" كيف ما احبك وانتي كل ما تشوفه عيوني "

38

تقدمت رغد لليان وهي تضمها لصدرها وتبكي : مات يا ليان مات ، ضربت ليان صدر رغد وهي تصارخ : انتي السبب انتي السبب ، تجمعو الناس حولهم وابعدو رغد وليان عن الطريق ويحاولون يهدونهم ، اغمى على ليان وبقت رغد تطالع بجثه هادي ، قامت رغد تنفض عبايتها وتوجهت لدوره المياه تغسل وجهها ، طلعت بسرعه وهي تسمع اصوت الشرطه والجمله تتردد بينهم  : الجثه اختفت الجثه اختفت!! ، مشت رغد لهم : ءايش صار لهادي وينه وينه؟؟!! ، الشرطي : تعرفينه؟ ، رغد هزت بأي ونظرها على مكان جثته : اي اخته بالرضاعه ، الشرطي تنهد وطالع لمكان نظرها : عنده خوات ثانيات ولا بس انتي؟ ، رغد بشرود : وحده بس ، سحبها الشرطي للسياره وهو يستجوبها : اختي ليه شارده ، نزلت دموع رغد وجلست تبكي بحرقه : انا الي قتلته انا ، طلع الشرطي وجلست رغد على حالتها الى ان دخلت لين : يا حلوه ليه تبكين؟ ، رفعت رغد نظرها لها وصدت : ما في شي ، ابتسمت لين ودخلت السياره وجلست مقابله لها : ما ادري من انتي وليه تبكين وليه انتي في سياره الشرطه بس هاذا ما يمنعني اني اساعدك واسمح لك تفضفضين لي ، مدت لين يدها ومسكت يد رغد : اعتبريني اختك وقولي لي الي يضايقك ، رغد انهارت بحضنها وهي تشاهق بصوت عالي : حرقت قلب صديقتي على اخوها قتلت اخوها وانا ما ادري خليتها زعلانه مني والحين صارت زعلانه اكثر وما تبي تكلمني.... والحين اخوها مات واختفت جثته وبقت لحالها وانا مجرد قاتله عايشه معها على اساس اني صديقتها ، جلست رغد تبكي وتتكلم ولين تسمعها وتسمح على راسها ، وقفت رغد كلام واخذت نفس طويل ، لين رفعت راس رغد : ماتدرين يمكن خيره...انتي ابدا مالك ذنب انتي ركضتي وهو لحقك والغلط على السائق لأنه اسرع ، رغد : وش اقول لها وش اقول؟؟ اقول انا ركضت واخوك الغلطان لأنه لحقني؟! وبعدين السائق هرب كيف بأقنعها ، لين : صلي على النبي والله يمهل ولا يهمل راح يسوي كل شي بس انتظري ، رغد مسحت دموعها ورجعت تضمها : الله يسعدك ، ليان ابتيمت وهي تبادلها : بسم الله الرحمن الرحيم < إِذْ يَقُولُ لِصَٰحِبِهِ ۦ لَا تَحْزَنْ إِنَّ ٱللَّهَ مَعَنَا ۖ  > ، لين : انا يوم كنت صغيره كنت بشاليه وفي وحده طاحت بالمسبح وغرقت وماتت وانا كنت اناظر فيها مو عارفه وش اسوي

'

لين : انا يوم كنت صغيره كنت بشاليه وفي وحده طاحت بالمسبح وغرقت وماتت وانا كنت اناظر فيها ببرود مو عارفه وش اسوي لأني ما اعرف اسبح ولو نزلت اساعدها بموت انا وهي ومن بعدها الكل صار يناديني القاتله والقاتله وانا صدقت اني صدق قاتله وصرت اللوم نفسي اني انا الي قتلتها بس الله صدق يمهل ولا يهمل صرت اتعلم السباحه عشان انقذ مثل هاذي الحالات وتحديت القبيله كلها واثبت لهم اني تخطيت اللقب ومهما نعتوني بالقاتله ماراح يهتز مني شعره ، رغد : المطلوب؟ ، ضحكت لين : طيرتي جبتهي الله يصلحك بس المطلوب انك بتكبرين وتتخطين معليك ، رغد قامت وطلعت برا السياره : مامنك فايده الصدق ، لين : هاذي جزاتي ، تجاهلتها رغد وهي تتذكر كلامها : يارب اجعل السعاده ترافقها حيثما ذهبت ،

