" كيف ما احبك وانتي كل ما تشوفه عيوني "

29

طالعت رغد فيه ونزلت نظرها للأكل : نفسيه باكل خلاص ، استغرب سعد منها وتذكر البنج الي اخذته وضحك بخفه وهو يناولها الملعقه : هاتس اكلي ، ناظرت رغد يدها ورفعت نظرها لسعد ، سكت سعد ومسك الملعقه وهو يلقمها : افتحي فمتس عاد ، فتحت رغد فمها وسعد كل شوي يلقمها : شوي شوي خلني ابلع لقمتي شفيك لاني طايره ، حط سعد الملعقه وقام من جاه اتصال من فهد : وين رغد؟ ، سعد : في المركز معي ، فهد سكت شوي ونطق : ليه خذيتها انت كان ناديتني انا ولا مسلط ، سعد : مطولين والبنت مغشي عليها والعيال ماهم بحولها كلهم عند سالم ، هز فهد بالإجاب وقفل الخط ، رجع سعد لرغد لقاها تطالع التلفزيون وناظر الساعه مايدري كيف مر الوقت بسرعه كل شي صار بلمح البصر ، دخلت الدكتوره : خلاص تقدر تاخذها البنج راح منها ، هز سعد راسه بطيب والتفت لرغد : قومي يله بنرجع البيت ، ما ردت رغد وقامت من السرير ولبست عبايتها وطلعت مع سعد للسياره : وش سويت يم كنت مبنجه لا يكون جبت العيد ، سعد بتقليد لصوتها : مابي مو حلو . ازعل عادي . قلت مابي ، تفشلت رغد ولفت للجهه الثانيه ، ضحك سعد وتذكر او مره شافها فيه وقرر يعبر عن مشاعره اتجاهها بأغنيه :

ترا راعي الهوى مفضوح
صحيح النظره ما تكفي
من الآلام ما تشفي
ولكن عذرنا الحاضر
نراعي الوقت و الخاطر
مادام النظر مسموح
اشوفك كل يوم واروح
عسى النظره ترد الروح

في البدايه رغد ما فهمت ولا حتى ركزت في الكلمات كل تفكيرها عن رحلتها لسويسرا بكره ، سعد حس انها ما انتبهت وتنهد يطالع فيها متى تفهم انه يحبها يبيها تعرف انه عشقها من اول نظره ، سعد : تعرفين تشعرين اسمعهم يقولون رغد شاعره؟ ، هزت رغد بأي : اي اعرف ابدأ اول نبي غزل نشوف مستواك بالرومانسيه ، سعد تذكر قصيدته لها اول ما عرف انها تحب نايف وقرر يقولها :

ما هقيت التقي فيك يا قمرا قلبي و دنياي
حتى احلامي عجزت تلمحك ياحبي الي ما ينتهي

اشوفك كل يوم في ظل عيوني تضحكين
وافدي لك روحي لذي الضحكه جعلها تدوم

واليوم اشوفك تحبين ، تحبين غيري ياقمراي؟
كيف اتحمل فرقاك وعيني تجفاك طول ليلي

وسهرت عيني و كثرت الليالي لعل اشوفك صدفه
وش ذنب قلبي يوم حبك وش ذنبي انا الي عشقتك

وانتي ما دريتي عني وانا واقف قدامك تلاحظين
ما همك حبي ماهمك قلبي الرهيف الي ينتظرك

كل يوم وليله يناديك ويحترق اذا ما رديتي؟
بس احبك ياروح المليف الي حبك و عشقك

رغد عقدت حواجبها بأستغراب : وي حتى انت تحب لا جيلنا ذا خراب ، سعد برفعه حاجب : مشاء الله جيلنا ذا صار يقتل كثير ، ضحكت رغد بخفه وطالعت ليد سعد : من الي تحبها والله ما اعلم الهنوف ابي اضبط نفسي معها تعطيني من توزيعات عرسكم

'

ضحكت رغد بخفه وطالعت ليد سعد : من الي تحبها والله ما اعلم الهنوف ابي اضبط نفسي معها تعطيني من توزيعات عرسكم ، سعد بهدوء : اسمها يبدأ بحرف الراء ، رغد : رفيف ريفان رسيل ربى ريفال ريم ريما راما روما رغد؟؟ ، سعد : كلهم خطأ الا وحده صح ، رغد بفضول : تكفى من ريفان ولا ربى؟ ، سعد ، خطأ لا تحاولين ، رغد بعناد عدلت جلستها وبكذب : خلاص هاذي جلسه اعتراف انا احب واحد وهو يحبني وخاطبني سر ما بيننا عشان اخليها مفاجئه بعد ما اخلص دراسه ، فز سعد لها يحاول يتدراك صدمته : تحبين وخاطبه بعد؟! ، رغد ابتسمت وقلبت عينها للطريق : اي واذا ما تصدق اسأل فهد ، شد سعد على يديه وتذكر كلام نرجس " اعترف لها ترا بتروح من يدك الكل يحبها " ظل طول الطريق يطالعها وهي على الجوال تضحك وكل ضحكه منها تزيد وجع قلب سعد : من ذا؟ ، رغد : خطيبي ، شد سعد على الدركسون وقلب وجهه لطريق بقهر كل ما جا بيعترف يجي واحد من العدم ويكون يا يحبها او تحبه والحين خطيبها ، رغد كل شوي تطالع فيه تستغرب عصبيه سعد ، كانت تكلم فهد وتضحك وتكذب على سعد انه خطيبها ، وصلت رغد للبيت وما احتاجت تتكلم لأن الشرطه فهمتهم الخطه قبل فدخلت غرفتها ونامت ،