ظافر>>
ظافر دخل للبيت بخطوات سريعة صرخ/رؤيا
رؤيا الجالسة بغرفتها هي وامها فزت ووقفت ورا الباب وقفلته وللاسف انفتح وهو بدون مقبض ثبتت الباب بجسمها وسط رجفتها واسترجاع اخر اعمالها بينها وبين نفسها
ظافر ورا الباب بصراخ/افتحي
رؤيا ماردت
ام ظافر الجالسة على كرسيها المتحرك/ظافر تعوذ من ابليس وفكنا شرك
ظافر بدا يدفع الباب
رؤيا تتحرك مع الباب من دفعه
ظافر بغبنته/يابنت ابليس انا تلعبين علي!!اجل واعدك وانتي ماتدرين عن شي!!كيف تذليني وسط الرجال كيف تهيني بينهم كيف!!افتحي افتحي
رؤيا رجف قلبها برعب منه
ام ظافر بقهر منه/لو مرة اسمع بس اسمع
ظافر المستمر بدفع الباب/خليك بعيدة انتي مالك شغل افتحي انفتحت عليك مدافع افتحي
رؤيا انكشفت له مابيرحمها ابدا الليلة ياموتها ياموته وبلعثمة/ماكذبت هو اللي وعدني ظافر تكفى صدقني
ظافر ضرب الباب برجله يقهر منها وصرخ/للحين تكذبين علي للحين
رؤيا/يعني تكذبني وتصدقهم
ظافر/اجل اصدقك واكذب عيوني واللي شافته هاه!!
رؤيا بلعت ريقها/طيب ظافر اسمعني شوي
ظافر اتجه للمطبخ يمرر نظره عالاغراض ناظر السكين بيده رماها مايبيها تموت بسرعة يبيها تتعذب مثل ماحرقت قلبه من القهر واهانته سحب الفرادة واتجه لها دفع الباب مرة وثنتين وثلاث
رؤيا تعبت من مقاومته وانهمرت دموعها بقلة حيلة تدري اذا انفتح هالباب نهايتها على يديه التفتت تناظر امها بدموعها/سامحيني يمه
ظافر دفع الباب ودخل
رؤيا تراجعت عن الباب ووقفت تناظره بقهر/تدري عاد ايه انا لعبت عليك
ظافر احتدت نظرته
رؤيا/وايه حاولت اربط نفسي فيه بأي طريقة عشان اهرب منك وايه شفت فيه اللي مالمحته حتى فيك
ظافر احتقن وجهه بلون دمه من كلامها
رؤيا بصراخ/تعبت منك ومن جنونك ومن كل شي يربطني فيك الله ياخذك ويفكني منك
ظافر بدا يضربها بالفرادة بدون رحمة على جسمها/اجل ابشري باختفي عنك مثل ماتبين واوديك لقبرك
رؤيا لاول مرة تدفعه بهالقوة مدافعة عن نفسها بعد سنوات من التعنيف المستمر بحقها
ظافر تراجع خطوة لورا بوسع عيونه
رؤيا/ليه انا اروح اللي اروح للقبر الا انت اللي تروح قبرك ونرتاح وتريح العالم من شرك
ظافر رفع رجله ورفسها بقهر
رؤيا ارتمت عالارض بوجع
ظافر بغبنته/بنرتاح انا وانتي كلنا/رفع الفرادة وحركها بكل قوته باتجاهها/
ام ظافر وقفت بكرسيها عندهم واعترضت ضربته وارتمت عالارض
رؤيا صرخت/يمه
ظافر ناظرها بذهول
رؤيا جلست جنب امها القريبة منها بدموعها تمرر نظرها عليها/يمه يمه
ظافر تراجع بخطواته لورا وعينه عليها
صرخت من ناظرت الدم ينساب عالارض/ظافر امي ياظافر تكفى
ظافر شحب بوجهه من ناظر كمية الدم وغزارته تراجع بخطواته والتف ومشى بسرعة تاركهم وراه
رؤيا بصراخ/ظاااافرر
............................................................
