ဤနှစ်များအတွင်း သူသည် ရှောင်လုံ ပေးထားခဲ့သော ကောင်းကင်ဘုံတောင်တန်း နတ်ဘုရားဦးခေါင်းကို လေ့လာဆန်းစစ်နေခဲ့ပြီး သူ့၏ ခွန်အားသည်လည်း တစ်နှစ်ပြီးတစ်နှစ် သိသိသာသာ တိုးပွားလာခဲ့သည်။ ကံမကောင်းစွာဖြင့် ပြိုင်ဘက်ကောင်းတစ်ယောက် ရှာရခြင်းသည် တကယ့်ကို ခေါင်းကိုက်စရာကိစ္စ ဖြစ်ပေသည်။
ထို့ပြင် ယခုအခါ၌ ရှောင်လုံ က မဟာနတ်ဘုရားအဆင့် ၃ အလယ်အဆင့်သို့ ရောက်ရှိနေကြောင်း တွေ့လိုက်ရချိန်တွင် သူသည် လက်ယားလာသလို ခံစားနေရကာ တိုက်ခိုက်ချင်နေပေသည်။
လမင်းဆင်းသက်ခြင်းအဘိုးအိုက သူ့အား အားကုန်ထုတ်တိုက်ရန် ပြောလာသည်ကို ကြားလိုက်ရချိန်၌ ရှောင်လုံသည် သူ့နှုတ်ခမ်းကို ကွေးညွတ်မသွားရစေအောင် အတင်းအကြပ် ထိန်းချုပ်နေရသည်။ သူ့မျက်နှာထက်ရှိ ထူးဆန်းလှသော အမူအရာမှာ ပိုမို နက်ရှိုင်းလာပေသည်။
"အဘိုး...ကျွန်တော့်ကို တကယ် အားကုန်ထုတ်သုံးခိုင်းနေတာလား"
လမင်းဆင်းသက်ခြင်းအဘိုးအို က အော်ငေါက်လိုက်သည်။
"အဓိပ္ပါယ်မရှိတာ...ငါ တိုက်ခိုက်လို့ မဝသေးဘူးဆိုရင်...ငါ မင်းဆီ တစ်နေ့တစ်ခေါက် လာနေမှာပဲ"
ရှောင်လုံက တုန့်ဆိုင်းစွာ သဘောတူလိုက်လေသည်။
"ဒါဆိုလည်း ကောင်းပြီလေ"
'အဘိုးရေ...ဒါကို အဘိုးပဲ လာတောင်းဆိုနေတာ...ဒီတော့ ကျွန်တော်ကလည်း နဂါးမှန်းသိအောင် အမောက်ထောင်ပြရသေးတာပေါ့'
လမင်းဆင်းသက်ခြင်းအဘိုးအို က ရှောင်လုံ၏ ခြံဝန်း ပတ်ပတ်လည်တွင် အဟန့်အတားတစ်ခု အလျှင်အမြန် ခင်းကျင်းလိုက်သည်။ သို့မှသာ သူတို့၏ တိုက်ပွဲဆီမှ စွမ်းအင်လှိုင်းများ အပြင်သို့ ဖြာထွက်မသွားမည် ဖြစ်သည်။ အားလုံး ပြီးစီးသွားသည်နှင့် လမင်းဆင်းသက်ခြင်းအဘိုးအို က လက်နောက်ပစ်ကာ ရပ်လိုက်ရင်း ရှောင်လုံကို ပြောလိုက်သည်။
"ကောင်လေး...တိုက်ကွက်စတော့"
သိသာစွာပင် သူက ရှောင်လုံ ဦးဆုံးတိုက်ခိုက်ခွင့် ပေးနေခြင်း ဖြစ်သည်။
YOU ARE READING
ပြိုင်ဘက်ကင်းသိုင်း၀ိဉာဥ်(ဟောင်ရှောင်လုံ) Book 1
Adventureပြိုင်ဘက်ကင်းသိုင်းဝိညဉ် သူရဲကောင်းတွေဟာ အချိန်တော်တော်များများမှာအထီးကျန်ဆန်ကျတယ်မလား ။ အထီးကျန်ခြင်းတွေကို ကြံကြံခိုင်ရင်ဆိုင်နိုင်မှလဲ ပြိုင်ဘက်ကင်းအဖြစ် သိုင်းလောကရဲ့ထိပ်ဆုံးမှာရပ်တည်နိုင်မှာပါ။ ကမ္ဘာမြေရှောင်လင်ကျောင်းရဲ့ ကျောင်းတော်သားတယော...
891 - 895
Start from the beginning
