ကလေးငယ်အား မှောက်ခုံလေးဖြစ်အောင် လုပ်လိုက်သည်။ ကျောပြင်သေးသေးလေး
အား သုံးလေးချက်ပုတ်ကြည့်သော်လည်း အသံထွက်မလာပါ။ ပက်လက်လေးဖြစ်အောင်လုပ်၍ ပါးလေးနှစ်ဖက်အားညှစ်ကာ
ပါးစပ်လေးထဲ ဆရာဝန်ကလေမှုတ်သွင်း
ကြည့်သည်။ မည်သည့် လှုပ်ရှားမှုမှရှိမလာ။
ကလေး၏ ကိုယ်လုံးလေးကို လှုပ်ခတ်ကြည့်သော်လည်း ဘာမှထူးမလာပါ။
ကလေးရဲ့ နှလုံးခုန်နှုန်းက ရပ်တန့်နေလေသည်။ နောက်ဆုံးတွင်သူတို့ လက်လျှော့လိုက်ရလေသည်။ ဆရာဝန်၏ ကောက်နုတ်
ချက်အရ အမြွှာကလေးငယ်များတွင် ဖြစ်တတ်သည့် သွေးထောက်ပံ့မှုမလုံလောက်ခြင်းကြောင့် ဖြစ်နိုင်သည်။ သမီးမိန်းကလေးအား သွေးစီးဆင်းသက်ရောက်မှုများသောကြောင့် သားယောကျာ်းလေးထံ သွေးစီးဆင်းမှု မလုံလောက်ကာ နှလုံးခုန်နှုန်းကိုပါ ရပ်တန့်သွားစေခြင်းဖြစ်သည်။
" အမြွှာ သမီးမိန်းကလေး မွေးဖွားချိန်
နံနက် ၄နာရီ ၂၁မိနစ် ''
" အမြွှာ သားယောကျာ်းလေး သေဆုံးချိန်
နံနက် ၄နာရီ ၂၉မိနစ် ''
ဆရာဝန်ပြောလိုက်သည့်စကားတွင် ဟာအို့နှလုံးခုန်နှုန်းတွေမြန်လာသည်။ ကြေကွဲစွာ ငိုကြွေးဖို့တောင် အားအင်တို့ရှိမနေတော့ပါ။
ဘဝကြီးတစ်ခု ဆုံးရှုံးလိုက်ရသည့်ခံစားချက်။ သားလေး...ဒီကလေးက ဟာအို့နဲ့
မောင့်ရဲ့ သားငယ်လေးအဖြစ် မွေးဖွားလာခဲ့ရမှာကို ကံကြမ္မာက ဟာအို့သားလေးအပေါ်ဘာကြောင့် ရက်စက်ရသနည်း။
လူ့လောကထဲ မရောက်ခင် ဟာအို့သားလေးအား အဘယ့်ကြောင့်ခေါ်သွားရသနည်း။ ထိုအစား သားလေးအားထားခဲ့၍ သူ့အားခေါ်သွားပါရော့လား။ အားမကိုးခဲ့ခြင်းကြောင့်
ဘုရားသခင်က သူ့အားဒဏ်ရိုက်ခတ်သည်လား။ ရင်တွေကွဲရပါပြီ ပါပါးသားငယ်လေးရယ်။ သားငယ်လေးကို ပါပါးတို့ဘဝထဲ ကောင်းကောင်းမွန်မွန် ခေါ်မလာပေးနိုင်လို့
ပါပါးတောင်းပန်ပါတယ်ကွယ်။
" အဟင့်...သား...သားလေး ''
အသံထွက်ဖို့ကိုတောင် အားတင်းထားရတယ်။ သူနာပြု တွေက ဟာအို့ခေါင်းလေးကိုပုတ်ပေးကာ နှစ်သိမ့်ပေးကြသည်။ စီးကျနေတဲ့ မျက်ရည်တစ်ချို့နဲ့ ချွေးစတစ်ချို့ကို သုပ်ဖယ်ပေးကြသည်။ သူမောင့်အား မည်သို့ရင်ဆိုင်ရမည်နည်း။ သားလေးအား မွေးမထုတ်ပေးနိုင်ခဲ့လို့ အင်မတန်အားနာရတယ်။
ငါက အသုံးမကျတဲ့ မွေးဖခင်ပဲ မောင်ရဲ့။
trust me ~ 28.
Start from the beginning