<<بيت طاهر>>
غصنة بعبايتها وطرحتها على اكتافها خارجة من بيتهم متجهة لجدتها وامها الجالسات بالحوش يتقهوون وبيدها كيس انحنت مقبلة لراس امها وجدتها
منيرة باستغراب/وش مصحيك بدري!!
حمدة/وين بدري امسينا وهي لذالحين خامدة يامال
غصنة صبت لها فنجال كملت/الخمدة السعيدة من غير شر
منيرة/متوشحة العبية على وين؟
غصنة تقهوت/قريب قريب بالحيل
منيرة/ايه وين
غصنة/بيت الشعر
منيرة باستغراب/وش عندك
غصنة اخذت كاس شاهي وصبت فيه قهوة لحد الامتلاء/ابد مسيّرة/وقفت وخرجت نقابها من الكيس لفت طرحتها وتلبس نقابها/
منيرة/على مين وثم العيال بالمجلس كيف تروحين يمهم
غصنة/ماعليك يمه مابه احد صدقيني/انحنت واخذت كاسة القهوة ومشت/
منيرة/لاتبطين سمعتي
غصنة مشت/ان شاء الله
حمدة تناظرها مبتعدة وبشك/وش وراها هالبنية
منيرة/ماوراها الا الخير وماتلفي الا بخير
حمدة ابتسمت/عاد بذي صدقتي
غصنة تتبختر بمشيتها وهي تلف الكيس بيمينها بحركة دائرية وقفت على مسافة من بيت الشعر تناظرهم
نواف بمجلس الشعر بيده المنشفة مسح رفوف الدولاب والدلال وقف بغيظ/ليش نطلع عطني سبب حتى اطلع عنك!!
بـيّـن الجالس قبال شبة النار يحركها بالملقط وبجنبه المبخرة المتصاعد منها ريحة العود يسمعهم بصمت
سلمان مستند على عصا المكنسة خلص تنظيف همس له/نواف قعدته ذي ماتريح امسك لسانك
نواف ناظره بعبوس/خل عني ماتريح بالبيت طردونا والمجلس بعد طردونا عنه اجل وين نذلف بالشعبان بهالشموس
بـيّـن رفع الملقط يناظر احمراره/يازينه على ظهور بعض الناس
سلمان تراجع ورا جهة الباب
نواف ناظره بحدة/اصمل
سلمان/صامل صامل معك انا
نواف/طيب سمعنا كلامك وطلعنا وين نروح هاه علمني وين
بـيّـن غمض عيونه بصداع من نواف/خلصني بتطلع ولّا
نواف ناظر جده/جد من لفانا الصبح وهو مشغلنا ليه ماتفزع لنا ليه
طاهر يتقهوى بروقان/وش ترجي من شويب ياالله افزع لروحي
نواف اتسعت عيونه/جد علامك علينا!!
بـيّـن/واحد
سلمان ترك عصا المكنسة وانحنى اخذ مفتاح الددسن وجرى خارج من بيت الشعر
نواف يتراجع بخطواته ومستمر باحتجاجه/وش ذا الظلم كل ابوهم علينا
بـيّـن اعتدل بجلسته وجلس على ركبه ورفع ثوبه يربطه حول وسطه/اثنين
نواف مستمر وهو يرجع لورا باتجاه الباب/حشى ماانتم باهل كان الاهل طردوا عيالهم وش بقى بهالدنيا لنا
بـيّـن/ثلاثة/نط الشبة وجرى وراه/
نواف جرى بكل مافيه صرخ/سلماااااان
طاهر عينه على نواف وبسخرية/سبوق يامال الجنة/ضحك/
سلمان مر بالددسن من جنبه
نواف يجري/هد هد/ارتمى بالحوض/
بـيّـن يجري وراهم
غصنة وقفت عند بيت الشعر تناظرهم وسط تكتيفتها
