#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_24
دارلي غيلاس كورتاج روعة صحابو وولاد عمنا بتيماكس خاوتي ركبو فوق الخيالة طموبيل تاعنا داروها فنص ومن من صحاب تيماكس ومن القدام الكاليش والخيالة _ علاش جبت الكاليش؟! دوك كي نقربو نلحقو لدار نهبطو من طموبيل ونطلعو فيه، ياا قول والله علبالك كان حلمي نركب فيه عيشك ربي يفرحك كيما فرحتني، فرحتي راهي قدامي وحاكم يدها، ابتاسمتلو فوتنا طريق تمعشيق وشوي شطيح حتى كي قريب نلحقو لدار هبطلي البرنوس مليح على وجهي و هبطت انا وياه من طموبيل وطلعنا فالكاليش كانت لحظة روعة ضربو شوي بارود وزدنا ديمارينا كي لحقنا لرود بداو الرحابة يغنيو ويضربو فالبندير ولخرين يضربو فالبارود هبطو سع نساء لي جاو معايا مبعد عاوني غيلاس هبطت من الكاليش دارو صحابو طريق وبداو يغنيو او الزوج او الزوج وحنا نمشيو وعجوزتي ترش فالخل فالارض منين نفوتو بعدها كي لحقنا للباب جاب مكحلة ضربت انا وياه البارود مدتلي عجوزتي حلوة بقيت نرمي فيها مورايا ودخلنا بزغاريت مدتلنا عجوزتي الحليب والتمر شربتو وشربني وكلتو ووكلني و طلعنا فالدروج صوت زغاريت لداخل وبرا صوت البارود كي لحقنا للباب تاع دخلة للهول مدولي زبدة لصقتها فالحيط مسحت يدي ودخلت انا وغيلاس داونا لصالون لكبير كانو مدايرينلو ديكور كيما لاصال طوابل وكراسة ودبلة الحمراء اون فاص كان كرسي كبير ومزين بالضواض جابو ديجي فام والغاشي قعدت انا وياه فالكرسي عاوني نحيت البرنوص وطلعلي لافوال على وجهي كي يطلعلي فيه على لسانو غير سبحان الله سبحان الله _ مشاء الله مزية قبيل قتلك ماطلعيش البرنوس على وجهك تاع صح كون قبيل شفتك راني درت اكسيدون وربي كبير _ ابتاسمتلو حشمني بهدرتو غمزلي بعينو _واش ماتقولي والو، مالقيت مانقول حشمتني _ضحك حتى تغمضو عينيه، الحشمة هذي مانتفاهموش عليها لازم تنحيها دوك رانا مزوجين مرانيش غريب عليك تحشمي مني جيت راح نجاوبو حتى جابو لابيسات مونتي طروا ايطاج باللون الأبيض وفوقها زوج بوبيات على شكل عريس وعروسة وقفتنا مرت لوسي لكبير مدتلنا الخواتم صورنا سع ومبعد صورنا يدينا كي رافدين لي بوات تاع الخواتم بعدها لبسني هو ولبستو انا زدنا صورنا وزغرتو بعدها مرت سلفي حطتلي الموس في يدي زاد حط هو يدو فوق يدي قصينا لاطارت وعطيناها الموس حطتلنا شوي في صحن وكلني هو ومبعد في دالتي بقيت نقربلو في الفرشيطة لفمو ونبعد يدي وهو غير يضحك مبعد وكلتو قدم لوذني همسلي _ طمعيني كيما تحبي في الماكلة غير فيك ماطمعينيش نهبل، كون جيت بلوندة راهو وجهي رجع حبة طماطم وتفضحت قدامهم مزية سمراء متحمارش _ زادو عطاونا كيسان الجي المرة هذي دخلنا يدينا في بعض كشغل انا نشرب روحي وهو يشرب روحو كملنا دارولنا اغنية شاب نصرو قعدنا ندونسيو انا وياه عطاك ربي بلاصة في قلبي مهما ديري وقليل فيا انا عشقتك وحملت عذابي نبغيك بزاف بسيف عليا انت لي خيرك قلب وانت لي سخفت عليك العين وكل شيء فيك الامور عجب طاي تهبل وزيد الزين وغيلاس يغني معاها ويشوف في عينيا شعور هايل نتمنى كل وحدة جربو مع الراجل لي يستاهلها _سكنتي قلبي بلا ماعلمتي وحكمتي بلاصتك فيه بالخف كي درتي دخلتي ولا ملكيتني في لحظة ضعف …
YOU ARE READING
#مـتـاهـة_ديـهـيـا (جـنـتـي الـمـلـتـهـبـة)
General Fiction꧁البداية بتاريخ 11/07/2023꧂ ꧁النهاية بتاريخ 17/08/2023꧂ فتاة من أصول جزائرية أمازيغية شاوية تقع ضحية علاقة غير شرعية لمدة سبع سنوات بعدها تكتشف أن حبيبها متزوج وأب أربعة أطفال ...
