#مـتـاهـة_ديـهـيـا (جـنـتـي الـمـلـتـهـبـة)

الجزء 18

#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_18

كملنا تطباق القش كامل وزينا الفاليزات بقاو صبابط درنا تاع العراس في سلة وغلنفناها بتيلو وكيف كيف درنا لتاع برا وتاع الدار لي بوشات تاع العراس درناهم في كوفر تاع زجاج مام سيكان تاع برا بقات فاليزة تصديرة حنا من عاادتنا نبعثوها معا شورة لمالين العريس يشوفوها ونهار الحنة يبعثوها مع القفافة القفافة هوما عجايز كبار يبعثوهم يجو يحضرو عرس العروسة ومبعد فالليل يزيدو يلحقو نساء ولبنات للحنة ... في تصديرتي درت ملحفة شاوية في النوار و دوري زدت معاهم كراكو و نايلي وڨندورة ثقيلة تاع الفتلة مع قفطان وبلوزة وهرانية و القبايلي وبدرون و البينوار سطايفي حطيناهم في الفاليز وحطينا فوقهم قشقشة وديدراجي كي كملنا زغرتو الليلة هذي رقدت مع البنات قالولي البنات متحكيش مع غيلاس خليه يتوحشك شوي ههه ودرت عليهم وخلاصت عليا انا ثاني متوحشاتو جبنا الليلة هذيك كامل شياخة حتى رقدنا _ نضنا صباح بكري رحت انا للحمام مع خالتي وعمتي ومريم ولباقي خليتهم يوجدو كي كملت روحت زغرتو عليا قيس مابدلت قشي سمعت طموبيلات يصونيو طليت من تاقة شفت غيلاس وخاوتو وباباه ومعاهم عمامي زوج اخرين
جابو معاهم زوج شياه كبار تقهواو سع ومبعد ذبحو شياه خرجولهم الزيراوي واللبن (زيراوي هو رفيس تاع شاوية في اي مناسبة لازم يحضر) كي كملو ذبيحة رحت للحوش بداو يخرجو في شورتي طاحتلي دمعة صاي راح نخرج من الدار لي زدت وكبرت فيها هنا ضحكت وبكيت هنا زغرتت عليا يما كي نجحت وهنا ضربوني خاوتي كي غلطت وهاهي شورتي خارجة منها جات ليا يما حضنتني وولينا نبكيو في زوج وخوالاتي يسكتو فينا كي كملو خرجوها جا خويا حسام قال ليما لي راح تروح هيا في عادتنا ام العروس متروحش مع شورة بنتها على هذي راحت خالتي لكبيرة وعمتي لكبيرة مرت خالي ومرت عمي وراحو نساء خاوتي في ثلاثة خرجو معاه فاليزة تصديرتي اما لي قعدو قدار فبقاو يديرو في الدوارة والبوزلوف كي كملو حطو دارو العشاء شخشوخة ضفر ولي راحو داو شورتي كي كملو روحو ديت مريم ورحت لشمبرتي _هاه صورتيلي كيما قتلك داري مليحة؟؟
مليحة و سكتي الله يبارك خدمهالك علكيف جبدت تيليفونا وبدات توريلي صورتلي شومبرة واسعة لونها في الباج والمارون خزانة باج محطوطة في الحيط لي لونو مارون وسرير مخلط بين الباج والمارون محطوط في الحيط الباج والحيط لي اون فاص للسرير مخدوم بالبلاك على شكل قلب وفيه لاتيلي بلازما كبير البلافون فيه ضواو صغار وحيط فيه تاقة وركبو فيه الكاشرديو لي شريت فرشولي كوفرلي في البلون كاصي وستفو ماكياجي فوق الكوافاز صح جات شمبرتي روعة ...
وصالون لونو في الباج وفيه بقع بدوري في الوقت هذاك كانت البانتورة هذي لامود مكانش لي مدارهاش كانو محطوطين فوتايات في القهوي وزادو حطو الكنابيات لي ديت والطابلة فرشو زربية كبيرة وركبو الكاش ريدو وشمبرة خلاف فارغة الكوزينة كان الفايونص تاعها في الڨري وفيها كلش واجد كوزينيار وفريجدار صال دوبان وطوالات ثاني لونهم في الڨري وهول كبير فرشو فيه طابي عجبني ذوق غيلاس دالي عقلي خاصة الألوان تقول طلي على قلبي هذو هوما الألوان لي نحب ...