بـيّـن تعلق بباب الحوض بابتسامة انتصار
نواف الجالس بالحوض/سلمان ياسلمان تكفى
سلمان وقف السيارة نزل منها تاركها شغالة وجرى تارك نواف/فك عمرك
بـيّـن اعتدل بوقفته على رف الحوض المجاور للباب بابتسامة وتكتف يناظره
نواف برجى/تكفى ياابو خلف تكفى انا في وجهك
بـيّـن ضحك/هالمرة سلمت مع انك صدعت بي بس يالله ماعليه/نط على ورا وقف عالارض ثم اعتدل بوجهه واتجه لبيت الشعر تاركه وراه/
نواف بانفاسه السريعة بذهول/سلمت من بـيّـن سلمت/وقف يناظر قفا بـيّـن باستغراب ثم ذكر سلمان التفت يناظره وبغيظ صرخ/سلمان عسى بني سمّار مايسلمون
بـيّـن وقف والتفت يناظره بغيظ صرخ/نواف علامك على بني سمار
نواف انخطف وجهه/يسلمون يسلمون اقصد عساهم يسلمون
بـيّـن اعتدل بوقفته وناظرها بابتسامة
غصنة متكتفة/ارحم حالهم ذبحتهم من هم صغار تطارد وراهم
بـيّـن وقف جنبها ومد يده محاوط رقبتها ومشى معها لبيت الشعر بابتسامة/دروس دروس عشان يعرفون يتصرفون ماشفتي سلمان كيف تصرف
غصنة/امحق تصرف هج وكب نواف وراه
طاهر ضحك/هبلت بهم يابـيّـن خاف ربك
بـيّـن جلس بابتسامة/مريحهم مني من مبطي
طاهر/بذي صدقت
غصنة جلست ومدت له الكيس/خذ بس مااظن الصبغة تكفي شعرها يبي لها تشتري زيادة
بـيّـن ناظر الكيس وبدا يخرج اللي بداخله من اغراض الصبغة/من قال لها لي انا
غصنه ناظرته للحظات بعدم تصديق/من جدك!!
بـيّـن/اي والله
غصنة ناظرته ساكتة
بـيّـن/ماش كل ماناظرت بالبركة ضاق خاطري وتكدرت 
غصنة عقدت حواجبها باستغراب
بـيّـن/وانا اشوف الشيب مالي شعري تقولين جدي طاهر وانا توني صغيّر مابعد تممت الثمان والعشرين
طاهر/مير حاليني الله ياكبر حظك كان طلعت علي بشيبك
غصنة انفجرت تضحك وبضحكها/والله تقوله صادق!!
بـيّـن عبس بوجهه/والله وثم كتاب الله كان دريت ان العلم طلع من باب هالمحاس ياغصيّن ان يمضي عليك علم ماشفتيه بعمرك اللي راح واللي جاي كل ابوه
غصنة بلعت ريقها من تهديده وبدت تجهز الصبغة له/ابشر طال عمرك مايطلع
طاهر دخل يده تحت شماغه ساحب طاقيته وشماغه ونزلهم/غصين غطي شيباتي معه كود اعود شباب وحمدة تطرب بشوفي
غصنة غطت عيونها بيدها/اعمتني صلعتك ياجد وين هن الشيبات اللي اغطيهن بالله
بـيّـن بضحكة/هماك تقول محليك الله
طاهر/عوذا منكم واللي يطيح بألسنتكم
بـيّـن بابتسامة وعينه بغصنة/ها توصي ودي اغث بني سمار وانا كاشخ على سنقة عشرة
غصنة زفرت تحس بضغط عليها وندم تمنت ماردت على مكالمته ولبت طلبه/ابشر ابشر ان شاء الله خير
............................................................
.
