#مـتـاهـة_ديـهـيـا (جـنـتـي الـمـلـتـهـبـة)

الجزء 12

#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_12

بقيت نسمعلها ومركزة معاها صح هدرتها لكل صحيحة انا كي نزوج مشي باه نطلق لازم نصبر على كلش خاصة العوام الاولى اكيد راح يكونو كاينين مشاكل … خرجت يما بعد ماكلمت نصايحها جاو بنات عمي سلمت عليهم وبدات مريم بنت عمي تماكيلي وبسمة تجبدلي في شعري مع شياخة تاعهم الحلوة راحلي توتر والخوف لازم انا ثاني نرمي عليا لباصي ونشوف حياتي دوك كاين غيلاس برك لازم نحاول نكسبو ليا صح قلبي مات مشكيتش نقدر مي راح نحاول في الاخير هو ماعندو حتى ذنب اذا امين رخيس غيلاس ماعندو حتى دخل مالڨري كان يحبني برك بصح بقا وفي ليا حتى وانا مكنتش علبالي _مريم انتوما تسكنو مع بيت عمي احمد قوليلي غيلاس ياك انا على حساب علمي دخل للعسكر كي كمل ليسانس في الجاميعة ومبعد خرج وعلاه عاود رجع كي ديت انا الباك ؟! _ ايه هو دخل كي كمل ثلث سنين في الجاميعة وقعد ثم عوام منيش شافية قداه بصح موراها مرض وخرجوه هوما باه يتعالج وبقاو يتبعو في حالتو بقا يتعالج عام وكي رتاح رجع وعمتي وسيلة قاتلي بلي كان حاب يخرج من العسكر ومبعد معرف كيفاه حتى بدل رايو وعاود رجع .. باه كان مريض وعلاه انا ماسمعتش؟! احاي عليا علاه انت كنتي سامعة بينا يخي ماكنتيش جمعي معانا كيفاه راح تسمعي غيلاس كان عندو ورم في راسو يخليه يدوخ ويطيح بصح دوك الحمدلله رتاح _اخاه الحمدلله على سلامتو سطرو ربي، ايه شفتي المرض مايشاورش كون تشوفي حالتو العام هذاك كان كارثة _ تامني يخي كنتو ساكنين معانا بصح والله ماكنت مركزة عليه متولهتش ليه كامل بلي مرض _ معرف واش من زف كان مديك عليها ماتولهتيش ليه كي قاتلي هك سكت باسكو صح كان مديني زف كون مشي الرخيس تاع امين لي كان مديلي عقلي راني عرفت بحالة غيلاس معرف علاه حسيو بتأميب ضمير من جيهتو … كملتلي مريم الماكياج ومام بسمة كملتلي شعري انا ملامحي عربية اصيلة عينيا كبار وكوحل مشفرين حواجبي غاثين شعري كحل طويل يلحق لمسلاني مكانتش ماما تخليني نقصو لاطاي تاعي متوسطة منيش سمينة ومنيش رقيقة بشرتي سمراء يقلولي مسرارة بسمة داررتلي شعري اونديلي وقصتلي لاماش ومريم دارتلي ماكياج خفيف مشي مبالغ فيه وركزتلي على شواربي طراساتهم ودارتلي غوجالفغ غوج مات جيت تحفة بقاو يشكرو في زيني كي خرجو رحت لبست قفطان في البلون كاصي مع طالون فروج وبقيت في شومبرتي نستنى في بيت غيلاس يجو قلبي يخبط يخبط راح يخرج من بلاصتو …