#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_27
حسيت بيدو على كتافي كويت ودرت ليه ضحك صباح الخير أم عيون قتالة واش ماصبروش وعيطو يستفسرو اذا فريتها _ صباح النور اواه هذي يما قاتلي راح الحال باه نروح للحفافة، اا معليش ياك معلكش ماكش تتوجعي حركتلو راسي بلا لالا ضحك _ وعلاه راكي تغطي في وجهك بشعرك هك جبدني دارني تحتو بعدلي شعري على وجهي بيدو غمضت عينيا عضني من كتفي _ حلي عينيك، حركت راسي بللالا قتلو ماهاني منحلش _ضحك وزاد عضني بقوة حتى حليت عينيا شفت معاه عينيه نايمين ويشوف معايا ويضحك، ضربتو بشوي على يدو زاد ولا يضحك بالصوت _عولنا عليك بكري تنحي الحشمة مي تبانلي مراحش تنحيها درتلو ايه براسي، تسمى دوك ولات المهمة عليا انا نحيهالك غمضت عينيا ولا يدغدغ فيا ماحبش يطلقني _ يا غيلاس شوف وراك، منين دور راسو نضت من تحتو نجري وهو يعيط بشوي برك عليك دوك تتفرعي كثر مراكي مفروعة وصح حسيت بواحد سطر دخلت لدوش وسكرت الباب على روحي شفت وحهي في المراية معرف علاه وجهي منور مشي كي العوايد والفرحة باينة من عينيا البارح فوتت أحلى ليلة في حياتي ليلة العمر صح مراحش ننسى كيفاه عاملني بكل حب وحنان لدرجة ماحسيتش خلاص بالوجع حتى كمل وجاني وجع خفيف برك مشي حاجة دخلت دوشت مزية فاليزتي مزالت هنا كي كملت لبست جبة شاوية لميت شعري بعد ماشيحتو شوي ولبست عباية ماحبيتش نجيب معايا جلباب درت خيمار على راسي وخرجت لقيتو مزال متكسل فوق سرير شاف معايا _ وين راح جلبابك ونقابك؟! ، ماشي اليوم اغيلاس ياك من نروحو فطموبيل للحفافة برك وزيد نروح لدار بطموبيل ثاني شكون راح يشوفني، وتاع الاوتال الالة واش البارح كنتي مغطية بالبرنوص دوك وجهك باين وزيدي العباية مفصلاتك _ اواه مشي مفصلتني ووجهي دوك نغطيه بالخيمار شرعت يديا وحكمت العباية من ومن قتلو هاه عريضة سكت شاف شاف ومبعد قالي اخر مرة دوك شوي يطلعو لفطور راني داخل لدوش كي يجيو افتحي الباب واوقفي وراه _ اوكي هو راح يدوش وهوما شوي جابو لفطور درت كيما قالي دخلت لفطور قعدت ناكل ميتة بالجوع مقدرتش نسناه خرج من دوش لابس سروال جين وتريكو ديمي مونش سبادري وداير نواضر تاع شمس قعد قدامي صب ليه قهوة وقعد يشرب فيها بساكت كي كملت ناض نضت معاه جاب فاليزتي وفاليزتو قبل مانخرجو حكمتلو يدو راك متغشش مني _ لالا، والله متغشش مني باينة كي ماجبتش جلباب ياك _هاكي علبالك الالة علاه تسقسي _ هزيت الخيمار غطيت بيه وجهي بصح بقاو عينيا يبانو ولا يستغفر _ زدت بينتي الفتنة تاعك كثر وكثر وانا واش طيحني فيك بغير عينيك اواه اطلقي برك الخيمار واخر مرة اخخخرررر مرة تخرجي هك بستو من خدو ضحك معايا وقرصني من خدي كرشيت فيه وخرجنا من شومبرة مزية مكانش كاين غاشي بزاف في الاوتال هبطنا للباركينغ ركبنا وديمارا
YOU ARE READING
#مـتـاهـة_ديـهـيـا (جـنـتـي الـمـلـتـهـبـة)
General Fiction꧁البداية بتاريخ 11/07/2023꧂ ꧁النهاية بتاريخ 17/08/2023꧂ فتاة من أصول جزائرية أمازيغية شاوية تقع ضحية علاقة غير شرعية لمدة سبع سنوات بعدها تكتشف أن حبيبها متزوج وأب أربعة أطفال ...