سطام يسوق السيارة بوجهه المتجهم المغطى بكدمات ومكتسي قتامة راجع من المستشفى
سلام جالسة جنبه ملتزمة الصمت
ريوف متمددة ورا نايمة ساندة راسها على رجول يقين بفزات لا إرادية بين لحظة والثانية
يقين يدها على راس ريوف تسمح عليه ووجهها للطريق تناظره بصمت
سطام وقف عند البيت التفت يناظرهم ناظر ريوف وامتلى قلبه حقد ناظر يقين
يقين بادلته النظرات بصمت
سطام نزل وفتح باب السيارة/ريوف
سلام التفتت له بوسع عيونها وبهمس/شوي شوي
يقين مدت يدها تلامس كتفها بخفة/ريوف
ريوف فزت من نومتها بخوف تتلفت حولها
يقين/وصلنا البيت
ريوف ناظرت سطام ثم نزلت نظرها للارض بتتردد
سطام تنهد من فهم تفكيرها/انزلي مايلحقك طاري/مشى سابقهم للبيت/
يقين نزلت تناظرها
سلام وقفت جنب يقين مدت يدها/يالله ريوف
ريوف مدت يدها ليد سلام ونزلت
يقين تقدمتهم ووقفت من وصلها كلام امها
ام سطام ببكى/يعني سويتها اشتكيت وفضحتنا ياسطام فضحتنا
سطام بحدة/حتى لو المحافظة بكبرها مابها مستشفى يقرر حالتها افزع بها لاي مستشفى لو هو اخر الارض حقنا باخذه يعني اخذه
ام سطام/تكفى اسكت واستر على اختك تكفى
ريوف هلت دموعها من كلام امها
سطام بحدة/يمه والله ناخذ حقنا من عيونه والله
ام سطام تضرب خدودها بكفوفها بسخط وسط انهمار دموعها/وافضيحتنا ويلي ويلك يازينة وفضيحتك وسواد وجهك ويلي
سطام ناظر امه بغيظ
ام سطام ناظرتها وتقدمت لها
يقين مسكت يد ريوف اللي وقفت جنبها ورجعتها وراها وبحدة/الويل للخسيس مايلحقنا لوم وعساه يذوق الخزى بالدنيا قبل الاخرة
ام سطام بدموعها/ايه تقولونه براحة بلاكم ماشفتوا الدنيا وعرفتوها/ناظرت ريوف/ليتك متي ولاكبيتي طوارينا على لسان اللي يسوى ومايسوى
ريوف شحب وجهها
يقين شدت على كف ريوف
سطام بقهر من امه/وليه تموت وهي مالها ذنب الخسيس يرعى مستانس وهي تذوق المرار ليه والله لاتله من رقبته وخمشه يلمس القاع وانا ولد ابوي
ام سطام ناظرتها/احتمي بهم ذالحين الوعد بكرة لاكلوك الناس والله مايرحمونك مايرحمونك ابد/مشت لغرفتها بخطوات سريعة وقفلت الباب وراها/
ريوف انهارت بكى
يقين احتضنتها/والله بتاخذين اللي يرضيك وانا اختك بتاخذينه 
سطام خرج جواله المعتلي رنينه من جيبه عقد حواجبه باستغراب من الرقم/ايه نعم..ايه سطام منصور/اتسعت عيونه بذهول/هاه
يقين تركت ريوف تناظره باستغراب
سطام ارتسمت ابتسامة على وجهه نسته موضوعهم للحظة جر خطواته السريعة للباب /ايه ايه ذالحين جايكم ذالحين
يقين مشت وراه/سطام علامك
سطام يحس بنفسه بيطير من كثر الفرح بدون يناظرها/بعدين بعدين/فتح الباب/
يقين مسكته توقفه/سطام
سطام وقف ناظرها بابتسامة/ابوي يقين ابوي صحى
يقين تسارعت نبضات قلبها بفرح من الخبر المفاجئ 
............................................................
-
<<بيت نور>>
نور جالسة عالكنبة بصالتها مغطي المكان صوت التلفزيون الصادح بتلاوة الشيخ على قناة القران الكريم بابتسامة مرتسمة عاى وجهها وبين يديها سنارتها تحيك بطانية الصوف باللون الابيض المحايد لمولودها
ظاهر دخل للبيت بعد توصيل وداد لاهلها وقف يناظرها بابتسامة تقدم لها وانحنى ساحب االسنارات من يديها بابتسامة/ريحي ظهرك شوي
نور بعبوس/مرتاحة كبني اكمل!!
