" كيف ما احبك وانتي كل ما تشوفه عيوني "

3. The end

مر شريط حبه قدامه ضحكتها عيونها شامتها كل شي فيها حبه لها مجرد بدايات والله اعلم بالنهايات....

جلس على وضعيته ودمعه ينزل بحرقه حاس روحه جالسه تطلع مو قادر يستوعب!!
تجمعو الشباب عليه مستغربين حالته

ركض فهيد له بسرعه وهو يضمه ويمسح على راسه هو الي قال له يسافر عارف نهايه حبه الي الكل عرف فيه

اما عبيد كانت غلطته عرف وش صار بين رغد ومسلط وعرف نهايه الحب غطى عيونه بعمامته يخفي دموعه على حاله اطفال خواته الي مهما كبر هم بعيونه اطفال بس شوفه رغد بالفستان الابيض خلاه يراجع نفسه مليون مره قبل يناديهم بالأطفال

قام سعد من الارض وجسمه كله يرجف ومسك بيد عبيد ويسحبه بضعف للسياره : ماني مخليها له!!

زواج رغد

نزلت رغد قدام القاعه وماسكه نفسها لا تضعف وتنزل دموعها قدام اخوانها وابوها
دخلت القاعه بأطراف ترجف ودها تصرخ وترفض الزواج نهائياً

دخلت وحده من غرف القاعه تنتظر الميكب ارتست تزينها بعد ما سوت شعرها الي صار ابيض كامل

دخلت نوره بأبتسامه لها : ها الحلوه طاحت ومحد سمى عليها بعد كل ذا الرفض وافقتي
كسرت رغد ونزلت راسها وطلعت شهقه خفيفه سمعتها نوره
تقدمت نوره لرغد وهي ترفع راسها ولاحظه انصدمت من كميه الدموع الي ملأت وجهها : بسم الله شفيك؟؟
رغد : مابي مابي مابييي كذبت اني ما احب سعد بس ما كنت ابي احسب ضن ابوي فيني!!
ضمتها نوره ومسحت على راسها : لا تخافين عزام كويس وحنون صدقيني راح تنسين سعد
رفعت رغد راسها لنوره ويد نوره على خدها : ماراح انساه ولا ابي انساه مابي ذا الزواج!!
تنهدت نوره ومسحت دموع رغد وهي تقومها : نتفاهم بعدين الحين مافي شي اقدر اسويه
طلعت نوره وهي ماسكه يد رغد وودتها لأهلها الي ينتظرونها مع العريس عزام
وقفت نوره وفلتت يد رغد ولبست عبايتها ونقائها بحكم ان عزام برا
سحبت رغد بقوه مصدومه من وقفتها ما تتحرك : رغد!
استوعبت رغد الي يصير وسلمت على اهلها الي راحو الا ابوها

فتح عزام الباب لرغد بأبتسامه مزيفه بس لفتها صوت ابوها وهو ينادي سعد من بعيد