شـقّ الـغَـمـام

..(٣٦)..

(٣٦)
لاحول ولاقوة الا بالله..
لااله الا وحده لاشريك له،له الملك وله الحمد وهو على كل شي قدير
-
رؤيا بذهول شديد من اللي يصير تناظرها بدون اي حركة مكتفية برفع يديها لوجهها تحميه
ولاء مستمرة تضربها بصراخ/مرض يامريضة مرض مستمرة تطلعين اعذار مستمرة
//طالبات ابعدوهم عن بعض//
رؤيا بدموعها مغطية انفهز المازف بكف يمينها وباصرار/زوجك يلاحقني وش ذنبي انا كملي نقصك لاترمين عيوبك علي يالناقصة
ولاء بصراخ تبعد البنات عن طريقها/اقطع لسانك النجس يانجسة زوجي اشرف منك ومن دروبك الخايسة اللي تربيتي عليها لاترمين نجاستك علينا لاترمينها
رؤيا/يالمستشرفة ماقدرتي تلمين زوجك جيتيني!!
ولاء بكل مافيها من غيظ قدرت تفلت من البنات ومسكتها من شعرها وتضربها
ولاء اعتلى صراخها المكان من حست بيدين ولاء تنتزع شعرها من جذوره بدون رحمة
............................................................
<<بيت ظاهر>>
وداد جالسة بالصالة قبالها الفطور تناظر الساعة بجوالها هذا وقت خروجه
ظاهر فتح باب غرفة ضاري وسبقته ريحة عطره
وداد رفعت عينها عن جوالها وميلت فمها بغيظ
ظاهر خارج ببنطلون رياضي باللون البيج وتيشرته الابيض وبيديه جواله ومحفظته ومفاتيحه
وداد مررت نظرها عليه من فوق لتحت ارتسمت ابتسامة اعجاب برزته/ماشاء الله وش هالزين ذا كله
ظاهر وقف يدخل مفتاحه بجيب وخرج ساعته بنفس الوقت رفع نظره لها برفعة حاجب بابتسامة سخرية من كلامها
وداد/اخبرك ماتعرف غير الثوب ماترتاح الا به سبحان مغير الاحوال!!
ظاهر بابتسامته وعينها بعينها/اي بالله سبحان الله مغير الحال من الظلام للنور
وداد احتدت نظرتها/على وين ان شاء الله
ظاهر بحدة/ماني بقايل مااحب كثرة الاسئلة
وداد بغبنة/كل هالكشخة والترزز لها حشى وش شايف فيها هالعجوز حتى الخلف انقطع عنها مدري وش ترجي من وراها
ظاهر ضيق عيونه باستمتاع من حرقة قلبها/عجوز!!انا راضي بهالعجوز بكل حالاتها!!وثم تكفين لاتفتحين على نفسك باب هو زين هو ثقل هو/سكت مرر نظره عليها/انا اقول اقضبي ارضك واسكتي ازين لك/مشى كم خطوة/
وداد بقهر/هي لها الوجه والنفس الطيبة وانا لي النكد والضيقة
ظاهر التفت لها/تخبريني مااعطي الواحد الا على قدره/مشى/
وداد وقفت وبغيظ/افطر ماتطلع الا بعد الفطور
ظاهر التفت يغيظها/اسف بس مااقدر اتاخر اكثر
وداد بصراخ/هذا انت تفطر عندها بيومي ولا اشوفك !!