ظاهر/دامك مرتاحة/تمدد عالكنبة على ظهره وسند راسه بحضنها وتكتف يناظرها بابتسامة/
نور سندت ظهرها عالكنبة وابتسمت لابتسامته
ظاهر مد كفه لكفها قبله ثم ثبته واحتضنه بين كفه وخده بابتسامة
نور/عساها دايمة هالضحكة
ظاهر/اتخيله يشبهك والله اني بخاف عليه يمكن اقفله عليه عندك
نور/حرام عليك تحبسه!!وبعدين قلت تبي بنت كيف صرت تتخيله ولد
ظاهر/لان خاطرك بولد
نور ضحكت بخفة/عسى الله يخليك لي يارب
ظاهر ترك كفها واعتدل على جنبه بتمدده وتنهد بصوت
نور/الله يبعد عنك كل ضيقة
ظاهر غمض عيونه وهمس/امين وياك
نور/علمني باللي بصدرك ياظاهر لاتكتمه تراني لذالحين بيرك وغطاه
ظاهر بهمسه/سكوت وداد هاليومين ماهو مريحني
نور/توها تدري بمصيبتها عطها وقت تتنفس وتعلمك
ظاهر/لااا ماتعرفين وجه وداد الثاني خوفي تدبر شي
نور/كبها تدبر على هواها وان دبرت ماتوقف بوجهك ياظاهر انا معك
ظاهر بابتسامة/الله يخليك لي مير لاتقابلنها وانتي كذا هي ماعليها مهبولة كل شي يمكن تسويه ولا عليها مير انتي/عدل راسه وطالعها/اخاف عليك يانوري
نور انحنت مقبلة جبينه/لاتخاف مابيصير شي ووين ماتروح انا وراك ياظاهر تلقاني بقفاك ماافارقك دقيقة
ظاهر بابتسامة/الله يخليك لي يانوري انتي وصغيري
نور ضحكت بخفة من حلاوة الشعور/اخيرا ذكرته بدعوة
ظاهر اعتدل براسه وغمض عيونه/مير دايم احصنك واحصنه وضاري وبنيتي كل ابوكم جميع عسى الله يحفظكم لي
............................................................
.
محارب وقف بسيارته قبال عمارة شقتهم الجديدة ناظرها/اصبري اشوف الامور ومعود/نزلل من السيارة/
ولاء بابتسامة/طيب ولاتبطي علي
محارب نزل من السيارة ومشى واستوقفته الدراجة النارية(سبيار)باللون الازرق والفضي بمواقف العمارة وقف بقلب ذاب من اللي يشوفه وهو يعشق هالدراجات بكافة انواعها ارتسمت الابتسامة على وجهه من كثر فرحته بوجودها وكانه طفل مستانس بلعبته المفضلة تفحصه بعيونه وتجرأ ومد يديه يلامسه بشي من الغبطة لصاحبه همس/الله يبارك له ويكفيه شر نفسي
ولاء وقفت جنبه ورفعت يمينها المتدلي من كفها مفتاح الدراجة/تفضل
محارب ناظرها بعدم فهم/وش
ولاء/تفضل هدية نجاتك من ظافر و/سكتت من تداركت نفسها لانتطق اسمها وسط زفرة انفاسها/والعلة أخته
محارب عقد حواجبه/كيف
ولاء تنهدت وقفلت عالمفتاح بقبضتها وتكتفت/وش اللي كيف!!
محارب التفت لها ووقف قبالها/من وين لك ذا المبلغ
ولاء بوسع عيونها/بتحقق يعني!!
محارب ناظرها بعبوس
ولاء تنهدت/عندي ورثي من امي كفى وزود بعد لاتسال عاد
محارب احتدت ملامحه
ولاء/وبعدين ترا هدية ليه التحقيق!!
