" كيف ما احبك وانتي كل ما تشوفه عيوني "

3

- السلام عليكم انتي رغد حسين آل فيصل؟
رغد : اي من معي؟
- انا معيض ولد عمتك ديمه
رغد بصدمه : خير وش تبي ومن وين جبت رقمي؟!!!
معيض بهدوء : خذيت رقمك من امي
رغد : عمتي ديمه؟
معيض : اي يعني من امي؟!
رغد : والله لو اشوفك داق علي مره ثانيه اقسم بالله لا ابلغ عليك
معيض : يابنت استهدي بالله
رغد : يخي ابي اعرف ليه ناشب لي
معيض : انتي ما تفهمين لي ثمان سنوات اقولك بس انتي ما تبين ليههه؟؟!
رغد : مو غصب بعدين انت راقب تصرفاتك شوف انت وش تسوي وتقول لي ليه!!
معيض : وش سويتتت
رغد بصراخ : من اول ما عرفتك و انت ناشب لي وبس تدق علي و تاخذ سنابي مع اني بلكتك اكثر من مره بس ما تفهم ولا بعد تدخل علي عشان تشوفني وتقول لي وش سويت!!!!!
معيض بنفس الصراخ : لأني ا......
قفلت رغد الخط وهي واصله معها

جت ليان وشافت رغد معصبه
ليان : هي وش فيك
رغد : عمتي ديم معطيه رقمي لمعيض
ليان : ياخي ذي متى تعقل
رغد : مشكلتها انها تحب معيض اكثر من اي شخص
وتسوي الي ما يتسوى عشانه
ليان : وباقي تسمينها عمه؟
رغد : الله ياخذهم
ليان : آمين
رغد : يلا مشينا بس
دقت ليان على ابو هادي وراحو للبيت
اول ما وصلو راحت رغد للغرفه و نامت على طول
ليان : شفيها ذي نامت
ابو هادي : ما الومها تبي ترتاح لكم خمس ساعات تمشون في المول
ام هادي : احسها زعلانه صار لكم شي؟
ليان بتنهيده : معيض ولد عمتها ديمه داق عليها و لا بعد ازيدكم من الشعر بيت عمتها ديمه هي الي معطيته رقمها
ام هادي : لاحول ولا قوه شفيها ذي مريضه
ليان : اي والله مريضه
راحت ليان للغرفه وضحكت على شكل رغد الي راميه عبايتها جنبها ولا رتبت اغراضها
رن جوال رغد و اخذته ليان و ردت
ليان : من معي؟
معيض : انا معيض من انتي ووين رغد
ليان بعصبيه : لو اشوفك داق على رغد مره ثانيه والله ما تشوف خير
ام معيض : خير انتي ليه تهرجين مع ولدي تسذا ووين رغد الكلبه
ليان : ياويلك ان سبيتيها مره ثانيه
قفلت ليان وفهمت ليش رغد ما تحب معيض ولا معطيته وجه من اخلاقه الوصخه هو وامه

صحت رغد ولقت ليان قايمه
ليان انتبهت لها وضحكت : والله ماهي نومه
تمغطت رغد : ليش؟
ليان : لك يومين نايمه والحين كملتي اليوم الثالث
فزت رغد تتوضى وتصلي صلواتها الي فاتتها : ليش ما صحيتيني
ليان : تحسبين اني ما جربت؟ حتى امي وابوي ما قدرو يصحونك لدرجه حسبناك متي
رغد : اعوذ بالله
ليان : صلي صلي وانزلي افطري امي خايفه عليك
صلت رغد كل صلواتها و جلست تستغفر الين جتها ام هادي : فيك شي تعبانه اوديك المستشفى
رغد بأبتسامه : لا معليك ياخاله بس تعب بسيط ولأني ما نمت زين الايام الي راحت

'

ام هادي : بسم الله عليك تعالي افطري

تعالي افطري
نزلت رغد شرشف الصلاه و رفعت سجادتها و راحت مع ام هادي
رغد : صباح الخير
ابو هادي : حسبي الله على ذي الاسواق
رغد بضحكه : ليش؟
ابو هادي : شفتي شكلك ولا لا كأنك ميته بعيد الشر نحركك يمين يسار ما تقومين
رغد : والله عاد اذا تعبت ونمت ما يقومني الا رب العالمين
ليان : انشهد
ام هادي : افطري افطري
افطرت رغد بس تذكرت ان باقي اسبوع وكم يوم و تروح الديره : لحظه عندي فكره
ليان وام هادي و ابو هادي : وش
رغد بحماس : شرايكم نروح الديره اليوم!!!
ليان : وش طرا عليك؟
رغد : والله فكره حلوه قبل شوي كلمت فهد وقال ان خوالي و اعمامي بيجتمعون في المزرعه و جا في بالي نفاجئهم
ابو هادي بتأييد : فكره حلوه اجل تجهزو وانا بحجز طياره للرياض
ليان : بس ديره رغد مو في الرياض
ابو هادي : صح بس انها قريبه من الرياض
ام هادي : اجل تجهزو
رغد : اجل انا بكلم فهد يستقبلنا
كلهم : تم
راحو يجهزون اغراضهم متحمسين الا رغد الي ما كانت تبي تروح اصلا بس ما كانت تبي تكسر كلمه ابوها و ما تخرب وناسه ام هادي وابو هادي و ليان