ظاهر/صدق!!عاد من يلومني سبحان مغير الاحوال صحيح!!/مشى مسرع بخطواته بدون اهتمام لامرها له بالتوقف/
وداد مشت وراه بخطوات سريعة/ظاهر اوقف اقولك اوقف
ظاهر قفل الباب وراه واسرع بخطواته بابتسامة من ناظرها خارجة من المطبخ الكبير المشترك
نور متجهة لبيتها بين يديها ترامسها اللي استخدموها بالامس وظلت بالمطبخ
ظاهر المهرول بخطواته تجاهها بابتسامة عريضة/ياصباح الخير يابعد كل الصباحات اي والله
نور التفتت له بابتسامة هادية/صباح الورد
ظاهر وقف قبالها قبّل جبينها ناظرها مد يديه اخذ منها الاغراض/هاتيهن عنك
وداد المراقبة لهم من ورا الباب تناظر ابتسامته الصادقة من كل قلبه نظراته الناطقة بمشاعره لها تقبيلته لجبينها وحتى تصبيحته اللطيفة اللي ماتكرم ونطقها بالغلط من يوم رجعتها كيف هو متوشح الشح بحقها واصبح حاتم الطائي لها بكل اموره امتلى صدرها غيظ وهي تناظر ابتسامتها ولا كأنها ارجعت له وحاولت تدمر مابينهم وتفسد سعادته بالعكس يوم عن يوم تلمح السعادة بينهم اكثر واكثر وكأنها غير متواجدة بالساحة
نور تركت الاغراض/اسبقني للبيت باقي كم غرض حبيبي وجاية
ظاهر/روحي انتي انا اجيبه
نور هزت راسها بلا/روح انت ماتعرف وش اللي ابيه وبعدين تراها بسيطة اجيبها معي/مدت يديها له وحركته لجهة البيت ودفته/روح يالله روح
ظاهر التفت لها يناظرها متراجع بخطواته لورا/لاتبطين علي
نور ضحكت بخفة/لااله الا الله
ظاهر وقف/روحي المطبخ يالله يالله
نور بابتسامة/طالع طريقك لاتطيح
ظاهر/ليت اطيح
نور بزعل/بسم الله عليك وبعدين مع هالكلام وبعدين
ظاهر بابتسامة/ايوه ذا اللي ابيه وابي احس فيه
نور/خلاص عاد
ظاهر/لاتبطين
نور تكتفت/لاتخليني اروح افطر مع جدي وجدتي واكبك!!
ظاهر لف وجرى لبيت نور رفع صوته/لاااتبطين
نور تغير وجهها باحراج من حركات ظاهر الجريئة بعينها وهي تحب الخصوصية جدا جرت للمطبخ دخلت بانفاسها السريعة واتجهت للمستودع الداخلي للمطبخ سحبت كيس فاضي تناظر الاغراض وتستذكر الاغراض الناقصة وبدت تجمعها بالكيس اللي بيدها/زيت جبنة قشطة/ابتسمت من ناظرت قشطة الفراولة واخذتها/بيفرح لاشافها/خرجت من المستودع وقفت تناظرها/
وداد واقفة بوسط المطبخ تناظرها برفعة حاجب/توقعت فارشة السفر له فتة وفطير وخبوز تاليتها نواشف!!
نور ابتسمت من ناظرت غيظها الدفين رغم ملامحها الهادية/مايهم لا الفطور ولا المكان المهم مع مَن
وداد احتدت ملامحها
نور رمشت مرت من جنبها وضربت كتفها بكتف وداد
وداد التفتت لها ومدت يدها لشعر نور وشدتها مرجعتها لورا
نور المتراجعة بخطواتها تركت الكيس ورفعت يمينها مبعدة يد وداد بالقوة
وداد انصدمت من دفاعها وعادتها تتجاهلها
نور عضت يد وداد بكل قوتها
وداد صرخت وسحبت يدها بالم وبصراخ/يامجنونة
نور بحدة/لاتظنين سكوتي عنك عبث
وداد ناظرتها بذهول من اسلوبها الجديد
نور/اتحمل كل شي لخاطره مير تمدين يدك حدك اعلمك انا من نور كان ماتعرفين من هي نور
وداد ابتسمت/زعمك من الكايدة بيننا؟
نور ابتسمت بتحدي/جربي
وداد لامست بيدها بطنها وانحنت شبه راكعة وصرخت/ااااه الحقوني
