رغد : انا بعد بس انا متحمسه عشان اشوف الهنوف اشتقت لها
ليان : وانا يا شيخه وين رحت؟
رغد : انتي الاولى بس الهنوف هي الي كانت مصبرتني على الديره وصراحه مزه وكفوه
ليان : تحمست اشوفها من وصفك لها
الموضفه : السلام عليكم وين رغد
رغد قامت من الكرسي : انا رغد
ابتسمت الموضفه واخذت رغد معها لغرفه الميكب : تقدرين تنزلين عبايتك مافي كميرات
نزلت رغد عبايتها وجلست : تقدرين تبدأين
بدت الموضفه تسوي الميكب الي كان خفيف نفس ما طلبت رغد
فونديشن خفيف وبلشر احمر فاتح خفيف مره وماسكرا و آي شادو وردي خفيف و ايلاينر وسط و اخيرا روج احمر
الموضفه : خلصنا
رغد : حلو مره يعطيك العافيه
الموضفه : انتي الي محليته مشاء الله
رغد : شكرا
طلعت رغد لليان و جا دور ليان الي كان ميكبها نفس ميكب رغد بس الفرق انها حطت اي شادو غير
ليان : اوميقاد طلعنا حلواتتت
رغد بضحكه : يااسسس تلعنا هلووااتت
ليان : قلنا نصير دلوعات بس مو كذا
رغد : اقلدتس انتي شفيتس
ليان :انتي الي شفيتس تتكلمين بالسين و التاء
رغد : عماتي بيتبرون مني لو ما تكلمت تسذا
ليان : اسفه لتس مراح تتخطين
فهد : اقول امشو امشو ما بقى شي على الضهر
ابو هادي : يلا امشو تأخرنا
ليان بهمس لرغد : ما عندهم الا كلمه تأخرنا و مشينا بس هذا الي فالحين فيه
ركبت رغد السياره و هي تضحك : عوافي عوافي
راحت ليان و جلست جنب رغد : طفشانه فهد شغلنا اي شي
فهد : وش تبون اشغل
رغد : محمد عبده وينك يا درب المحبه
ليان : ذويقه الاخت
رغد : ما شفتي شي
شغل فهد محمد عبده و بدت رغد تغني معه
وينك يا درب المحبه وينك يا درب المحبه
هل اقفلوك الحبايب هل اقفلوك الحبايب
كذبو علي الف كذبه كذبو علي الف كذبه
وظنوني بالحب كاذب وظنوني بالحب كاذب
وقعدو على هاذي الحال الين وصلو لمدخل الديره
راحو للمزرعه ( مزرعه الجد فهيد ) ووقفو قريب من عند مدخل الرجال عشان البنات ما يشوفونهم
نزلت ليان هي ورغد من السياره بس شافهم واحد من العيال واستغرب من انهم منقبات و لابسات عبايه
بس لا رغد و لا ليان انتبهو له وراحو يم باب النساء و نزلو عباياتهم و نقباتهم وكان اقل ما يقال عنهم آسرات الجمال
دخل فهد عند الرجال وابتسم ابتسامه خلت كل الي في المجلس يستغربون
ابو مشعل : وش فيك مبتسم؟
فهد : عندي مفاجئه لكم بس انتظرو شوي
مسلط : الله يستر من المفاجئه
""" عند رغد وليان """
نزلت ليان نقابها وناظرت رغد الي للحين مانها مصدقه انها رجعت للديره بعد غياب خمس سنين
ليان : تراني نفسك ماني مستوعبه
رغد برجفه : مدري
'
مسكت ليان يد رغد وناظرت فيها : خليك قويه ومعليك منهم
زفرت رغد ونزلت عبايتها و نقابها و خبتها في الشنطه ونفس الشي مع ليان
VOCÊ ESTÁ LENDO
" كيف ما احبك وانتي كل ما تشوفه عيوني "
Contoالسلام عليكم انا الكاتبه رعد آل فيصل شخصياً وهذا حسابي انستا : Xilm1_3i جيتكم بأول روايه لي " كيف ما احبك وانتي كل ما تشوفه عيوني " للبطلين سعد & رغد واتمنى تنال اعجابكم والروايه موجوده في حسابي الانستا اذا ودكم تقرأونه هناك وعالعموم ما...
