#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_21
معرف ڪيفاه حتى داتني عيني وغفيت حتى صباح بكري جات ليا يما وخالتي يزغرتو نوضوني صبحت عليهم _وشراهي عروستنا رقدتي مليح، والله غلبانة في حالة ايما ماجيت نغفى للفجر راني راقمة مامبا ساعة ونص ولا زوج _ هذو هوما العراس دوك كي تروحي لدارك وعوضي رقاد هذا _ان شاء الله _قعدت قدامي حكمتلي يدي _ بنتي العزيزة زينة البنات اليوم عرسك راح تفارقينا بعد 23 سنة علبالي راح جيك صعيبة كسما راح جيني انا وباباك صعيبة ولكن واش راح نديرو هذي هي سنة الحياة الطفلة اخرتها تروح لدار راجلها حبيت نوصيك برك اسمعيني مليح حلي وذنيك وركزي معايا _ احفظي الميم تفضحك ردي بالك وردي بالك وردي بالك يقولك راجلك احكيلي على ماضيك وتحكيلو ربي سطرك ماتفضحيش روحك راجل راهو لعوب قادر يلعبلك بالهدرة ويخليك تعتارفي وحدك كوني ذكية يابنتي غيلاس مدام من العايلة تاعكم مراحش يتسامح في امور كيما هذو الشاوية كلش كلش والا شرف يق.تلو عليه بدم بارد و نوصيك على حاجة خلاف واش يصرا بينك وبين راجلك يبقى بيناتكم ماتخرجيش سرك لمهما كان الزواج مراهش حب ورومانسية برك راح تواجهو مشاكل خاصة في العوام الاولى تاع زواج وهنا راح يبان صبر المرأة ووفاء الراجل صعيب باه دير دار وساهل باه تريبها الصبر ثم الصبر ثم الصبر ابنتي الصبر مفتاح الفرج وماتخشميش راسك مع راجلك اذا قالك على حاجة لا اكيد حابلك الخير والراجل يابنتي يجي باللسان الحلو كيما يقولو ناس زمان اللسان الحلو يرضع اللبة كوني مظلومة ابنتي وماتكونيش ظالمة انا حنا زوجناك تبني دار مشي باه تطلقي راكي تعرفي المرأة المطلقة في مجتمعنا كيفاه يشوفوها اكسبي راجلك ليك وخليه يموت هلى تراب رجليك علبالي بلي بنتي تقدريلها علبالي واش ربيت تشاويث تاحروث _ بقيت نسمعلها ومركزة معاها صح هدرتها كامل عندها الحق فيها انا راني نزوج باه ندير دار مشي باه نعاود نرجع لدار بابا مطلقة صاي لي فات مات نركز مع حياتي برك بلاك غيلاس هو الخير لي كافئني بيه ربي على واش جوزت في حياتي …
YOU ARE READING
#مـتـاهـة_ديـهـيـا (جـنـتـي الـمـلـتـهـبـة)
General Fiction꧁البداية بتاريخ 11/07/2023꧂ ꧁النهاية بتاريخ 17/08/2023꧂ فتاة من أصول جزائرية أمازيغية شاوية تقع ضحية علاقة غير شرعية لمدة سبع سنوات بعدها تكتشف أن حبيبها متزوج وأب أربعة أطفال ...