نور قربت منها ومسكت يدها تتصنع الخوف باتقان صرخت/ظاهر الحق علينا ظاهر
وداد ناظرتها بذهول
نور بطيف ابتسامة بهمس/هاه نكمل؟
وداد اعتدلت بوقفتها وسط احتداد ملامحها وسحبت يدها بقوة من يد نور ودفعتها بخفة بقهر منها
نور تركتها ولمحت ظاهر المفزوع من صراخهم يجري باتجاههم قربت منها ولامست بيدها كتف وداد وبخوف/علامك وين الوجع؟
وداد دفعتها بكل قوتها/طسّي عني
نور اتسعت عيونها من قوة دفعتها تعثرت بكيس اغراضها المستقر عالارض وضرب ظهرها بالمطبخ وراها وانتهت طيحتها بجلوسها مسندة ظهرها للمطبخ رفعت يديها تلامس اسفل بطنها بملامح تنطق بألمها
ظاهر صرخ بفزع بوسع عيونه/نـــور/جرى لها ودفع وداد  بطريقه بلاشعور/
وداد تحركت بخطواتها لقدام من دفعته وناظرته بذهول
ظاهر انحنى شبه جالس عند نور وبخوفه/نور/رجف قلبه بخوف من ملامحها رجع يمينه ورا ظهرها ويساره تحت ركبها ورفعها/
نور صرخت بألم من رفعها/بشويش
ظاهر فزع من صرختها
نور همست بالم من هلت دموعها/ظاهر شوي شوي
ظاهر بخوفه خطى خطواته بثبات قد مايقدر حتى لاتتوجع/ابشري ابشري/مشى/
وداد تناظر قفاه بخيبة مااهتم لها ولاانتبه حتى لوجودها ولا همته صرختها بالنسبة له كل اهتمامه منصب للكيان الاخر اللي قدامها وسعادته اللي تعهدت تدمرها صعب عليها وكثير حتى تعكر صفوه ايقنت هالمرة بانقطاع كل حبال الوصل بينهم بعد ماكان يفز لسمع اه منها الحين حتى صرخاتها ماوصلته بالعكس دفعها بدون اهتمام لها ولا بنته اللي ينتظرها من سنين كيف اصبحت مهمشة لهالدرجة بعينه كيف وصلت بعينه هالمستوى كيف كل حبه تحول لغيرها بشهور معدودة غابتها عنه كيف باعها بسهولة وبهالسرعة خنقتها عبرتها ماتمالكت هالعبرة وهلت دموعها من انتبهت لها
نور ساندة راسها على صدر ظاهر تتوجع ومن ورا ظهره اشرت بيدها لوداد بمع السلامة بانتصار
//اهل بيت طاهر خرجوا عالاصوات//
حمدة ناظرت ظاهر المسرع بخطواته خارج من البيت
ظاهر صرخ/غصنة جيبي لي اي عباة اعجلي علي!!
غصنة جرت لبيتهم
حمدة اسرعت وراه مستندة على عكازها ولا لحقته وبخوفها رفعت صوتها/علامها وش صايبكم
ظاهر/بعدين ياجدة بعدين/خرج/
وداد مرت من قبالهم بخطوات سريعة
حمدة التفتت وانتبهت لها وبصوت عالي/تعالي ياوجه القرادة تعالي وين ذالفة الا من سواد وجهك هاجة تعالي
وداد دخلت لبيتها وقفلت الباب بكل قوتها جلست ورا الباب وانهارت من كثر مشاعرها المختلطة اللي احتوتها من خيبة وتهميش واهانة فزت واقفة بانزعاج من رنين جوالها كانت ناوية تقفله ردت من ناظرت اسمها وببكاها/نوار
نوار ببكى/تكفين وداد تكفين
وداد عقدت حواجبها باستغراب/علامك
نوار/كلمي زوجك يتنازل قبل ينتشر الخبر والله يطلقني احمد بدون يسمع كلمة تكفين انا وش لي ووش للمحاكم عندي تكفين
وداد/علامك يابنت وش فيه وش صاير
نوار/رافع علي تخبيب علينا كلنا يالبنات تكفين توسطي عنده وفكينا
وداد بحدة/يعقب ويخسي مايقـ/اهتز جوالها برسالة شحب وجهها من ناظرت الرسالة(صاحب الهوية رقم****نبلغكم بموعد جلستكم لدى المحكمة العليا ......)/
............................................................
