#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_17
روحنا لقيت ثم فاميلة ماما عماماتي عنندنا باركولي وزادو راحو لبيت عمي مجيد السمانة هذي عرسي بدلت حوايجي ولبست جبة شاوية سامبل حكمت شعري قطوشة كحلت عينيا ودرت غوجالفغ وخرجت قعدت مع خوالاتي و نساء خوالي شوي حتى صونا تيليفوني لقيتو غيلاس عيطلي حسيت بقلبي يرفرف رحت لشمبرتي وغلقت الباب هزيت عليه _وشراهي الغزالة تاعي ما عيتيش من طريق ، لباس الحمدلله شوي برك عيا _ مبروك علينا اقلبي ربي يهنينا ويرزقنا الذرية صالحة، أمين حبيبي ربي يخليك ليا وميحرمنيش منك _ماتصوريش شحال راني فرحان حلم وتحقق ، ربي يدوم فرحتنا _ أمين اغزالة غيلاس أمييين مابقاش وتولي في داري ماتفرقني عليك غير الموت، بعيد شر عليك ماتقولش هك ربي يطول في عمرك، ان شاء الله هيا انا نخليك مبعد فالليل نعطيلك ارقدي وحدك علبالي بلي عندكم ضياف بصح انا اولى بيك منهم _ هههه معليش مايكون غير خاطرك، هيا اتهلاي _صحا … كوبينا وزدت خرجت قعدت مع ضياف لي عندنا العشية دانا بابا انا واميمة للحفافة درت ليماش لشعري ونيتواياج دو بو كي كملت عيطنا لبابا جا دانا ثاني كي شافوني بليماش لكل دهشو فيا جاتني تڨعر وبدلتني خاصة كي اول مرة نصبغ شعري هوما والفوني بشعري لكحل … تعشينا وهوما كمل يسهرو وانا رحت لشمبرتي غدوة يستنا فيا نهار طويل نخرج نشري واش مزال ناقصني و نطبقو شورتي ونحطوها في الفاليزات باه بعد غدوة يجو يدوها لداري حنا شاوية عرس طفلة يومين في دارهم ويومين في دار راجلها اليوم الاول يجيبو شياه ويديو شورة وتحني هي حنتها واليوم ثاني العرس دير العروس عشاها ويجيو اهل العريس يحنيولها واليوم ثالث يجيو يديوها والرابع صبوحي يديولها اهلها يا اما غداء ولا قهوة … لبست بيجامتي وغلقت الباب حكمت بلاصتي وعيطت لغيلاس بقيت نشايخ معاه للفجر حتى رقدت … صباح جابتني الفطنة على صوت طبطيب لحت روبتي فوقي وفتحت الباب لقيتها مريم _صباح الخير اعروس هذي هي لي تفاهمنا تنوضي بكري باه نخرجو اي9 واكت نروحو وواكت نجيو دوك نغسل ونفطر ونلبس ونروحو منطولش، ادي راحتك هيا ابداي من دوك، رحت درت روتيني صباحي وغسلت وجهي مشطت شعري دخلت للكوزينة صبحت عليهم ورحت لبست جلبابي ونقابي وخرجت انا ومريم رحت شريت الحوايج تاع الكوسميتيك اكل هذو لي خليتهم لخرين شريت روايح ماكياج لي غوجالفغ كلش ماخليت والو كي كملنا عيطت لحسام جا دانا لحقنا لدار نحينا حوايجنا وغسلنا تغدينا تلمينا نساء خوالي وبنات عماتي وبنات عمي زوج وبنات خالاتي اكل فصالون وبدينا لي تحدد في القش ولي تطبق وتحكم فيه بنقاقب وانا نرربطهم بدبلة ونحط في لفاليزات وتنهنان دايرة زردت حاكمة دربوكة وتغني واش بينا الله الله واش بينا الله الله واش بينا خمسه خموس علينا الله الله في بابو الله الله في بابو الله الله في بابو واديتو مكرا في صحابو الله الله.....في فمو الله الله في فمو الله الله في فمو واديتو مكره في امو الله الله...في حانوتو الله الله في حانوتو الله الله في حانوتو واديتو مكره في خوتو الله الله فات نهار يهبل مالڨري فيه التعب بصح مع المة وزهو قعدة ماتتعوضش لمة العراس هايلة …
YOU ARE READING
#مـتـاهـة_ديـهـيـا (جـنـتـي الـمـلـتـهـبـة)
General Fiction꧁البداية بتاريخ 11/07/2023꧂ ꧁النهاية بتاريخ 17/08/2023꧂ فتاة من أصول جزائرية أمازيغية شاوية تقع ضحية علاقة غير شرعية لمدة سبع سنوات بعدها تكتشف أن حبيبها متزوج وأب أربعة أطفال ...
