اما عند رغد كانت منسدحه والبنات حلوها
ليان بخوف على رغد : رغد انتي بخير؟
رغد بتنفس بسرعه : اي
الهنوف : كذابه شفيتس تتنفسين بسرعه؟
حصه : رغودي اذا تبين شي حنا عندك آمري؟
رغد بأشاره لشنطتها : عطوني عبايتي والبخاخ ( حق الربو )
ساره : وين بتروحين؟
رغد بهدوء : للبيت
الهنوف : بتصل على سعد يوديتس مافي احد غيره
ليان بسرعه : بجي معك
نوال : حنا بنجلس
ميرال : طمنينا عليتس اذا وصلتي
رغد وهي تستنشق البخاخ : طيب
لبست رغد عبايتها ونفس الشي مع ليان اما الهنوف راحت تدق على سعد
الهنوف : سعد وينك؟
سعد : برا بغيتي شي؟
الهنوف : ابيك توديني انا وليان ورغد لبيت خالتي عنود
اول ما سمع سعد اسم ليان قام علطول للسياره : خلاص انا في السياره
الهنوف : طيب
الهنوف لرغد : قمرا سعد يقول طيب
رغد لليان : جهزتي؟
ليان : اي
راحو الثلاثه لسعد الي ينتظرهم برا بالسياره
مسكت ليان يد رغد ودخلو للسياره ورا اما الهنوف قدام مع سعد وطول الطريق ساكتين
سعد عشان يغير جوهم : شاريكم ناخذ تمشيه مع الدرب؟
الهنوف كانت بتوافق بس سكتت عشان تعب رغد : لا لا رغ...
فهمت رغد ان الهنوف تبي تتمشا : لا عادي داريه انك تبين تتمشين وانا ماني تعبانه حيل
الهنوف : كفوووو
ناظر سعد لليان يحسبها رغد لأنه ماركز لصوت رغد كثير : شتبون اشغل لكم
ليان بهدوء : الي تبون
خلا سعد ابو نوره يوصف شعوره لليان بذي الابيات وقعد يناظر رغد على امل انها تتذكر الي صار بينهم وهو للحين ما يعرف ان الي شافها رغد مو ليان :
كان حلمي ذا اللقا
واليوم بالصدفه التقينا
ويا هلا بك يالصدف
شفتك وراح الشقا
وغردت الاشواق فينا
ونبضنا الوافي عزف
كان حلمي ذا اللقا
الهنوف بشهقه : وييي من متى تحب يا حمار!!
تحب وما تعلم اختك الي من شحمك ولحمك
سعد بطفش : ايييههه جاني مشاري الثاني كم مره اقول ما احبببب تراها بس اغنيه ما فيها شي!!
الهنوف بتربيت على كتف سعد : اذا كنت تحب علمني اخطبها لك
سعد : يمه شفيك تشبهين كلام مشاري
الهنوف : ايش تقصد بكلامك ده؟
سعد : مشاري قالي اذا كنت تحب علمني اخطبها لك لهدرجه تتشابهون
الهنوف : الله زوجني!
سعد : انثبري بس
الهنوف : قمرراا شوفيه يسبني
رغد بضحكه اخذت قلب سعد : لاتسبها
سعد بدون وعي : ابشري
شهقت الهنوف وانهارت رغد ضحك هي وليان
سعد بضحكه من ضحك ليان : شذي الضحكه
الهنوف وهي تصفق سعد : ابشري ها يا قليل الادب
سعد وهو يضحك : والله بدون قصد قسم بالله
رغد بأبتسامه : خلاص خليه يابنت الحلال كلنا نجيب العيد
ناظر سعد رغد وليان وما عرف يفرق بينهم الا من عيونهم رغد يحسبها ليان و ليان يحسبها رغد
'
انتبهت ليان لنظرات سعد لرغد بس ما علقت
ليان بصوت خافت : قمرا
رغد بهدوء : هلا؟
ليان : شرايك نعكس اماكنا يعني انتي تتكلمين كأنك انا و انا بتكلم كأني انتي؟
سعد لالهنوف : الحين قمرا من؟
الهنوف : خمن من هي؟
سعد : ليان؟
رغد : وي شعرفك بأسمي
الهنوف بصرامه : جاوببب
سعد : اصلا ابو هادي جاء اليوم وقعد يعلمنا عنها
رغد : ياعمري بابا
فتحت الهنوف جوالها وراسلت رغد
الهنوف : شفيتس تتكلمين كأنتس ليان؟
رغد : قررنا انا وليان نعكس الادوار انا اصير هي وهي تصير انا
ضحكت الهنوف ولف عليها سعد مستغرب : شفيتس؟
الهنوف : مالك دخل اسرار بنات
ليان وهي مضخمه صوتها : قناة اسرارنا على اليوتيوب
رغد وهي تضحك : شتحسين فيه؟
الهنوف بصرامه لليان : متعاطيه صح!