<<بيت بـيّـن>>
يقين برا البيت مثبتة العلبة على غصن الشجرة بحيث تكون الهدف تتعلم عالتصويب ماصابتها ولامرة ماتدري وين غلطتها ناظرت الطلقات بكرتونها بخوف تخلصها تنهدت واسرعت بخطواتها للبيت دخلت وناظرته نايم عالسرير اسرعت له/بـيّـن
بـيّـن مارد
يقين ناظرت ساعتها تنهدت/الساعة٨ادري انك صاحي قوم
بـيّـن تافف بدون يفتح عيونه سحب مخدته وغطى وجهه
يـقـيـن سحبت المخدة/وبعدين ماوراك حلال ماوراك فطور معزومن عليه ماوراك اشغال
بـيّـن جلس عالسرير بشعره المتطاير ببعثرة بملامح غيظ/حتى اليوم اللي ابي اقطع الخلق به/سكت/
يقين مدت يديها ترتب شعره بدون تناظره/ودك تقطعني معهم يعني؟
بـيّـن رفع نظره لها/لا
يقين ناظرته وسط ضغطها على شعرها/بس
بـيّـن نزل راسه من ضغطها/لاتقوليني شي ماقلته!!/رفع يديه ليديها مسكها ونزلها وضمها لصدره ناظرها بعبوس/ضايقتن بي اليوم يايقين
يقين/عشان
بـيّـن سكت
يقين تنهدت/وشلون احلها وانا مدري علامك
بـيّـن/الحل عندي مير نفسي عيّت عنهم
يقين سحبت يديها منه واحتضنت وجهه بين كفوفها/الزم ماعليك روحك لاتكدّرها
بـيّـن ناظرها بتفكير/يعني؟
يقين بابتسامة/دام راكبتك الملامة اقدم وش عليك
بـيّـن ابتسم ومد يديه محاوط خصرها محتضنها وسند راسه عليها
يقين تمسح على شعره/انا اقول دامك صحصحت امش معي
بـيّـن سند طرف دقنه عليها رافع نظره لها/وين
يقين حركت حواجبها فوق وتحت بحماس وسط ابتسامتها/قريّب انت بس قم يالله
............................................................
<<بيت سطام>>
سطام خرج من غرفته بيده شنطة السناكات المعتادة متجهة للمطبخ ماشافها اليوم نهائي وقف وقبل جبين امه الاي اعترضت طريقه
ام سطام وقفت قباله/سطام
سطام وبعيونه يحاول يناظر داخل المطبخ اللي ماوصله/سمي
ام سطام قطبت جبينها بغيظ/تغسل
سطام قطب جبينه باستغراب/وش تغسل؟!!
ام سطام/الملابس
سطام ارتفع حاجبه/ملابس من؟
ام سطام/اهل البيت يعني من!!
سطام اسرع بخطواته باتجاه دورة المياه
ام سطام تناظره بذهول/سطام ولد
سطام وقف عند الباب وفتحه بغيظ
سلام واقفة متكتفة قبال الغسالة غرقانة بافكارها كانت متوقعة هالشي من شغلتها باول يوم لها بهالبيت وطلبت منها تنظف المطبخ واملت عليها الاوامر الواجب عليها تتبعها تنهدت بضيق بعد فشل اول محاولاتها لفتح الموضوع معه البارح واجب عليها تفاتحه باقرب وقت التفتت من انقطع حبل افكارها بفتحة الباب القوية عقدت حواجبها باستغراب 
سطام مد يده ليدها وشدها يخرجها من دورة المياه ومشى يسحبها وراه بخطوات سريعة
سلام وراه تحاول تسحب يدها من يده
سطام  وقف قبال امه وترك يدها/وش هاللي يصير يمه!!
