< ជុងគុក! គឺបង...គឺបងពិតមែន..ហ៉ិក!ហ៉ិក!...ខ្ញុំរកបងឃើញហើយ.... >
យ៉ាគីស្រវាទាញកាយក្រាស់មកអោបយ៉ាងណែន រួចនិយាយទាំងញញឹមសប្បាយរហូតដល់ហូរទឹកភ្នែកដោយក្តីរំភើបធ្វើអោយរាងក្រាស់ផ្ដើមវិលវល់ ជុងគុកទាញនាងចេញពីការអោបបន្តិចមុននឹងសួរនាំនាង។
< នេះមានរឿងអីអោយប្រាកដទៅ? ហេតុអីក៏នាងមកនៅទីនេះទៅវិញ? >
គេចាំបានថាកាលពី៧ឆ្នាំមុនបន្ទាប់ពីគេសុំនាងបែកគ្នាបានមួយរយៈធំ គេបានទទួលដំណឹងថានាងបានរៀបការជាមួយសេដ្ឋីវាល់លានម្នាក់ដែលរស់នៅប្រទេសកាណាដា ប៉ុន្តែហេតុអីក៏នាងមកបង្ហាញខ្លួននៅក្នុងប្រទេសកូរ៉េខាងត្បូងដោយសភាពបែបនេះទៅវិញ? ។
យ៉ាគីក៏បានរៀបរាប់ពីរឿងរ៉ាវដែលនាំអោយនាងមកដល់ប្រទេសកូរ៉េខាងត្បូងនេះទៅជុងគុក មូលហេតុដែលនាងមកនេះគឺដើម្បីរត់គេចពីស្វាមីកំណាចរបស់នាងនិងតាមរកជុងគុកដូចគ្នា អេឡិចដែលជាស្វាមីរបស់នាងជាមនុស្សកម្រោលចូល វក់និងល្បែងស៊ីសង លួចមានស្រីញីនៅខាងក្រៅមកផ្ទះវិញពេលណាក៏ស្រវឹងវាយធ្វើបាបនាង ដោយទ្រាំនិងទង្វើព្រៃផ្សៃរបស់អេឡិចតទៅទៀតលែងបាន នាងក៏រត់សម្ងំលាក់ខ្លួននៅក្នុងប្រទេសកូរ៉េខាងត្បូងនេះ ទាំងខ្លួនកំពុងមានផ្ទៃពោះ ព្រោះខ្លាចស្វាមីវាយដំប៉ះពាល់ដល់កូន ប៉ុន្តែជាអកុសលមកមិនទាន់បានមួយថ្ងៃផងក៏ហេតុការណ៍អាក្រក់បែបនេះទៅវិញ។
_______ងឺត!!!!
សម្លេងជាន់ហ្វ្រាំងបន្លឺឡើងនៅពីមុខភូមិគ្រឹះដ៏ធំស្កឹមស្កៃរបស់គ្រួសារគីម រឺឯរាងតូចថេយ៉ុងគ្រាន់តែឮសម្លេងម៉ាស៊ីនរថយន្តក៏រហ័សដើរចេញមកទទួលស្វាមីដូចរាល់ ព្រមទាំងរៀបចំខ្លួនហើយរួចរាល់ទៀតផង ព្រោះជុងគុកបានប្រាប់ថារសៀលបន្តិចនិងមកទទួលគេទៅមន្ទីរពេទ្យព្រមគ្នាដើម្បីពិភាក្សាជាមួយគ្រូពេទ្យរឿងពួកគេចង់បានកូន។
ស្នាមញញឹមស្រស់នៅលើបបូរមាត់តូចផ្ដើមរលត់ទៅវិញមួយរំពេច បន្ទាប់ពីឃើញជុងគុកចុះពីលើរថយន្តដោយមាននារីម្នាក់ចុះមកជាមួយ គេចាំច្បាស់ណាស់ថាស្រីម្នាក់នេះហើយ ដែលធ្វើអោយគេទទួលក្តីអាម៉ាស់បំផុតកាលពី៧ឆ្នាំមុន។
![](https://img.wattpad.com/cover/321908454-288-k411742.jpg)
YOU ARE READING
🔥នរកប្រទានស្នេហ៍🔥( ចប់ )
Romanceថ្ងៃរៀបការ ជាថ្ងៃដែលគូរស្នេហ៍គ្រប់រូបប្រាថ្នាចង់បានជាថ្ងៃពិសេសបំផុតនៅក្នុងឆាកជីវិត ប៉ុន្តែសម្រាប់គូរស្នេហ៍១គូរនេះបែរជាឈរកាន់កាំភ្លើងភ្ជុងក្បាលគ្នាក្នុងថ្ងៃរៀបការរបស់ខ្លួនទៅវិញ....។ ស្វាមីមានស្រី ភរិយាត្រូវសម្ងំយំសោកបោកខ្លួនមែនទេ? នេះសម្រាប់អ្នកផ្សេង...
ភាគទី២៣: អ្នកទី៣
Start from the beginning