#مـتـاهـة_ديـهـيـا (جـنـتـي الـمـلـتـهـبـة)

الجزء 42

#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_42

ناضت خرجت هي زدت خرجت انا وقعدت في الحوش وقت لي يدخلو فيه خاوتي _ موالفيز كي يجيو مايشوفوش حتى معايا اليوم جا ليا حسام قعد قدامي حط ضهرو على لحيط وربع رجلو حط يدو على راسي، صغرونة تاعنا راح تولي ام _ درت شفت معاه وابتاسمت معاه درتلو براسي هيه حضني ليه حابة نهدر نطلب سماح ماقدرتش ترجمت كلامي بدموع وليت نبكي ونشحڨ معرف كيفاه حتى فهمني _ سامحتك علبالي هذا واش راكي حابة تقولي وماقدرتيش زدت حضنتو كثر حتى من خاوتي لخرين جاو ليا بالواحد باركولي على حملي غير عادل ماحبش وماهتميتش بيه اخر همي دوك هو قالي حسام تقدري ترجعي لشومبرتك عادي وعيشي معانا نورمال دخلت في فراشي وبقيت نخمم في وليدي جا ليا وجاب معاه الفرحة سبحان الله ماكذبتش كي قلت لبيبي هذا هدية الرحمان ليا غفيت وهذي المرة رقدت بعمق وبراحة كأنو هم كبير وانزاح على ضهري … معلباليش شحال رڨدت حتى جات ليا يما تنوض فيا بقات تفوت في يدها على شعري _ ديهيا حبوبتي هيا نوضي تتعشاي وارجعي ترقدي نضت بسيف عليا بستها ورحت لدوش توضيت وجيت صليت ورحت تعشيت معاهم اليوم اول مرة بعد موت بابا راح ناكل معاهم في نفس الطابلة كي شفت بلاصة بابا فارغة وليت نبكي ماقدرتش نقعد معاهم نضت رحت لشومبرة بابا ويما من نهار مات بابا ماما غلقتها مولاتش ترقد فيها حوايجو خلاتهم كيما راهم، رحت تكسلت فس بلاصتو حضنت مخدتو وبقيت نبكي نبكي _ يابابا العزيز وين رحت وخليتني يابابا مازلت نحتاجك ماقدرتش على فراقك يا الغالي حياتي بلا بيك ظلمة حتى فرحتي ناقصة بلا بيك يا بابا بقيت مدة نبكي حتى غفيت في بلاصتو مافقتش مع روحي فطنت الصباح على صوت الحس في دارنا نضت رحت للدوش غسلت وجهي فت للكوزينة لقيت نساء خاوتي ثم سقسيتهم تاعواه الحس هذا قاتلي اميمة بلي بيت عمي جاو عندنا وجهي تڨلب مانيش حابة نڨابلهم علبالي بلي جاو باه يعاودولي مفس الأسطوانة لقديمة وحابين يفهمو على واه طلڨني غيلاس رحت دخلت لشمبرتي وغلقت الباب جات ليا يما ارواحي عجوزتك حابة تهدر معاك درتلها براسي مانجيش قاتلي كيما تحبي وراحت خرجت بقيت النهار كامل في شومبرتي واميمة جيبلي الماكلة نخرج غير نتوضا ونزيد نرجع لشومبرتي حتى العشية روحو خرجت من شومبرتي رحت لماما درتلها بيدي علاه جاو _ كي العادة حابين يفهمو علاه راكي هنا وعلاه طلقك غيلاس على حساب واش فهمت بلي غيلاس مقالهمش على فضيحتي ضحكت بإستهزاء مع دارنا فضحني ومع دارهم مافضحنيش كوغير كمل فيها وزاد فضحني معاهم دوك ولا مايهمنيش نتفضح ولا لالا _ حنا قاعدين نتقهواو سمعنا الباب تاع دارنا يطبطب ماشي يطبطب برك راح يتكسر ناضت يما زدت لحقتها انا وخرجو نساء خاوتي كي فتحت يما لباب كانو ولاد جيرانا _ اجري اخالتي فؤاد وعادل راهم يضاربو برااا يمااا خرجت هكذاك حفيانة حنا بقينا حاطين يدنا على قلوبنا ونستناو اميمة عيطت لحسام قالها راني جاي شوي هكذا طبطب الباب رحت فتحت لقيتو غيلاس نساء خاوتي راحو دخلو وبقيت انا واقفة دخل وسكر الباب في اوقت الحالي غيلاس هو اخر عبد حابة نشوف خليقتو ولا نتواجه معاه مزال منيش واجدة للحظة هذي بقا يشوف معايا وساكت طبطب لباب جيت رايحة نفتحو قالي روحي ادخلي شفت معاه وفتحت الباب كانت يما تبكي جايها خويا وسيم دخلتها حضنتها هي تبكي وانا نبكي _ راحو فيها خاوتك دوك يباصيو _ درتلها بيدي علاه، قاتلي بلي حكمو امين بردوه بطريحة طحت على ركايبي معرف علاه جا في بالي بلي فضحني مع الناس على هذي ضربوه ياربي واسطر … يتبع