" كيف ما احبك وانتي كل ما تشوفه عيوني "

6. The end

غمضت عينها بنعاس ونامت

صحت الفجر تدور عزام بعينها وما لقته
قامت وهي تتمغط للحمام لتصلي الفجر
دخل عزام للبيت ودرف الباب بقوه يدور على رغد
صادفها بالحمام ومسك راسها بيده اليسرى وبيده الثانيه حْمر ويضرب راسها بالمرايه بغضب : فلوس فلووسس!!
بكت رغد بألم بعد ما رماها على الارض وراسها ينزف
طلع عزام ومسك شنطتها ياخذ فلوس وطلع وهو يقفل الباب ، قامت رغد بصعوبه وماسكه المغسله بيد وباليد الثانيه ماسكه راسها الي ينزف وطلعت برا الحمام تدور جوالها بكل الدروج وما لقت الجوال
راحت لم الباب تحاول تفتحه وما انفتح لأنه من حديد!!

واقع

ضمت ام فهد رغد وهي تبكي بحرقه على رغد : دامك ما تبينه ليه توافقين!!
رغد : بسبب مسلط غصب ابوي عارف اني ماراح اقدر ارده
نوره : وليه يغصبك؟؟
رغد ابعدت عن ام فهد وسندت راسها بحضنها : شافني انزل من سياره سعد بسبب اني رحت المستشفى وخالي عبيد الي موصلني بس خالي راح ودق على سعد يرجعني ومسلط فهم غلط وقام يصارخ ويتكلم بشرفي ويوم عرف بعزام اصر الا واتزوجه
تنهدت ام فهد وقومت رغد : روحي غرفتك ونامي ومن بكره كل شي بينحل بإذن الله
راحت رغد ونامت وهي تحس براحه مو طبيعيه من الي قالته امها

دخل ابو فهد ومعه فهد واستقبلتهم ام فهد بتجهم وهي تحكي لهم كل افعال عزام ومسلط ،
ام فهد : وعاد خليتها تروح تنام وترتاح
قام فهد وهو بينفجر من العصبيه ودخل غرفه مسلط بقوه وهو يمسكه مع ياقته : مجنون انت!! كم مره قلت لك لا تتكلم بشرف رغد يا كلب! قلت مشكله واحلها والحين زدتها مشاكل يعني راضي انت راضي الي يصير لرغد غصبتها على ورع مجنون ما يخاف ربه
رماه على الارض بعد ما سحبته ام فهد وهي تبكي تبيه يوقف ،
تدخل ابو فهد وفرق بينهم وناظر لمسلط المرمي على الارض بقهر : اجل هاذي كانت نواياك؟

'

تدخل ابو فهد وفرق بينهم وناظر لمسلط المرمي على الارض بقهر : اجل هاذي كانت نواياك؟
صد عنه بضيق وهو يطلع برا البيت مع فهد لبيت ابو بدر : فهد خلاص بتخلعه وانتهينا
صد فهد بضيق ورفع جواله من اتصلت امواج : هلا بغيتي شي؟
ابتسمت امواج وهمست : تعال البيت روابي عندها مفاجئه
ابتسم فهد بوسط ضيقته ونطق : مشغول ويمكن اتأخر انتبهي لنفسك ولحور وروابي
قفل الجوال بدون ما يسمع رد امواج ووقف السياره عند بيت ابو بدر

نزل من السياره وسند ابوه الي بدا يكبر في السن وضربو الباب الى ان فتح بدر الباب وهو يهلي ويرحب فيهم : يا مرحبا يا هل من جانا
سلمو على بعض واستقبلهم بالمجلس وراح ينادي ابى بدر
اجتمعو كلهم بالمجلس وتوتر بدر من فهد الي شوي وياكله بنظراته : سمو
فهد : جي....
قاطعه ابو فهد ونطق : والله يا ابو بدر وبدر ما شفنا منكم الا زيم بس واحدن من عيالكم اشر علينا وعلى بنتنا الله لا يسامحه
فتح ابو بدر عيونه على وسعها بصدمه ونطق : منّ من عيالي سوالكم شي؟؟
فهد : عزام لا بارك الله فيه حطيت ثقتي فيه انه بيحفظ ويصون اختي في الاخير تجينا وهي مصفوقه من كل جهه والفلوس ماعاد بيدها شي والطقم الي دفعت عليه هي بفلوسها ماخذها الكلب عشان يشرب ويدمن مع بنات الكلب!!
وقف بدر بغضب قدام فهد بغضب ونطق : اخوي ما يسويها لو مدري وش عاد ما ندري حنا من الي كان ينام مع الكلاب اختك ولا اخوي!!!
مسك فهد ياقه ثوب بدر ونطق والشرار يتطاير من عينه : قلبتها على رغد يعني؟!! اجل من اليوم نوره والتوأم محرمين عليك يا مال العله
فلت فهد ياقه بدر ونفث نفسه ورفع نظره لأبو بدر : ماعاد في شي يربطنا فيك لا نوره ولا رغد لواحد من عيالك وورقه طلاق رغد تجيني اليوم قبل بكره ولا المحاكم ما تف...
قاطعه ابو فهد بعصبيه وهو يمسك ذراع فهد : خلاص!!
طلع فهد ووقف ابو فهد قدام بدر : ضنيت فيك الزين بس الله يسامحك ولا يسامح اخوك وطلاق رغد ما نبيها سواء عطيتونا اياها ولا لا خلع يعني خلع
تقدم ابو فهد بيطلع الا استوقفه صوت بدر : العذر والسموحه يا عم بس تكفى الا نوره راضي اجيبلك ورقه الطلاق الحين بس الا هم!!
طلع ابو فهد بدون اي كلمه متجاهل نداء ابو بدر

رفع ابو بدر جواله يتصل على عزام بغضب الكره الارضيه كلها جاب العار له ولعائلته ما يدري وين يحط وجهه قدام ابو فهد مره ثانيه

'