ام سطام بنرفزة/خير وش اللي صاير!!تقل ذابحة لك احد
سطام/ايه يمه لاصار ظلم يصير تقل ذابحة لي احد!!
ام سطام برفعة صوتها/اعوذ بالله ذالحين انا ظالمة!!خير ياسطام خير ياولد بطني خير كلها تنظف وذا واجب عليها ماهو بكرامة!!
سلام شدت على قبضتها تكتم عيظها
سطام/الا بالله كرامة
ام سطام بوسع عيونها/وشو!!
سلام التفتت تناظره بذهول
سطام/كان غسلت ونظفت ذا من طيب اصلها وطيب من رباها ماهو بواجب ابد عليها ابدا ابد
ام سطام بغيظ/هذا حنا كل ابونا خدمنا اهالي ازواجنا مانقص منا لايد ولا رجل 
سطام/هذاك اول يمه ماهو ذالحين كان سوت من طيب نفس جزاها الله خير مير الغصيبة ماارضاها ابد
ام سطام ناظرته بغيظ/ماغصبت احد لاتبتليني!!/ناظرت سلام/بنت غصبتك
سلام/ماغصبتيني مير اللي يصير ماني براضية فيه
ام سطام ناظرتها بوسع عيونها/هاه!!
سلام ناظرت سطام/الصحيح نويت اكلمك البارح مير انك نايم
ام سطام بعصبية/ايه وش تبين تقولين
سلام ناظرتها بثقة/ماعندي مشكلة اعين واعاون مير تشغلوني شغّالة ماارضاها!!
ام سطام/الله اكبر عليك متى صرتي شغالة لنا!!
سطام ناظر امه/يمه ماترضينها لخواتي كيف ترضينها بنات الناس!!
ام سطام بغيظ/سطام انهبلت
سطام/علمتك يمه من طيب نفس مابه خلاف ابد 
ام سطام ناظرته بغيظ وسط صمتها
سطام/يمه كان ماعدلت في بيتي وشو له الشيخة اجل وثم المنسدحة داخل وش وظيفتها لابمدرسة افلحت ولا بسنع!!كدّيها خل تقوم وتفلح مع الخلق وش هالربادة!!
ام سطام بعصبية/تغلط على اختك عشان مرتك!!ياعيباه ياسطام ياعيباه!!
ريوف خرجت من الغرفة/وش عليك مني هاه!!ماانت بابوي عشان تتحكم علي!!
سطام احتدت نظرته/وشو!!
ام سطام ناظرتها بحدة
ريوف/يوم تتكلم معي اعرف من تكلم
سطام ارتفع حاجبه/خير ياطير من اكلم!!عساك بنت الملك وانا مادريت!!
ريوف/اي والله وتاج راسك بعد
ام سطام مشت لها تدفها قدامها/امشي امشي فكينا من لسانك
ريوف بعصبية/اجل يغلط علينا ونسكت!!
سطام كتم غيظها وصد عنها مد يده ليد سلام يسحبها وراه باتجاه غرفتهم
ريوف/كل ذا عشان خاطرها الله اكبر عليه وعليها وش بيسوي لاجاه بزر
سطام دخل ويده بيدها قفل الباب نتظرها بغيظه/ورا ماعلمتيني هاه
سلام تكتفت/علمتك عينتك نايم
سطام/صحيني ماهي بكبيرة ولا صعيبة
سلام سكتت
سطام زفر من ناظر صمتها وبنرفزته/لاعاد تسكتين عن شي يضايقك نتكلم ونتفاهم لو اني مادريت وش بتسوين
سلام عيونها بالارض/باعلمك اكيد
سطام/متى؟
سلام ماردت
سطام/تاليتها ادري من اهلك
سلام رفعت نظرها له/اكيد لا ماتطلع امور بيتي برا
سطام/شي فوق شي فوق شي الى منها تقول واللي خلقه لارضه ارضي ولا سماه سماي
سلام سكتت
سطام/تبين شي بس
سلام/لا
سطام خرج بخطوات سريعة من غيظه
ام سطام دفعت ريوف لداخل الغرفة وقفلت الباب ومن بين اسنانها/اسكتي اسكتي
ريوف ناظرت امها وبغيظ/ماني بساكتة ليه تسكتين له يمه ليع ذا عاش بيننا وصدق عمره انه من بني سمّار!!
