#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_48
كي فاق مع روحو ضحك واكت رجع صوتك، البارح كي زيدت إياد جبدني لصدرو حضني لأول مرة بعد تسع اشهر ماقدرتش نبادلو الحضن مشاعري جيهتو منيس فاهمتها واش، اكتافيت بحضنو هو برك بقينا مدة هكذا حتى بكا إياد بعدت عليه هزيتو قالي مديهولي نعتلو كيفاه يهزو سكتو وحطو راقد وحتى انا تكسلت قدامو ورقدت مافقتش مع روحي من تعب البارح فسبيطار ماقدرتش نرقد مليح، فطنت لقيتو هو مكانش نضت رضعت إياد ونضت بشوي رحت للكوزينة لقيت يما وجدتلي الغداء قعدت تغديت انا وياها كي كملنا قتلها يعطيك الصحة طارت بالفرجة كي سمعت صوتي جات ليا بقات محضنتني وتسلم عليا، الحمدلله ياربي كي رجعلك صوتك صغيرونة تاعي، ربي يخليك ليا ميمتي العزيزة_ دخل علينا غيلاس هو وعجوزتي نضت سلمت عليها ومام هي فرحت كي سمعتني نهدر عرفت بلي غيلاس عرض خاوتي وخاوتو للعشاء اليوم كي زيدت تعاونت يما وعجوزتي ودارو عشاء الله الله بطبع العشية خلاص جاو خاوتي وخاوتو ونساهم باركولي وحمدولي سلامة _ قعدت سمانة في داري ومعايا يما وبعدها داتني لدارنا فوت عندها الربعين جاو ليا لافامي كامل باركولي وغيلاس كان ديما يجي يطل عليا ويقضيلي ويروح _ اليوم يجي غيلاس يديني نضت صباح بكري رضعت وليدي خليتو راقد فطرت انا بالحليب والبسيسة كثر خير يما هزتني فوق راسها ناقص غير بابا وتكمل فرحتي ربي يرحمو ويوسع عليه كملت فطوري دخلت دوشت نيطوايت روحي مليح كي كملت صليت الفجر بعدها جبدت شعري تشنشفت معاه إياد كل دقيقة ينوض يبكي نرضعو ونكمل بسيف عيط غيلاس ليما قالها بلي قريب يوصل لمتلي يما حوايجي وانا نضت لبست روبة تاع قطيفة لميت شعري ولبست جلبابي ونقابي بقيتهم على خير ورجعت مع غيلاس لدارنا وانا مقررة نصلح علاقتي معاه وبالفعل علاقتنا تصلحت ورجعنا خير ما كيما كنا في الأول بيناتنا حب كبير والمرة هذي بدون كذب واسرار حاليا عندنا عشر سنين زواج وثلاث أولاد ربي يخليهملنا ورابعة راهي فطريق وخايفة تديلي بلاصتي عند غيلاس هههه حبيت نحكيلكم حكايتي وتعرفو بلي العلاقات الغير شرعية ماترضي لاربي لا عبادو ممكن في الاول تحسو بالحب وشوية فؤحة لكن صدقوني اخرها راح تبكيو والعلاقة لي ماترضيش ربي نهايتها هلاك كيما صراتلي انا خرجت منها بخسائر كبيرة لا تعد ولا تحصى كون مكانتش عندي شخصية قوية ماكنتش راح نقدر نتجاوز ازمتي ولكن بفضل ربي سبحانو لي إلتجأت ليه وماخيبنيش بعد الضيق يأتي الفرج ماعليكم غير بالصبر وتشدو في صلاتكم وتأمنو بقضاء الله وردو بالكم ردو بالكم تدخلو في علاقة غير شرعية ولا تمدو تصاوركم يالبنات وقتنا مايرحمش وخوءو العبرة مني وادعولي ربي يتمملي حملي على خير ويهنيني مع راجلي …
♡_النـــــــهــــــــــايـــــــــة_♡
أنت تقرأ
#مـتـاهـة_ديـهـيـا (جـنـتـي الـمـلـتـهـبـة)
General Fiction꧁البداية بتاريخ 11/07/2023꧂ ꧁النهاية بتاريخ 17/08/2023꧂ فتاة من أصول جزائرية أمازيغية شاوية تقع ضحية علاقة غير شرعية لمدة سبع سنوات بعدها تكتشف أن حبيبها متزوج وأب أربعة أطفال ...
