#مـتـاهـة_ديـهـيـا (جـنـتـي الـمـلـتـهـبـة)

الجزء 30

#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_30

بسيف باه طلقتهم روحو من بكاء تاعي لكحل وساح طلعني غيلاس لشمبرتنا نحيت طالون وقعدت فوق سرير مربعة يديا وبقيت نبكي، وشبيك دايرة الحالة هذي في روحك منين تتوحشيهم وتحبي تروحي قوليلي نديك عندهم تقعدي قد ماتحبي بركاي ماتبكي شڨيتيلي صدري هبط على ركايبو حكملي يدي راني معاك بشوي برك توالفي حياتك جديدة راح نحاول نعوضلك غيابهم ومتحسيش ودوك راهو كاين تيليفون تقدري تعيكيلهم لي أي وقت تسمعي صوتهم وتشوفيهم ثاني هيا امسحي خناينك وليتي تخلعي _ ضحكني مسحت دموعي بيديا شفت معاه وابتاسمتلو ضحك معايا، هاه ضحكتك شابة كي تولي تبكي تولي باشعة ديما أضحكي مانزيدش نشوف دموعك هذو دموعك غاليين لازم تكوني جبل مايهزك ريح يا أم عيون قتالة … وقف ووقفني معاه حط يديه على عينيا مسحهملي دوك نداويك حركتلو راسي بهيه وقدم باسني من كل عين ويطول في لبوسة وهذي ثاني مرة يسحرني بأفعالو بقيت مغمضة عينيا ومستسلمتو من عينيا هبط لخدودي ويبوس بشوية حاوطت يديا على رقبتو قاطعنا طبيب في لباب زربت فتحت عينيا وبعدت عليه حشمانة معرف واش يصرالي كي يقرب ليا _تأفأف شفتي كي قاطعوني عليك مخلاونيش نداويك، ضحكت حك راسو وراح فتح الباب لقاها عجوزتي دخلت قاتلي بدلي حوايجك واهبطي ديري شوية غرايف
وخرجت غلق غيلاس لباب شفت معاه دؤتلو بعينيا اخرج _غير مكالاه تخمي فيا منخرجش كلش شايفو لبارح بدلي برك قدامي، اواه اخرج نحشم _ واش قلنا على الحشمة هذي صاي دوك مابقاتش حشمة بيناتنا هيا برك بدلي، مانبدلش حتى تخرج _ نحا سباطو وراح تكسل فوق سرير دار يدو تحت راسو وكلعلي حواجبو، منيش خارج بدلي هيا راهم يستناو فيك لتحت كون طولي يفهموك غالط _ جبدت جبة تاع دار وربعت في الارض نحيت واش كنت لابسة بزربة طلعت راسي لقيتو تقعد من بلاصتو ويشوف معايا زربت غطيت روحي _ غيلاااااس احشم، منحشمش كملي برك غطيت روحي مليح بالقندورة لي كنت لابسة وزربت لحت جبتي فوق راسي خرجت يدي وهبطتها بشوي، شفت معاه وطلعتلو حواجبي _شح فيك ماشفت والو، مزالو الأيام ونشوف كل يوم وغمزلي _ ايه في منامك، كل يوم تبدلي قدامي هك وضوء شاعل وبالواقفة نشوف كلش hd _ جيت راح نجاوبو صونا تيليفونو سكت رحت عدلت ماكياجي وهو كمل يهدر كي كمل قالي غدوة صباح نروحو لدارنا باه ديري حسابك محتاجيني في الخدمة طبقت تصديرتي خبيتها وهبطت انا وياه هو خرج وانا لقيت عجوزتي موجدتلي لقصعة في الارض حكمت جبتي من لتحت غربلت فوقها دقيق بعدها فرغتو في القصعة درت البغرير طيبت شوي وكملت مرت سلفي طيباتو وجدت شوي في صحن عسلتو ودرتلو سكر عيطت لغيلاس جا مديتلو علبالي يموت على لغرايف طلعت لشمبرتي فرزت حوايجي خبيتهم في فاليزتي دوشت وجبدت شعري لبست شورت وبيستي ودخلت في بلاصتي رقدت تعب العرس رجع عليا مانضتش حتى لحق وقت العشاء جا نوضني غيلاس لبست روبتي وهبطت تعشينا معاهم وودعناهم كي كملنا طلعت مع غيلاس سهرنا مع بعض شوي ورقدنا باسكو صباح نوضو بكري …