ام سطام اتسعت عيونها
ريوف/وقفيه عند حده وعلميه من يكونون بني سمار
ام سطام ضربتها كف على وجهها
ريوف ناظرتها بذهول
ام سطام/انطقي حرف من هاللي قلتيه عن اخوك مرة ثانية كان قصيت لسانك رحمة واهون الامور بحقك
سطام خرج من بيته وقف يناظره باستغراب من تواجده رسم ابتسامة على وجهه واسرع بخطواته باتجاهه حتى يسلم عليه/حياك الله ياعم يالله ان تحييه
حامد رفع يده بوجه سطام يوقفه/ورانا مشاوير واجد اعجل علي/مشى/
سطام عقد حواجبه باستغواب من تعامله مشى وراه بهدوء وصمت
............................................................
.
بـيّـن بثوبه الكحلي وغترته المنسوفة على كتفه متكتف يناظر مكان الهدف/ذالحين انتي صيبيها وهي بالارض ثم ارفعي خشمك بعدين
يقين الواقفة جنبه التفتت له بيدها المسدس ناظرته بغيظ موجهة المسدس له بتهديد/هذا انت عالارض اجرب يعني؟
بـيّـن بضحكة تسليك مد يده ونزل فوهة المسدس/الشيطان مااشطر منه يابنت الحلال
يقين نزلت السلاح/ابي اصيب الشارة وهي باي مكان
بـيّـن مشى بخطواته للعلبة نزلها وثبتها عالارض/ذالحين ذي وبعدين يصير خير
يقين مدت المسدس
بـيّـن جرى مبتعد/هيه هيه اصبري/همس/الله اكبر عليك لاتجيبين اجلي
يقين نزلت المسدس تناظره باستغراب/علامك
بـيّـن هدا بخطواته ومشى باتجاهها/خليه تحت نعنبوا ابليسك خليه تحت/وقف جنبها/يالله اشوف وشلون بترمين
يقين مدت يديها لقدام بوضعية التصويب
بـيّـن مد يده وضرب يديها بخفة
يقين ناظرته بذهول/ليه
بـيّـن/مابتحركين عصيدة يومك ماسكته كذا
يقين بغيظ/علمني ماهو تتطنز علي!!
بـيّـن مد يديه وعدل مسكة يديها للسلاح وقف وراها الفاصل بينهم خطوة/يالله سمي
يقين التفت وراها تناظره باستغراب/قبل اسمي علامك وراي
بـيّـن/اخاف ترتدين من الرمي
يقين/ارتاح تعودت عليه من اليوم
بـيّـن/الصدق اخاف تخطيني
يقين ناظرته بغيظ/والله لو اني ارمي على عماي
بـيّـن/البلا انه ماهو بعلى عماك تشوفين وتزلين بي
يقين/انت علامك علي!!ماانت بواثق بي!!
بـيّـن/الحق يقال هالنوبة لا/تراجع بخطواته لورا/
يقين ناظرته وصوبت عليه/المجنب من الاوادم مايخلى
بـيّـن تقدم لها ولامست فوهة المسدس صدره وبابتسامة/بالله قلبك يقوى؟
يقين عيونها بعيونه للحظات صمت
بـيّـن عبس بوجهه/باقي تفكرين!!
