" كيف ما احبك وانتي كل ما تشوفه عيوني "

15

الهنوف وهي تضم رغد : ياعمريييي كيووتت
رغد بتفكير : امم طيب لو انا ناديتك انتي وبنتي بتقولون ها و نفس الشي معك لو ناديتيني انا و بنتك بنقول ها
الهنوف : مافهمت بس بالطقاق

عند امير و معيض و سعد وفهد
رفع معيض يده يوريهم الخاتم : عطيتها خاتم زي كذا
فهد وهو يصفق : بزوجك اختي بدون مهر دامك تحبها كذا
امير لمعيض : ليه عطيتها الخاتم؟
معيض بأبتسامه ثقه : عشان اذا افترقنا وراحت لسويسرا نفس كل مره ما تنساني ولا انا انساها
سكت فهد ما يبي يقوله ان ما بقى شي ويسافرون لسويسرا
سعد : انا الي بمسك يدك في الزفه
طق فهد راس سعد : من علمك بذي السوالف؟
هز سعد كتوفه بمعنى ما لي دخل : نايف علمني
امير برفعه حاجب : طيب لي تهز كتوفك؟
معيض لسعد : معليك منه غبي
امير بصدمه : يحمار تتخلى عني؟!
فهد بصوت عالي : خلاص انت وياه تعالو معي البقاله
قامو العيال و ركبو مع فهد السياره وراحو للبقاله
رغد للهنوف بزعل : خير ليه يروحون ويسحبون علينا؟!!
الهنوف : معليه مشينا نروح لعسيب نشتري
رغد : لا لا هو عصبي خلنا نروح لبقاله المحطه تراها قريبه وفيها حليب موز جاهز
الهنوف : قدام
مسكت رغد يد الهنوف و مشو للمحطه
تذكرت رغد كيف كان معيض يمسك يدها وياخذها لبقاله المحطه بالسر عشان اهلهم ما يكشفونهم
الهنوف بغمزه : لا يكون تفكرين بالحب؟
رغد : اي
الهنوف بصرخه حماس : الله ابيكم تتزوجوووننن بسرعه ما اتحمل
رغد برفعه لحواجبها : تونا يا الاخت باقي لنا خمس سنوات نتخرج انتظري
الهنوف : عادي تزوجي الحين ما فيها شي
رغد : لا ذا زواج قاصر ترا حنا مو في زمن الجاهليه؟
الهنوف بأستبعاب : اف ابي اكون اخت العروس متى تتزوج شروق
رغد : نصيبها مو شرط تتزوج الحين
لمحت رغد البقاله وكملت : بس نصيبنا نشتري من البقاله
ركضو البنات للبقاله و اشترو الي يبونه بسرعه
الكاشير : الحساب 57
سعد من ورا الهنوف : هاك
دفع سعد تحت انظار رغد والهنوف المستغربين
سعد لرغد بعصبيه : ياويلتس من معيض عانيه مشتط يدورتس
سكتت رغد ومشت مع الهنوف وسعد للبيت واول ما وصلت استقبلها معيض بكف احمر خدها
بكت رغد مو من الوجع الا من الخيبه
هاذي اول مره معيض يضربها : ليه؟
معيض بعصبيه : وينتس من ساعه ادورتس ما تعرفين ان في عيال ما يخافون ربهم ما تدرين وش بيسوون فيتس؟؟!!
رغد بشهيق : بس....بس الهنو...ف..م.معي
معيض بصراخ : وحتى لو ممكن يمسكونها معتس؟
رغد بكت اكثر من صراخه : ما احبك ما احبك!!
ماقوام معيض دموعها وكان بيعتذر بس انصدم من كلامها : نعم ؟ ماتحبيني؟
مسكها بكتفها : مانك قبل شوي قايله احبك؟؟ وين حبك لي ها؟

'

رغد وهي للحين تبكي : ابعد عني!!!
سكت معيض ماتحمل بكاها وراح لبيته اما رغد قومتها الهنوف وراحو للغرفه
ضمت الهنوف رغد من الجنب وبدت تمسح على راسها : خلاص ممكن كان خايف عليتس من العيال؟
رغد وهي بنفس حالتها : بس ما يضربني!
الهنوف بشفقه : خلاص خلاص بكره بيجي ويعتذر معليتس اهم شي ما تبكين دموعتس غاليه
سكتت رغد ومسحت دموعها : طيب
الهنوف بتشجيع : ايوه ايوه شفتي تخطيتي بسرعه معليتس منه