رغد وهي للحين تضحك : متعاطيه سنتوب حار
ليان : اح حسيت بالطعم
الهنوف بزعل : شفيكم على سنتوب تراه حلو
رغد برفعه حاجب : اتذكر كان يجيبلي حرقان في نص الحلق
الهنوف بتأييد : صادقه!
ليان : مانك قبل شوي قايله حلو؟
الهنوف : كنسلت عشان قمراي
ابتسمت رغد وناظرت للمرايه وشافت سعد يناظر فيها : نظراتك تخوف الصراحه
سعد بتقليد للهنوف : مالي دخل اسرار بنات
الهنوف : وش دخل وبعدين يا حمار صوتي مو كذا!
سعد بتنهيده طفش : تبون كوفي
ليان بحماس : قدام وعلى حسابي بعد
سعد بهزه راس : رغد متأكده انتس بخير؟
ضحكو البنات بعد ما عرفو ان المقلب ضبط
ليان وهي للحين تضحك : في ذمتك ما تعرف تفرق بيني وبين ليان؟
سعد : والله مدري من رغد ومين ليان سبحان الله من الصداقه صرتو تشبهون بعض
الهنوف : 20 سنه مع بعض وش تتوقع؟
سعد بتذكر لكلام حمزه : الضاهر اني سمعت عمر يمدح برغد
شهقت رغد وناظرت سعد بصدمه : وجع
قرصت الهنوف رغد لا تخرب المقلب : وجع وش دخلتس انتي قلنا رغد ما قلنا ليان
ليان : الله وش قال؟
سعد : قال رغد مشاء الله واجهت كل اعمامي و خوالي عشان عبايتها ونقابها انشهد انها بنت رجال صدز
ليان بخجل : الله استحيت
رغد بطله لسعد من الشباك : وانا؟
سعد بتذكر : مسلط دافع عنتس عشان عبدالله قال ان رغد بنتزل الحجاب طرق ورا خشمها
رغد بفضول : وش قال؟
سعد : قال حتى ليان مو عشان ما عندها اخ سند لها تنزله لا والله ما نخلي اختنا
جلست ليان بغصه وما تنكر انها تضايقت كثير من طاري اخوها لكن فرحت لأن على الاقل عندها اشخاص يعتبرونها اختهم نفس مسلط و فهد الي سندوها من اول ما انولدت
رغد بتصريفه عشان ما يشك : الله يخليه لك يا رغد
ابتسمت ليان وهي تشوف صمله رغد و الهنوف على المقلب
وقف سعد عند المقهى ياخذ طلبات البنات : وش تبون اجيب لكم بسرعه جوعان
أنت تقرأ
" كيف ما احبك وانتي كل ما تشوفه عيوني "
Short Storyالسلام عليكم انا الكاتبه رعد آل فيصل شخصياً وهذا حسابي انستا : Xilm1_3i جيتكم بأول روايه لي " كيف ما احبك وانتي كل ما تشوفه عيوني " للبطلين سعد & رغد واتمنى تنال اعجابكم والروايه موجوده في حسابي الانستا اذا ودكم تقرأونه هناك وعالعموم ما...