يقين التفت عكس اتجاهه وصوبت عالهدف/ياكثر هروجك والزبدة ماعطيتني اياها/رمت عالهدف ولا اصابته/
بـيّـن لامس جسمه بجسمها ومد يديه ملامس يديها وثبتها باتجاه الهدف/ناظري الشارة ثم ثبتي يديك تخيلي اللي ودك ترمينه
يقين رصت على اسنانها بغبنة
بـيّـن/ثم سمي
يقين/بسم الله/رمت الهدف وصابته اتسعت عيونها وصرخت وسط نطاتها بحماس/صبته صبته
بـيّـن يناظرها بابتسامة/تبين تروحين معي؟
يقين/لا عندي شي اهم من روحاتي معك
بـيّـن ناظرها بزعل/الله اكبر ذالحين الشارة ازين واهم مني!!
يقين احتضنت ذراعه/عاد ياشين الزعل عليك
بـيّـن مشى
يقين مشت معه محتضنة ذراعه/بتتاخر الليلة
بـيّـن/وش عليك!!مشغلك اللي اهم مني
يقين بعبوس/عاد لاتصير نفسية وتمسكها
بـيّـن هز راسه/حلو حلو كانها كثرت قولة نفسية يمي!!
يقين بنبرة رجى/بـيّـن
بـيّـن ناظرها برفعة حاجب/لاتحاولين
يقين احتضنته/والله مايطاوعني قلبي تروح وانت زعلان
بـيّـن يتغلى/كم مرة تعاندين واقول بخاطري يابـيّـن تراها قبلة الايام الزينة
يقين شدت عليه بين يديها/وقبلة الايام الزينة ماتعذرها هالمرة
بـيّـن ضمها ماقوى يتغلى عليها اكثر بادلها الاحتضان محاوطها
يقين وقفت على رجوله بابتسامة
بـيّـن تقدم بخطواته محتضنها بين يديه بابتسامة/كان ماعذرت يقيني من أعذر
يقين رفعت راسها تناظره/اي والله محد احق بالعذر مني
بـيّـن هز راسه بموافقة/صدقتي/وقف جنب سيارته فتح الباب وجلس مكانه وجنبه للدريكسون ولازالت بين يديه
يقين/لاتتاخر علي تراني بذا الخلا لحالي
بـيّـن ضحك بخفة يحبها لااظهرت له خوفها وكشفت ضعفها قدامه وبتكذيب/تخافين؟
يقين/صح ان فيني شجاعة بس تراني اخاف لاتغرك الوقفة تراني اتنافض من داخل
بـيّـن قبل جبينها وتنهد بابتسامة/بسم الله عليك وعلى روحك ابشري من ذا العين قبل ذا العين ابشري مير ماانتي ناوية تبعدين رجولك عن رجولي ترا اصابعي ودعت
يقين نطت لورا مبعدة نفسها عنه/نسيت والله بس عادي تروح فدا لمواطي ولّا؟
بـيّـن مد يده لرجله يرفعها يتصنع الالم والثقل وهو يرفعها/ويحي يارجيلاتي ويحي يوك عليكن يوك
يقين مدت المسدس له بملامح غيظ
بـيّـن دخل رجوله بسرعة/فدا لمواطيك انشهد انها فدا
............................................................
.
ظاهر ماسك الدريكسون بيساره ومحتضن كف يسارها بكف يمينه ومثبتها على صدره بابتسامة عريضة وكل لحظة والثانية يلتفت يناظرها بعدم تصديق من كثر فرحته
نور اللي فرحتها موازيه لفرحته لحد اللحظة تحس هالخبر حلم وشي من الخيال التفتت تناظره والتقت عينه بعينها من التفت لها ضحكت بخفة/علامك لذالحين ماانت مصدق
ظاهر بمشاعر فرح طاغية/يشهد الله ان فرحتي بهالحمل نفس فرحتي بضاري مانقصت عنه شعرة
نور ماقدرت تقاوم رغبتها ولامست اسفل بطنها بكف يسارها وفاضت مشاعرها واختنقت بغصة فرح بلعتها من وصلها صوته
ظاهر بابتسامة/كلها شهر وكم اسبوع ونعرف بنت ولا ولد
نور/اللي يجي من الله حياه الله
ظاهر/الصدق ودي ببنت تكون مثلك ماتاخذ مني شي
نور/عاد ذالحين يوم تكلمت ودي انه ولد وماياخذ مني شي
ظاهر بوسع عيونه/افا ليه بس!!
