" كيف ما احبك وانتي كل ما تشوفه عيوني "

25

هز ابو بدر راسه ولف على ابو مشاري : خلاص عاد البنت لها رأي بكل شي الخطبه و الملكه و العرس هي تختارهم باسل موافق ، باسل : و الشوفه الشرعيه؟ ، ابو مشاري : الحين ولا بكره لو تبون ، باسل : خلاص الحين لأن بكره عندي اجتماع عمل مهم ، ابو مشاري : خلاص مشاري روح لعفاف تتجهز ، لف على باسل : وش وضيفتك يا ولدي؟ ، ابتسم باسل لكلمه يا ولدي ونطق : انا نائب الرئيس عمران لفرقه الطيران H وراتبي لو تسأل 250 الف ، ابو مشاري : والله زين و انا ابوك كنت ناوي اوضفك عندنا بالشركه لو تبي ، باسل : شركه وش؟ ، ابو مشاري : شركتين لأبوي وعمي شركه NYSANE و RPS ، باسل : مشاء الله ، دخل مشاري : ابوي عفاف في الصاله الثانيه ، هز ابو مشاري راسه ولف على باسل : عروستك هناك دله يامشاري قام مشاري و لحقه باسل اما ابو مشاري جلس يكلم ابو بدر ويسأل عن باسل اكثر ، عند عفاف لبست فستان خفيف علاقي وماله اكمام زيتي وشعرها كيرلي ( طبيعي ) وميكب خفيف و جالسه على الكنب متوتره وكل ما تتذكر كيف عرفو بعض تضحك الين دخل مشاري : اخاف يشوف و جهتس وينحاش ، كشت عفاف بوجهه و عدلت جلستها ، طلع مشاري ودخل باسل : الله عفاف يا حلوك ، ضحكت عفاف و رفعت راسها له : وجع مفروض نكون رسميين ولازم تستحي بعد ابي الجو رومنسي اطلع وادخل من جديد بسرعه ، طلع باسل ودخل من جديد وتوجهه يبوس يدها : مرحبا يا اميرتي ، انهارت عفاف ضحك وهي تناظر فيه : مو كذا الله يصلحك ، باسل جلس جنبها وتربع وعفاف مثله : نلعب حجره ورقه مقص والي يفوز يعطي الثاني بوسه موافقه؟ ، عفاف : موافقه ، باسل و عفاف : حجره ورقه مقص ، حطت عفاف ورقه و باسل مقص : قصيتك يلا عطيني بوسه ، جت عفاف بتبوسه الا وتعطيه كف : كل تبن خكري ، تنهدت ونطقت : انت طالق ما ابي خكري ، باسل : هي ذي حقتنا اصبري ، عفاف : خلاص انقلع ، باسل : نلعب مصارعه؟ عفاف : لا ، طلع باسل 500 من جيبه : بعطيها لك تصارعيني ، عفاف : قدام ، قام باسل وعفاف قدامه : كونفو باندا ، باسل : مو كونفو نبي مصارعه نفس روماريز وجونسينا ، ربطت عفاف شعرها وباسل ربط ثوبه ، دخل مشاري وشافهم يتصارعون ، طلع مشاري جواله وصورهم : تتربون بعز بعض ، لفت عفاف عليه بفشله وصفقت باسل : الله يفشلك كله بسببك ، اخذت الخمسميه وطلعت لغرفتها اما باسل تفشل من مشاري ونطق : مالي دخل هي الي قالت نلعب مصارعه والي يفوز ياخذ خمسميه وبعد يوم دخلت قالت صير رومانسي عشان اتزوجك ، ضحك مشاري وربت على كتفه : ما استغرب هاذا منها ما تشوفني فرحان طول الوقت عشاني بفتك منها هي جن مو انس
باسل : بذي اتفق معك ، ناظر جواله من جاه اشعار من ابو بدر : مع السلامه ، طلع باسل وابو بدر اما مشاري نزل الصوره ( حقت عفاف وباسل ) ستوري كاتب عليها عرسان ويتصارعون ،

عند رغد وليان

رغد : ليه نايمه؟ ، تذكرت ليان الي صار لها مع ناصر وغطت وجهها بأحراج : ولا شي ، رغد بشك : كذابه وش صار؟ ، ليان حكت كل شي لرغد : وبس ، شبكت رغد اصابعها ببعض : كيوت كل ذا وما حبيتيه؟ ، ليان : اكذب لو قلت لا ، صارخت رغد بحماس وحضنتها : اخيرا يا ليان اخيرا بتلقين لك سند من بعد هادي ، ابتسمت ليان وبادلتها الحضن : الله يرحمه بس لا تستعجلين ممكن ما يحبني؟ ، رغد كشت بوجهها : غبيه انتي كل ذا وما يحبك؟ ، ليان غمزت لها : وسعد بشري ، رغد : مافي شي جديد الا انه قال شنبه مخقق البنات بس ، ضحكت ليان وربتت على كتفها : عوافي ان شاء الله اشوف عيالكم وتجيبين توأم بنات ليان والهنوف ، ماردت رغد وطلعت جوالها تشوف اشعار ستوري من مشاري : شوفي شوفي عفاف ، طالعت ليان وتشوف عفاف تتصارع مع مشاري ونطقت بضحكه : عرسان ويتصارعون ياربيي اطفالل ،