" كيف ما احبك وانتي كل ما تشوفه عيوني "

1

لفت على صوت ابوها وهو يناديها : لبيه
ابو فهد : لبيك حاجه تعالي ابيك بموضوع
قامت من السرير و طلعت لأبوها في الصاله
رغد لأبو فهد : وش بغيت
ابو فهد : اجلسي اجلسي
توترت رغد لأن هاذي اول مره ابوها يكلمها وهو ضايق
جلست رغد قدام ابوها بهدوء
ابو فهد : شوفي رغد ادري انك ماتبين تروحين الديره لكن هذا خارج سيطرتي
سكتت رغد من طاري الديره الي جاء فجأه بدون سابق انذار : شوف يا ابوي ادري انك تبيني اروح الديره لكن والله معاد اطب رجلي فيها
ابو فهد : يابنتي الله يخليك لي اقعدي لو اسبوع اعمامك يبون يشوفونك منزمان ماشافوك و جدتك نبي نزورها كم يوم
تنهدت رغد تنهيده طويله وراحت باست راس ابوها : ابشر بس بقعد هنا اسبوعين عند ليان عشان اودعها
ابو فهد ببتسامه : وش رايك ناخذ ليان معنا للديره؟
لفت رغد بصدمه لأبوها : مستحيل توافق حتى ابوها وامها ماراح يوافقون!!
ابو فهد بأستغراب : ليه اكيد بيوافقون ماتذكرين يوم رحنا الديره وهي معنا؟
سكتت رغد لثواني ونطقت : طيب بس متى بتروح؟
ابو فهد : اليوم بنروح انا و امك واخوانك اما انتي اقعدي عند ليان اسبوعين بعدين بروح اجيبكم للديره
رغد قامت من الكرسي : اجل انا بكلمها و بجهز اغراضي عشان اروح عندها
ابو فهد وهو يقوم بعد : خلاص انا بكلم امك واخوانك يجهزون اغراضهم

راحت لغرفتها وطلعت شنطه السفر
حطت الشنطه على الارض و فتحت درجها
ناظرت لملابسها وهي تفكر وش تاخذ ووش تترك لأنها تعرف وش بيقولون عنها
بعد صراع في نفسها مابين تاخذ اغراضها او تتركهم
اخذتهم و حطتها في الشنطه....
اخذت شنطه صغيره وحطت فيها شوي من كتبها و دفتر الشعر حقها
انفتح الباب : خلصتي؟
لفت تشوف من عند الباب : اي خلصت
فهد : اجل الحقيني للسياره
رغد وهي تشيل شناطها : طيب
عاونها فهد وشال شناطها عنها
وراحت للصاله عشان تودع امها و ابوها
ام فهد : ما تنوين تروحين معنا؟
ابتسمت رغد : لا يا يمه الله يخليك لي بقعد اسبوعين عند ليان وبعدين بجيكم انا وهي
ابو فهد وهو يبوس راس رغد : اجل لا تطولين علينا اسبوعين و بس
باست رغد راس امها و ابوها وقامت تروح لمسلط : ابشري وانت اهتم بأمي و ابوي الين اجي
مسلط : ليه حسستيني اني الوحيد الي هنا ترا نوره و فهد عندنا
رغد وهي تضحك : بس لازم تعتمد على نفسك و تحس بالمسؤولية
مسلط : ان شاء الله بس انتي اذلفي بعدين بفكر
طلعت رغد مع فهد للسياره
فهد : حطي شناطك في المرتبه الي جنبك
رغد شالت شناطها و حطتها جنبها : يلا
ركبت السياره هي و فهد وراحو لبيت ليان
وقف فهد عند بيت ليان ونزل شنط رغد عند الباب
وركب السياره و راح
طقت رغد الباب وفتحت ام هادي الي استقبلتها بأحضان
ام هادي وهي تحضن رغد : مابغيتي تجينا
بادلت رغد الحضن : والله الضروف ما تسمح
جت ليان تركض بعد ما سمعت صوت رغد
وقمزت ( قفزت ) على رغد وهي تحضنها
ليان : يا كلبه وينك ما تجينا
رغد وهي تحاول تبعد ليان عنها : يابنت الحلال بقعد عندك اسبوعين ابعدي عني خنقتيني
ام هادي : ليان ابعدي عن البنت ذبحتيها
بعدت ليان عن رغد وقامت تشيل شنط رغد معها
ركبت رغد الدرج و قعدت تمشي : وين بروح؟
ليان بضيقه : تعالي لغرفه هادي فاضيه مافيها احد
حست رغد بضيقه ليان : لا لا بنام عندك والله ما اخليك
لفت ليان ببتسامه : اجل تعالي نفلها
ضحكت رغد وراحو للغرفه و هم يسولفون
ليان : حطي اغراضك في الدرج هذا ما استخدمه
فتحت رغد شنطتها وبدت تحط اغراضها في الدرج
قعدت ليان تساعد رغد : يعني ماراح تروحين الديره ؟
رغد : لا بس بقعد هنا اسبوعين وبعدها بروح الديره
تأففت ليان : ياليت تقعدين معي وقت اكثر
ناظرت رغد ليان : بتقعدين معي وقت اكثر معليك
رفعت ليان راسها بأستغراب : كيف ما فهمت؟!
كملت رغد ترتب ملابسها : قلت لأبوي اني ماراح اروح للديره و بقعد معك بس قال ابوي انه بيكلم ابوك عشان تروحين معي الديره وما احس بوحده
لفت ليان بصدمه وهي تمسكت كتف رغد وتهزها : منجدك انتي؟!!!
حاولت رغد تبعد يد ليان بس ما قدرت : اي اي منجدي ابعدي يدك كسرتي كتفي
ابعدت ليان يدها عن رغد بسرعه : يعني بروح معكم الديره
رغد بأستغراب : شفيك ترا مو اول تروحين لها
ليان وهي للحين بأثر الصدمه : اي قد جيتها بس مره و اشتقت لها
رغد : صديقني ماراح تشتاقين لها اذا شفتيها الحين
ليان : ليش
رغد : ما تقدرين تتسترين الا اذا تزوجتي
واي بنت تتستر تعتبر عار على العائله او القبيله بكبرها و بعض البنات تعرضو للتحرسً بسبب قوانينهم الغبيه و بعض الاهالي يسمحون لبناتهم يلبسون عبايه كحد اقصى للستر و هذا نادر مره ويصير بس لكبار الشيوخ في الديره

