" كيف ما احبك وانتي كل ما تشوفه عيوني "

18

لغرفتها و انسدحت على السرير وناظرت جوالها بملل وهي تفتحه لثواني وقفلته

الساعه 6:45

ليان بصوت عالي : قومي يلا الساعه 7 الا ربع قومي
رغد : طيب طيب
شالت ليان البطانيه : بتاخذين سنتين بطلع ثوبك
مسحت رغد عيونها : طيب طيب
ليان وهي تفتح الدرج تطلع فستان : تكلمي زي الناس وقومي غسلي وجهك
قامت رغد وراحت تغسل وجهها وطلعت لليان : وين ثوبي
ليان وهي تأشر على فستان بنفسجي : هاذا
رغد بأستغراب : رايحه عرس طلعي ثوب ثاني
رجعت ليان الفستان : صح لو لبستيه بيحبك اكثر
طلعت ليان بلوزه ازرق فاتح عشان البرد تنوره بيضاء وشرابات زرقاء فاتحه وجوردن : ذا زين؟
هزت رغد راسها بمعنى اي وطلعت ليان
لبست رغد و رفعت شعرها لفوق : كذا زين؟
ليان : تجنين مشاء الله امشي يالله الساعه 7
لبست رغد جاكيت ابيض طويل للركبه وطلعت وهي تمشي
الهنوف من بعيد : ليه ما لبستي عبايتس؟
رغد : قررت انزلها ما ابي سمعه اهلي تروح عشان عبايه
الهنوف بأستعجال : الله يوفقتس مع السلامه مستعجله
رغد : الله يستر عليك
الهنوف : وياتس
رات الهنوف وكملت رغد مشي الين وصلت للحديقه وجلست على وحده من الكراسي

ونفخت على يدها تدفيها من البرد
نايف : تأخرت عليتس؟
نزلت رغد يدها واشرت له يجلس : لا
ناظرت رغد فيه من شافته متكشخ وحزنت عليه ما يدري انها بتعترف له يتركها مو بحبها
كان لابس ثوب بني شتوي و لابس معه فروه خفيفه و عمامه بيضاء ولابس ساعه ذهبيه وكبك بني غامق مع ذهبي
نايف : شبغيتي؟
ما حبت رغد تكسر بخاطره وقررت تمهد له الموضوع : شوف ما ادري كيف ابدا الموضوع لكن انت تعرف ان فاهد وومعيض و انت تحبوني ما يحتاج تنكر لأن الكل عارف فعشان امهد لك الموضوع ابيك تبعد عني
انصدم نايف وكأن احد طعنه بظهره : ك كيف يع عني؟
رغد بشفقه : اسفه بس ما ابي ادخل في علاقات حاليا فاتمنى تبعد عني
وكملت بتصريفه : انا مو قصدي اني ما احبك قصدي اني ماراح ادخل علاقه حب مع اي احد الى الين اقرر بنفسي واشوف اذا انا جاهزه ولا لا و اذا قررت بكلمك لكن حاليا ابعد عني
سكت نايف جزء منه مستانس انها ما تكرهه وجزء منه زعلان انه بيبعد عنها : ابشري
قامت رغد بتروح لكن وقفها صوت نايف : احبك
لفت رغد عليه و ابتسمت

'

وبكذب عشان ما تجرحه : وانا بعد
راحت للبيت اما نايف الي صرخ بفرح

وكل ذا تحت انظار سعد الي تقطع قلبه بعد ما عرف ان نايف يحب ليان وليان تبادله الشعور نفسه وراح للبيت وهو شوي وينهار بس مسك نفسه عشان ايش ( عيب الرجال يبكي ) وانسدح على الكنب تحت استغراب الهنوف : فيك شي؟
سعد بغصه : لا
جلست الهنوف عن راسه وناظرت فيه : كذاب فيك شي قول انا عندك؟
نزلت دموع سعد : توي ادري اني قاعد احب من طرف واحد
انصدمت الهنوف بس اكتفت انها تبوس راسه عارفه انه ما يحب يفضفض : من الي تحبها؟
مسح سعد دموعه الي نزلت لا شعوريا : انسي اني كلمتس و بكيت عندتس
وقام اما الهنوف قلبها عصرها ما تحب تشوف سعد زعلان او متضايق خاصه ان مر بأشياء كثيره بس مع ذلك مستمر و مانزلت منه دمعه وحده بس اليوم بكى عشانه يحب من طرف واحد
زفرت بضيقه تحاول تعرف من الي يحبها سعد وقامت تنام عشان بكره جمعه
ولازم تقوم بدري