#مـتـاهـة_ديـهـيـا (جـنـتـي الـمـلـتـهـبـة)

الجزء 28

#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_28

دخلت عند الحفافة نفسها لي مشطتلي في حنتي ولبارح دارتلي ماكياج تقريبا سامبل وشعري جبداتو وخلاتو مطلوق وشوي خصلات دارتلهم بابيليز دارتلي الجبين لبست الملفحة الشاوية وفوقها البرنوص وعيطتلو جا داني _ كي ركبت معاه طلعلي البرنوص على وجهي، راكي غير تزياني وتهلكيلي في قلبي بشوي عليا قلبي مايتحملش الحلاوة هذي كامل ابنت العم _ تعيش عينيك الملاح، يعني لازم تروحي ليوم عندهم انا زوجت بيك على جالي مشي على جاب باه تشوفيهم هوما واكت يكمل نهار اليوم ونروحو لدارنا وحدنا واحد مايديرونجينا واش رايك نخطفك منهم ديراكت لدارنا _ضحكت بالصوت اواه ماتصلحش لازم نروح اليوم هذو هوما العادات لازم نطبقوهم ، #### العادات تاع شكوبي هذا ربي يصبرني برك _ضحكت امين، اضحكي اضحكي اباردة القلب نورمالمون انت لي تقوليلي اخطفني انت خير منهم، والله ماذا بيا راني عيانة وراح نزيد نعيا من تبدال بصح الله غالب لازم نكمل نهار اليوم وبعدها اخطفني على روحك، معليش اسمعي كون يقلولك وريلنا نويزات تاع البارح ردي بالك ردي بالك ردي بالك توريهالهم ولا تمديهالكم اذا حابة تخسريني مديهلهم حتى لو كانت يما ويماك مكانش منيش طحان حتى يشوفو نويزات مرتي يما راني وصيتها متهدرلكش عليها بصح بلاك يماك تطلبها ولا مهم راني وصيتك قوليلهم غيلاس مايخلينيش واسكتي حركت راسي بايه دار اغنية سلمى رشيد سمعني نبضك وديمارا حطيت راسي على كتفو اغنية هادئة رومانسية روعة نفسها لي دارهالي البارح ماكنتش نحب النوع هذا مي هو ردني نحبو بقيت سمعني نبضك دفيني بنار حضنك … كي لحقنا لرودهم ولا يصوني بطموبيل ولاو نساء يزغرتو لقاتنا عجوزتي عند الباب هي ونساء سلافي صبحنا عليها وباركتلنا _هاهي ايما امانة عندك ماتعيوهاش بزاف _ حشمني مالقيت وين نحط وجهي ويماه ونساء خاوتو يضحكو قاتلو عجوزتي راح ناكلوهالك كي جي تلقى شعر ناض يضحك وخرج جابلي فاليزاتي وراح سقساتني عجوزتي اذا فريناها ولا لالا قتلها ايه فريناها ولات تزغرت طلعتني لشومبرتي انا وغيلاس وطلعولي فاليزاتي جاو عندي نساء خاوتي وبنات عمي وخالتي باسكو باتو هنا باركولي وقعدو معايا شوي يسقسيو على لبارح اذا فريناها ولا مزال نطقت خالتي جبتي نويزات _ طلعت حاجبي وشفت معاها قاتلي ىاهي وصاتني يماك تمديهالي حتى تجي هي نمدهالها باه توريها لباباك وخاوتك قتلها مانمدش هكذا وصاني راجلي ويما كي جي انا لي نفهمها _ معليش بينك وبينها ابنتي مهم ربي يهنيك وخرجت هي، نحيت البرنوس كي شافوني نساء خاوتي وبنات عمي تاهو فيا نطقت اميمة الله يبارك مشاءالله راهو طايح عليك واحك السر مشاء الله يقولو بلي الوحدة لي تصون روحها لراجلها في صبوحي تاعها يطيح عليها سر هذا ولي ماتصونش روحها فصبوحي وجها يكحال، عيشك جبيبتي عينيك الملاح حتى من لخرين قالولي صح طاح عليك السر كاين لي قالت الله يبارك وكاين لي مقالتش هوما يسوفو معايا وانا نقرا في المعوذات العين حق …