#مـتـاهـة_ديـهـيـا (جـنـتـي الـمـلـتـهـبـة)

الجزء الثالث

#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_الثالث

مافقتش مع روحي كيفاه غفيت الليلة هذيك تالمون بكيت بزاف فطنت صباح على تيليفوني يصوني راصي يسطر عينيا منفخين وحومر حالتي حالة لقيت أمين يعيط رفدت عليه _واش الهدرة هذيك تاع #### كيفاه هذا كل واحد يشوف حياتو رانا نلعبو هنا؟!  _ امين اخطيني عيشك راني كرهتك وكرهت نهار لي عرفتك فيه روح اخطيني التها بمرتك وولادك بركا ماتلعب ببنات الناس _ واش بيه ### صباح ربي وشراكي تخلطي واينا مرتي وولادي هذو _ راني علبالي بكلش مكالاه تبدا تبلعط فيا روح اخطيني منيش ق### حتى نقعد مع واحد مزوج وبولادو حسبس الله ونعم الوكيل فيك كي لعبت بيا ربي يجيبهالك فدنيا قبل الأخرة وزربت كوبيت عليه قبل مايهدر نحيت لابيس وكسرتها … اليوم راجعة لدارنا نضت غسلت وجهي مشطت شعري منيش قادرة ناكل رجعت لشمبرتي بديت نلم في حوايجي انا كي درت الإقامة درت سارتافيكا بلي مريضة عندي حساسية على هذي عطاوني شمبرة منحبش نخالط معنديش ثقة حتى صحابات معنديش بصح ياحصراه ياريت غدرتني صحبتي ومغدرتش روحي انا راح تقولو كيفاه هذا غدرتي روحك … غدرت روحي كي دخلت انسان خبيث لحياتي ياريت جا كاين عبد خلاف نرد فيه اللوم بصح مكانش معندي حتى سبب نبررر بيه لروحي وهذي هي صعيبة …
لبست حوايجي حجاب وخمار باسكات هزيت كابتي وخرجت من لاسيتي رحت للاري تاع لبيس حكمت بيس لولايتي طريق كامل وانا نخمم في حياتي وواش راح يصرا فيها كيفاه راح نتعود على غياب أمين كيفاه راح نقدر ندير ثقة من جديد أمين خيبلي ظني بزاف حطمني موحال نزيد ندخل راجل في حياتي صاي دوك نركز على قرايتي هي الوحيدة لي بقاتلي لازم لازم نتخرج بمونسيون طالعة ونلقى خدمة دنيا هذي متتمحورش غير على رجالة والحب والزواج سبحان الله مغير الاحوال بين اللليلة ونهار تغيرت نضرتي لدنيا .. ثلث سوايع ونص باه لحقت لولايتي سخانة تقتل ماجيت نلحق روحي خرجت وليت نشهد كنت حاسبة بلي هذي هي جهنم دنيا ولكن كنت غالطة بزاف جهنم مزالت تستنى فيا فدار غلطت غلطة وراح نخلصها بأغلى شيء نملكو بصح نستاهل أنا لي درتها بيديا لي دارها بيديه يفكها بسنيه … يتبع