سكتت ليان من الي قالته رغد : يعني ما اقدر البس عبايه او حجاب على الاقل
رغد انسدحت : اي
ليان انسدحت معها : كيف انتي متحمله ذا الشي؟!!
رغد بتنهيده : من يوم ما عرفت ذا القانون وانا هنا وما رحت لهم مره ثانيه بس الحين مجبوره اروح عشان جدتي و لازم اروح اتطمن عليها
ليان : الله يعينكم على ديرتكم الزفت
رغد : آمين
ام فهد بصوت عالي : يلا بنات تعالو للعشاء
قامت رغد ومسكت يد ليان تقومها : يلا قومي خالتي تنادينا
ليان : من متى وانتي تسمين امي خالتي؟
فتحت رغد الباب :من يوم ما عرفتك
ابتسمت ليان ولحقتها للمطبخ
ليان عند امها : هلا والله وش طبخت لنا الشيف امي
ام هادي بفخر : طبخت لكم احلا مكرونه بالبشاميل
رغد وليان بصوت عالي : حيو الشيف ام هادي البطله!!
ضحكت ام هادي واعطت ليان الصنيه
اخذت ليان صنيه المكرونه
وحطتها على الطاوله و جلسو كلهم
وقعدو ياكلون ويسولفون
ام هادي لرغد : وشلون امك
رغد : بخير جعلك بخير
ام هادي : متى راحو للديره
رغد : يوم حطني فهد عندكم راح لأهلي ياخذهم
ام هادي : الله يزين دربهم ويوصلهم بسلامه
رغد : آمين
ليان : هي هي رغد
رغد : هلا
ليان : عندك خاله اسمها موضي؟
لفت رغد لليان : اي عندي ليش في شي؟
ليان : لا مافي شي بس سألت
قامت ليان من الطاوله و اخذت صحنها تغسله
وهي قاعده تغسل تذكرت الي صار لها مع موضي

امس الساعه على المغرب

انتبهت ليان لرساله من رقم مجهول
فدخلت على الواتس تشوف من الي ارسل لها
شافت الرساله مكتوب فيها :
( السلام عليكم انتي ليان؟)
ليان : ( اي انا ليان ليش في شي )
موضي : ( شوفي انا اعرف انك صديقه رغد وابيك تخلينها تجي للديره واذا ما وافقت غصبيها تجي )
انصدمت ليان من الي قالته وبلعت ريقها بتوتر
ليان : ( طيب بس من انتي )
موضي : ( انا خالتها موضي )
ليان : ( طيب بخليها تجي انتي معليك )
اضطرت ليان تكذب على موضي عشان ما تسوي موضي شي ما يعجب ليان ولا يعجب رغد

نرجع للواقع

هزت رغد كتوف ليان الي كانت شارده بالمره
رغد : هي يكلبه ردي شفيك شارده
انتبهت ليان ولفت على رغد : وجع شفيك تدفيني
رغد بعصبيه : انتي الي شفيك من ساعه اكلمك ولا تردين
سكتت ليان بعد ما تذكرت الي صار و كملت غسيل المواعين
رغد استغربت من شرود ليان
وراحت للغرفه و سكرت الباب
قعدت رغد تدور جوالها بس ما لقته
فاخذت جوال ليان و دخلت الواتس عشان تدق
على جوالها و تروح تدوره
بس لقت رقم غريب فدخلت له تشوف من هو
لكن الصدمه ان الرقم كان رقم خالتها موضي
وشافت رسايل ليان و خالتها موضي
بس انتبهت لرساله ليان
( طيب بخليها تجي انتي معليك )
طلعت من المحادثه ومن الواتس بكبره
وحطت الجوال بمكانه و راحت لفراشها الي حطته ليان لها ونامت

عند ام هادي وليان

ام هادي : وين رغد؟
ليان : مدري بس ممكن في الغرفه
ام هادي : اجل روحي لها لا تخلينها تقعد لحالها
ليان : ليش ؟
ام هادي : وبعد تقولين ليش هي ضيفتنا يا غبيه
ليان : طيب
راحت ليان للغرفه و طقت الباب بس محد رد
طقت مرتين وثلاث واربع ومحد رد
فتحت الباب وشافت رغد نايمه