#مـتـاهـة_ديـهـيـا (جـنـتـي الـمـلـتـهـبـة)

الجزء الثامن

#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_الثامن

كملت شكلت العجين كريات وخرجت الطابونة للحوش حطيت المايدة قدامي وبديت نطيب في السمنيات ساعة نقلبهم ساعة نحك لي طابو في سيار حتى سمعت الباب تاع الحوش يطبطب كنت راح نوض نفتحو ومبعد خفت من خاوتي كشما يديرولي كون نفتح الباب ونلقاه راجل شفت ولد خويا خرج من ثالون عيطتلو قتلو روح افتح الباب  راح هو فتح الباب عيطلي عمتو او جا عمو غيلاس وعمتو وسيلة مسحت يديا ورحت ليهم غيلاس هذا وليد عمي عسكري كي ديت انا الباك وهو دخل للعسكر من ثم ماشفتوش كنا نسكنو فنفس الدار ومبعد هوما رحلو بصح مبعدوش علينا وسيلة مرت عمي انا محسوب تربيت عندها لأنو معندهاش بنات تموت عليا رحت ليهم سلمت على عمتي وسيلة وغيلاس علاما صافحتو عندي رهبة منو منقدرش نجول شوفة معاه حتى ملامحو ماتولهتش ليهم سقساني على حوالو قتلو لباس وانت قالي هذا وين وليت لباس طلعت راسي شفت معاه لقيتو مركز فيا شوفة فقت مع روحي دخلتهم لدار قاتلي عمتي واش راكي مع زيراوي ضحكت قتلها هاكي تشوفي بابا سخف عليه هاني ندير فيه _ يعطيك الصحة علبالي بيك فحلة وامرأة تاع دار ضحكت سقساتني واش مع قرايتك معرفتش واش نجاوبها جاتني ثقيلة نقولها حبست شجعت روحي وقلتها _ وعلاه ابنتي _ القراية برك صعيبة مقدرتلهاش وكرهتها _معليش مالا نزوجوك، اواه مازلت صغيرة علاه هذا _ جات راح تهدر قاطعها غيلاس قالي عيطيلي لواحد من خاوتك يديرلي طريق قتلو مهليش ديتهم لثالون دوزيام وعيطت لولد خويا حسام عيط لباباه ورجعت انا نكمل في خدمتي حتى كملت وجدت زيراوي تاع وعسلتو وزينتو حطيت معاه اللبن ديت سني لصالون لي فيه عمتي وسيلة وزادو تلمو ثم ماما ونساء خاوتي وسمي ثاني عيطت لحسام جا داه لرجالة وين بابا رحت لشمبرتي وقعظت عييت وكتفي قتلني بسطر ملازمش نحركو وانا مشي غير حركتو عيطت لأميمة جات عاودتلي لفاصمة وكليت دواء قاتلي علبالك تمتي وسيلة وغيلاس علاش جاو _قتلها باينة باه يشوفو بابا علاه _اواه مجاوش على هذي السبة،ومالا علاه اهدري؟!  جاو على جالك _كيفاه على جالي،
ججاو يخطبو فيك لغيلاس _ضحكت راكي تتمسخري فيا ياك كيفاه هذا غيلاس يخطبني رانا ربينا كيف كيف دايراتو كي واحد من خاوتي _بصح ماهوش خوك ماتغطيش شمس بالغربال مارضعتو كيف كيف ماخرجتو من نفس الكرش _وهوما قبلو يمدوني ليه؟!  حسام قالي بلي صاي مدوك ليه وتفاهمو جتى على لخطبة والفاتحة _غير قوليلي اميمية بلي راكي تتمسخري موحال يكونو مدوني بسهولة هذي كي سلعة بلا قيمة ضحت بإستهزاء للحظة نسيت واش درت اكيد وليت بلا قيمة دوك معنديش الحق نلومهم ونقولهم علاه ماعليا غير نرضا بمكتوبي دوك بلاك كي نزوج يسامحوني على غلطتي خرجت اميمة بقيت وحدي يادرا غيلاس هذا كيفاه راح تكون حياتي معاه راح يكون جنتي ولا جحيمي؟! ولا يحون جنتي الملتهبة؟!