نور/عشان ضاري
ظاهر التفت لها بذهول من جوابها
نور/اخاف البنت تاخذ عقلك وتميزها عن ضاري المسكين وش ذنبه مايكفيه اللي بينك وبين امه
ظاهر ناظر لقدام بكدر/ولد ولا بنت كلهم عيالي مثلهم مثل ضاري محد يطغى على احد
نور/الله يعينك ويعنني معك مير ياظاهر
ظاهر/ياعيونه
نور ناظرته بصمت
ظاهر ابتسم/مانسيت يشهد الله مانسيت وهاه ترا اليوم يوم السعد هو فرحة حملك وفرحة بباقي الخير
،
،
~~قبل شهر~~
<<بيت منور>>
وداد مدت له الفنجال/تفضل ياابو ضاري
ظاهر ناظرها بكره/ينعاف فنجال انتي راعيته
وداد نزلته/افا ياابو ضاري افا هاذي تالية الهقوة وانا جيتك بالطيب!!
ظاهر/الطيب شرق وانت غرب اعجلي علي وهاتي اللي بيدك
وداد/وشلون رضيت تخليها على ذمتك وهاذي سواياها!!
ظاهر بحدة/احشمي لسانك لااقصه واعلقه برقبتك
وداد بتحدي/سوّها وشف وش يصير؟
ظاهر وقف/دام ذي علومك سوي مابدا لك/مشى خطوة ثم التف لخا بسرعة وسحب جوالها من حضنها فتحه يقلب داخله تغير وجهه من ناظر الجوال خالي من الصور/
وداد ضحكت/عاد ماترقعت هالغدرة منك مير اني ماني بسهلة ياظاهر
ظاهر بحدة/وش تبين يابنت منور
وداد/اولها ترجعني على ذمتك
ظاهر/تعقبين
وداد/ولا عرض بني طاهر يتناقل بين الاي يسوى ومايسوى ياولد خلف
.
<<بيت ظاهر>>
ظاهر جر خطواته لداخل البيت بهم مكتسي وجهه وقف من ناظرها قباله
نور بشك من وضعه المريب من بداية هالصباح/ظاهر عسى ماشر علامك
ظاهر بجدية/نويت ارجع وداد
نور انقبض قلبها وبلامبالاة/مالي دخل بامورك كبني بعيدة عنها ظاهر/لفت عنه/
ظاهر/احتضنه من قفاها وسند طرف دقنه على كتفها/يانوري لاصديتي عني اتوه كيف تصدين وانا جاي يمك اطلب العون
نور برجفة صوتها/مااقدر امنعك وذا حقك مير نفسي ماترضى ياظاهر ماتقبل ابد
ظاهر/وتظنين وسط هالقلب غيرك!!اصبري معي شاركيني الهم
نور التزمت الصمت
ظاهر/اصبري من دخلتها لهالبيت شهر بس شهر يانور وعد وابشري باللي يرضيك ابشري
،
،
نور/ماقلت لي ليه رجعتها وانت كل مافيك ينطق لها عايف
ظاهر/انتي
نور باستغراب/انا!!وش سويت!!
ظاهر ضحك بخفة/اشرب المر لخاطرك واقول حالي
نور بزعل/وبعدين يعني علمني
ظاهر ضم كفها لصدره/اللي صبرك شهر يصبرك اليوم/قبل كفها/تكفين يانوري كبيني افرح اليوم ماهو باي يوم عيشيه معي بكل مافيه تكفين
.
#شقّ_الغَمام