#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_11
فاتو شهرين منڪذبش عليڪم ونقولكم فاتو بسرعة البرق ڪل نهار مايجي يفوت روحي تطلع خاصة كي خاوتي معاديني بابا لحد الأن ماعلبالوش بالغلطة تاعي كي شافني منروحش نقرا كذبت عليه وقتلو لميموار تاع تخرج تاعي كي وجدتها سرقوهالي ومنيش قادرة نعاودها تفهمني قالي فيها خير الحمدلله على كل حال … جسديا رتحت جرح كتافي برا بقات سيكاتريس وراني نداوي فيها بدوا عرب قريب تروح اثار ضرب راحو بصح حالتي نفسية ڪارثة اليوم الجمعة خطبتي والفاتحة تاعي بولد عمي غيلاس راح نڪذب عليكم اذا قتلكم فرحانة ومرتاحة خاصة أنو تاع دارنا دارو خطبة كبيرة عرضو فيها لافامي الجيران مكانش حاجة خايفة منها قد ماني خايفة من أمين يسمع بخطبتي ويجي يديرلي فضيحة مدام فضحني قدام دارنا يقدر يدير كلش في قلبو مكانش ذرة رحمة فيقتني يما من تخمامي قاتلي ام جاو بنات عمك يوجدوك بركاي مامقلبة وجهك وردي بالك تعودي تزلقي قدامهم وتجبديلهم على سيرة رخيس هذاك زلقة بفلڨة
يما راني خايفة اليوم هذا مايفوتش على خير قلبي مشي مريحني خايفة يزيد يسمع أمين وكشما يدير علاه درتو خطبة كبيرة هك يخي غيلاس مشي براني كون درناها بيناتنا برك ، كون خفتي الخوف هذا قبل ماتغلطي وتتصاحبي معاه مراكيش هنا دوك لالياتك تخؤجو وراح يخدمو وانت خاوتك راح يدفنولك شبابك مع زريعة باباك المرة ياريت سمعتي لهدرتي كي كنت نوصي فيك كون مكيش هنا دوك طاحو دموعي يايما علاه انا صبتها كون جيت عارفة راح يصرالي هك منهدر معاه مانحبو قرصتني في فخذي ومازلتي تقولي نحبك احمدي ربي مافڨركش برك ودوك بركاي دموع هذو صاي طاح الفاس على راس لازم تقفازي دوك مع راجلك لازم تخليه يعشق تراب لي تمشي عليه علبالي من بكري يحبك راح جيك ساخلة حافظي دوك عليه وحاولي تقويه مانجحتيش في قرايتك خلي زواجك ينجح ياك علبالك بعايتلك كيفاه دايرة موتي ومترجعيش مطلقة حنا ماعندناش بنات يطلقو كيما كان احمليه واسكتي وانت ثاني اعرفي كيفاه تمشي مشس تخليه يذلك وردي بالك ردي بالك ردي بالك يعود يجبدك بالهدرة وتحكيلو على لباصي لكحل تاعك والله ضوء برا تولي تحلمي بيه واذا قالك اعطيني نميرو تاعك نوليو نحكيو قوليلو معنديش جيبلي منها تشوفيه اذا بخيل ومنها كي تولي تهدري معاه تعرفي العقلية وماتزيدي تخبي عليا والو راني يماك مانحبلكش شر …
أنت تقرأ
#مـتـاهـة_ديـهـيـا (جـنـتـي الـمـلـتـهـبـة)
General Fiction꧁البداية بتاريخ 11/07/2023꧂ ꧁النهاية بتاريخ 17/08/2023꧂ فتاة من أصول جزائرية أمازيغية شاوية تقع ضحية علاقة غير شرعية لمدة سبع سنوات بعدها تكتشف أن حبيبها متزوج وأب أربعة أطفال ...
