ဝမ်ကျယ်၏ ကြေညာချက်ကြောင့် ကွင်းပြင် ပတ်ပတ်လည်ရှိ လူအုပ်ကြီးသည် အော်ဟစ်ဆူညံသွားကြသည်။ အစောပိုင်းက သူတို့၏ သံသယများသည် ယခုအခါ၌ နားလည်သဘောပေါက်မှု အဖြစ် ပြောင်းလဲသွားသည်။
"ဟောင်ရှောင်လုံက တကယ်ကြီး ကျရှုံးသွားတာပဲ..."
"သူက နတ်ဘုရားအဆီအနှစ်ဆေးလုံးလို သာမန် ဆေးလုံးကိုတောင် မဖော်စပ်နိုင်ဘူးပဲ...ကြည့်ရတာ သူ့ရဲ့ ဆေးပညာရှင် စမ်းသပ်အကဲဖြတ်မှုတုန်းက ထွက်လာခဲ့တဲ့ ကောလာဟလတွေအားလုံး အလိမ်အညာတွေချည်းပဲ ထင်တယ်"
ကွင်းပြင် အစွန်းရှိ လူအုပ်ကြီးက ဆူညံပွက်လောရိုက်နေချိန်တွင် မော့စုက ကျယ်ကျယ်လောင်လောင် ရယ်မောလိုက်ပြီး ရှောင်လုံကို ကြည့်လိုက်သည်။
"၃၂ မိနစ်နဲ့ ၅၀ စက္ကန့်ဆိုပဲ... ဟောင်ရှောင်လုံ...မင်းက မဟာပြိုင်ပွဲရဲ့ စံချိန်ကိုတောင် ချိုးသွားပြီပဲ...နှစ်သန်းထောင်ပေါင်း များစွာအတွင်း...ဆေးလုံးဖော်စပ်မှုကို ဒီလောက်ထိ မြန်မြန် ကျရှုံးသွားတဲ့ တပည့်မျိုး တစ်ခါမှ ပေါ်မလာခဲ့ဖူးဘူးလေ"
ရှောင်လုံက မော့စုကို လုံးလုံး လျစ်လျူရှုထားပေသည်။ သူ့၏ စူးရှရှ အကြည့်က အကြီးအကဲ ဝမ်ကျယ်ဆီသို့ ရောက်ရှိသွားပြီး သီးသန့်ဆန်သည့် အမူအရာဖြင့် ပြောလိုက်လေသည်။
"ခင်ဗျား နာမည်က ဝမ်ကျယ်မလား...ခင်ဗျားက ကျုပ်ရဲ့ ဆေးဖော်ခန်း ကိုတောင် မစစ်ဆေးပဲနဲ့...ဒီလိုမျိုး ရလဒ်ကို လွယ်လွယ်လေး ကြေညာလိုက်တယ်ဆိုတော့...ခင်ဗျားက အရင်ကတည်းက ရလဒ်ကို ကြိုသိပြီးနေတာလား...ဒါမှမဟုတ် အနာဂတ်ကို ကြိုပြောနိုင်နေတာလား"
ဝမ်ကျယ်က တောင့်တင်းသွားပြီး သူ့၏ အမူအရာက မဲမှောင်သွားလေသည်။ အဆင့်အတန်းအရဆိုလျှင် ဟောင်ရှောင်လုံက အစည်းအရုံးထဲရှိ သာမန် ဆေးပညာရှင်များထဲမှ တစ်ယောက်သာ ဖြစ်သည်။ ဟောင်ရှောင်လုံ က သူ့ကို နာမည်တပ်ခေါ်ရဲနေသည်လား။
ရှောင်လုံ၏ စကားများကြောင့် လူအုပ်ကြီး သည် ခဏမျှ ငြိမ်သက်သွားကြပြီး သူပြောသွားသော စကားကို စဥ်းစားတွေးတောနေကြသည်။
ŞİMDİ OKUDUĞUN
ပြိုင်ဘက်ကင်းသိုင်း၀ိဉာဥ်(ဟောင်ရှောင်လုံ) Book 1
Maceraပြိုင်ဘက်ကင်းသိုင်းဝိညဉ် သူရဲကောင်းတွေဟာ အချိန်တော်တော်များများမှာအထီးကျန်ဆန်ကျတယ်မလား ။ အထီးကျန်ခြင်းတွေကို ကြံကြံခိုင်ရင်ဆိုင်နိုင်မှလဲ ပြိုင်ဘက်ကင်းအဖြစ် သိုင်းလောကရဲ့ထိပ်ဆုံးမှာရပ်တည်နိုင်မှာပါ။ ကမ္ဘာမြေရှောင်လင်ကျောင်းရဲ့ ကျောင်းတော်သားတယော...
931 - 935
En başından başla
