جاسم : وليه تاج راسك مفروض هي تحت رجلك دامها حرمه!!
مسلط : يعني شهد تحت رجلك!
جاسم : الا اختي محد ينرد فيها
مسلط : اجل نفس الشي معنا الا اختي محد يردها
فهيد : خلاص استهدو بالله
مؤيد : الخطأ عليك انت يا جاسم انطم ولا تحتريهم
ولا والله لا تشوف شي ما شفته
سكت جاسم وراح عند الرجال
عند البنات
مشاعل بتعب : وااهه واخيرا وصلنا
الهنوف بعتاب : شفيكم تأخرتو
مشاعل وهي تجلس : رحنا المزرعه و جبنا ديمه
ساره : وينها ما اشوفها؟
رغد : بسبب ذي الكلبه بتفشل قدام العيال كلهم
حصه : ليه؟
رغد : قلنا اننا نجيب عود نتونس فيه والشيخه خلت ديمه تروح لنايف يعطيني عوده
الهنوف : صراحه فكره حلوه عشان يعطيتس عوده بسرعه
ليان : لا لا الحين يحسبها تحبه
ساره : صح
نوال : وش تتوقعون من حديمانه بعد
ليان : وش حديمانه
مشاعل : هاذي عيارتي حديمانه
رغد بضحكه خفيفه : اول من اخترع الاسم خالتي افنان
الهنوف : هي الي كانت تجيب عيارات لنا
وكملت بزعل : عياراتنا كله تفشل معاد رغد عيارتها هي الوحيده الحلوه
رغد بفخر : عيارتي سكر
ليان بصوت خافت : امحق سكر
رغد : تفو عليتس ما بقى الا انتي
ليان : اجلسي اجلسي
ديمه من بعيد : رغدددد
رغد : عيوني
ركضت ديمه لحضن رغد : ليه تقلدين نايف؟
رغد بأستغراب : وجع وش اقلده فيه
ديمه : قبل شوي يم رحت عند نايف وناديته قال عيوني وانا قبل شوي يم ناديتتس قلتي عيوني
مشاعل بضحكه : من الحب الزايد
صفقت ليان مشاعل في راسها بخفيف : حرام عليك جتها عقده من الحب
ساره وعفاف وحصه : صدق
نوال : ارحميها يابنت الناس ما تذكرين كم ولد يحبها؟
رغد بصدمه : وجع من يحبني بعد؟؟!!
ميرال : تذكرين خالد ابو ضروس
رغد : على قولك ابو ضروس
الهنوف : لا صار مز الحين ويحبتس
عفاف : وفاهد حب الطفوله للحين يحبتس
رغد : كيف حب الطفوله انا يم كنت بزر ابسط احلامي اركب فوق بعير
عفاف : لا انتي حب الطفوله حقه
رغد : بعديني عنه تكفين بتجيني عقدتين مو عقده
حصه : بعددهم لتس فاهد و خالد و نايف و معيض و سالم
رغد : لحظه من متى سالم يحبني؟
الهنوف : يحبتس استهبال بس
رغد : زين طمنتيني
ليان : باقيلك اربع علات
رغد بتنهيده: اخ يا سويسرا ابي ارجعلتس
الهنوف : مير انثبري ولا تروحين لها
ديمه : هاتس العود
رغد : الله اخيرا
وكملت : وش قلتي له؟
ديمه : قلت له ان مشاعل تبيه وانتس بتعزفين فيه
مشاعل بصدمه : انا؟؟
رغد بأبتسامه نصر : انقلب السحر على الساحر
الهنوف : تستاهلين
'
رغد وهي تعدل جلستها : يالله اسمعو قصيدتي الي حافظتها اكثر من اسمي
عفاف : سمعينا
تنحنحت رغد :
وينك يا قمرا الليالي وينك يا قمرا الليالي
غطاك الغيم العالي غطاك الغيم العالي
قال انك احلا قمرا قال انك احلا قمرا
وهو بالقول صادق وهو بالقول صادق
أنت تقرأ
" كيف ما احبك وانتي كل ما تشوفه عيوني "
Short Storyالسلام عليكم انا الكاتبه رعد آل فيصل شخصياً وهذا حسابي انستا : Xilm1_3i جيتكم بأول روايه لي " كيف ما احبك وانتي كل ما تشوفه عيوني " للبطلين سعد & رغد واتمنى تنال اعجابكم والروايه موجوده في حسابي الانستا اذا ودكم تقرأونه هناك وعالعموم ما...