محارب/ماقلنا شي بس ذي ماهي باي هدية
ولاء مدت كفها بالمفتاح/هاه تبيها ولا اكلم رازي يبيعها لي
محارب ناظرها بشي من التردد ميت على الدراجة وقلبه متشفق عليها وبنفس الوقت مقهور منها لانها تصرفت بهاالطريقة مد يده واخذ المفتاح/دام شريتيها والله مااردك
ولاء ابتسمت برضا/عليك بالعافية يالله يالله جربها
محارب جلس عالدراجة واخذ الخوذة المثبتة قدامه ولبسها على راسه/الله يعافيك مير فلوسها  بترجع لك كل شهر مبلغ
ولاء عبست بوجهها/محارب
محارب/روحي البيت ابي اخذ فرة ومعود
ولاء بابتسامة/لا الازين انت تسوقه قدامي وانا وراك بالسيارة اصورك ونتقهوى باي كوفي قريب وش وايك
محارب ناظرها/شورك وهداية الله
ولاء جرت للسيارة بحماس
محارب شغّل الدراجة من تحركت قبله بالسيارة
ظافر الواقف بمواقف العمارة المقابلة لهم يناظرهم بكل مافيه من حقد وقهر من عرفهم ماعرف الخير بحياته كل المصايب تتابعت عليه بدون رحمة طلع كذّاب ومتبلي واللي صار لامه من يده بسببهم عض شفته السفليك بقهر وشغل سيارته وراهم يلاحقهم
ولاء تسوق بابتسامة وعينها عالمراية تناظره
محارب يتقدمها لحظة ويتركها تتقدمه لحظة وهالمرة تقدمها بابتسامة اعتلت وجهه من هالمغامرة اللطيفة اللي يعيشها لاول مرة
ظافر خلفهم اول مالمح محارب يبتعد عنها هالمرة دعس عالبنزين وصدمها من الخلف
ولاء فزت برعب وربكة وهي تشد عالدريكسون
ظافر هدا لحظة ثم كرر فعلته وصدمها
ولاء غرقت عيونها دموع برعب وحيرة كيف تتصرف بهالموقف
محارب اللي سبقها عقد حواجبه من تأخيرها
ظافر اسرع بالسيارة ووقف قبالها
ولاء هدت بالسيارة مدت يدها برجفة محاولة توصل لجوالها اللي عالمقع اللي جنبها
ظافر رجع بالسيارة عليها بسرعة وصدمها
ولاء صرخت وسط دموعها وشدت عالدريكسون/وش تبي مني ابعد عني
محارب الواقف على جنب الطريق ينتظرها اتسعت عيونه من ناظر اللي يصير وعرف صاحب السيارة احتدت ملامحه وحرك الدراجة  باتجاهه لحقهم واصيح ملاصق لسيارة ظافر من جهة ظافر نفسه ثنى يمينه وضرب الزجاج بكل قوته بمخاطرة وهو اللي مااحترف سواقة الدراجة وتسبب بكسره
ظافر غمض عيونه من تطاير الزجاج عليه وجرح وجهه مال بالسيارة بعدم سيطرة للحظة ثم ثبتها
ولاء ناظرت محارب قدامها تنهدت بشي من الراحة وسط دموعها وبقلقها صرخت رغم عدم وصول صوتها له/محارب كبّه اتركه يامحارب
ظافر احتدت ملامحه من ناظره
محارب اسرع بحد معقول قباله حتى يلحقه ظافر ويبعده عن ولاء وبنفس الوقت ينتبه لها 
ظافر اسرع وراه
ولاء اسرعت وراهم بدموعها/تكفى محارب تكفى كبه
ظافر اصبح موازي لمحارب تفصلهم مسافة بسيطة ابتسم بخبث وفتح بابه بكل قوته ضارب به دراجة محارب
محارب شد عالدريكسون بتوتر بمحاولة يسيطر عاى دراجته
ظافر مال بالسيارة جهة محارب
محارب ابتعد عن ظافر وماقدر يسيطر على الدراجة مالت عالارض وتركها وترك نفسه يرتمي عالارض باستسلام
ولاء تناظر محارب يتقلب عالارض قبالها صرخت برعب/ محااااارب
ظافر ناظره بابتسامة ورضا برد قلبه وهو يناظره بهالوضع وكمل طريقه بدون اهتمام لفعله
.
#شقّ_الغَمام