صحى هادي من سرحانه بعد ما ضربه مشاري على بطنه : وين رحت يا الاخ؟ ، رفع هادي نظره لمشاري بحقد : وش مبتغاك مني؟ ، مشاري جلس قدامه وميل راسه : ابد اتعرف عليك ، هادي وقف : سامج ، بعد هادي عن مشاري ودخل الكوخ وهو يقفل الباب وراه : رغد لا تتزوج سعد صدق ، بلع ريقه بخوف : اكيد موافقه عشان مشاري وغيث ما يقتلوني...طول ذي السنوات وانا اتعذب تحت يد غيث وما جا في بالي ان ليان تتعذب من وراي ورغد تتهدد من وراي وعشاني بعد!! ، فز هادي من سمع صوت الباب وهو ينفتح : كيف دخلت؟! ، مشاري رفع المفتاح الي بيده : متوقع اني اسويلك كوخ وما اسوي لنفسي مفتاح احتياطي؟ ، جلس مشاري على الكرسي ويلعب بالمفتاح : احمد ربك طلعتك من عذاب غيث ولا كان الحين مترحمين عليك صدق وعلى طاري الترحم ليه الشرطه ما جلست تدورك يوم خطف غيث جثتك وليه ابوك سامحه؟ ، هادي اخذ نفس عميق : وانا وش دراني دخلت في غيبوبه وما صحيت الا بعد سنتين ، مشاري رفع نظره لثواني بعدها قام : جهزت نفسك بعد اسبوع ولا اسبوعين بخليك تشوفها ، فز هادي بأبتسامه وقرب لمشاري : ابشر ، سكت يطالع لتحت : ادري مستغرب بس ليان فوق كل شي ، ابتسم مشاري ابتسامه جانبيه واخفى ابتسامته قبل هادي يشوفها ، طلع مشاري تارك هادي الي بيطير من الفرحه ،

'

دق مشاري على رغد واعطاها خبر ان هادي بيجي يشوف ليان ، ركضت رغد لليان وهي تتنفس بسرعه : اللحقي اللحقي ، فزت ليان وتوجهت لها : اشبك تركضي ، رغد سحبتها لغرفتها وجلستها : اسمعي اسمعي اسمعي ، ليان : اسمع اسمع اسمع ، رغد رفعت نظرها لها : خلاص عاد المهم ما ابيك تزعلين ولا تنفعلين بس قولي الله واكبر واستمعي لي بدون ما تقاطعيني فاهمه؟ ، ليان بأبتسامه واسعه : ناصر بيخطبني؟! ، رغد ضربت راس ليان وبعصبيه : الحين ذا وش دخله ما علينا منه ولا تقاطعيني مره ثانيه فاهمه! ، هزت ليان بأي وطالعت فيها بأهتمام ، رغد سكتت ما تدري كيف تفتح الموضوع : اسمعي ادري بتنصدمين - حست ليان بضيقه وبلعت ريقها - تذكرين يوم مشاري هددني وقال راح يدمر حياتك - هزت ليان بأي - ، تنهدت رغد ومسكت يد ليان وشدت عليها : ما كان يهددني فيك كان يهددني ب " هادي " وهو حي ما مات والدليل اننا ما دفناه لأن جثته اصلا ماهي موجوده فهادي حي ما مات بس تذكرين غيث هو نفسه الي صدم هادي وهرب بجثته عشان ما يشكون فيه وخالي سلمان سامحهه لأن يمين يسار هي جثه ومات وكل المشرحين والدكاتره قالو مات بس الله سبحانه وتعالى يقدر يحيي الموتى ويميتهم الى ما شاء سبحانه.....ادري كلامي ملخبط بس ربي قدر ان هادي يحيا وما يموت.. ، ما استوعبت ليان كلامها وضحكت : من زمان ما كذبتي ومزحتي وش الطاري؟ ، رغد شدت على يد ليان : ليان ما امزح ولا اكذب ادري انك مصدمه بس حاولي تستوعبين شي حتى انا ما استوعبت يوم مشاري وراني صوره هادي بس ربي كتب كذا ما اقدر اعارض وابكي واصرخ ونفس الشي معك ، ليان دمعت ومسحت دموعها بعنف : خليه يولي ما ابيه حي ميت ما ابيه لو انه صدق مشتاق لي ويبني كان جا لي من زمان ، رغد : غيث كان عازله عن الكل وحارمه من كل شيء وكل يوم يعذ... ، رفعت ليان اصبعها قدام وجه رغد وبغضب : لا تدافعين عنه وغيث كل شيء حطيتيه فوق راسه وش ذنبه المسكين قلتي خطفك وحاول يعتدي عليك وقلتي اعتدى على امواج وخلها روابي حامل والحين تقولين انه صدم هادي واخذ جثته و عذبه؟....تكذبين علي انتي؟ ترا منجد زودتيها كل شوي غيث وغيث حتى سعد الي بيصير زوجك ما ناديتي اسمه مثل ما ناديتي اسم غيث ، عصبت رغد من كلامها وضربتها كف : هاذي جزاتي وانا ضحيت بكل شي عشانك؟؟