#مـتـاهـة_ديـهـيـا (جـنـتـي الـمـلـتـهـبـة)

الجزء الثاني

#مـتـاهـة_ديـهـيـا (جـنـتـي الـمـلـتـهـبـة)
#ميار_إنصاف
#الجزء_الثاني

فاتو أيامات وشهور وعلاقتي مع أمين شوي متوترة الأيامات هذو وأنا زدت أهملتو باسكو راني مع الميموار بقالي شهر ونتخرج أنا هك لحقني ميساج من نميرو جديد كي قريتو من صدمة وليت نضحك بهيستيرية «ماتحشميش تخرجي مع واحد متزوج وبولادو قلو عليك رجالة اواحد #### بصح اصبري كون مانفضحكش مالا وراجلي غير اجبدي عليه لا تولي سيرتك على كل لسان واذا ماصدقتيش هدرتي ارواحي غدوة للبلاصة هذي وشوفي بعينك واذا فيك غرااام كرامة اخطينا حسبي الله ونعم الوكيل فيك راح دمريلي حياتي وزواجي وتشتتي شمل عائلة وتيتمي ولاد» اواه بلاك غلطت موحال تكون تهدر على أمين بلاك كانت راح تبعثو لوحدة خلاف وغلطت فنميرو جيت راح  نعاودلها مالقيتش عندي لكريدي درت خيمار ولبست ليكات فوق لبيجامة وهبطت للفوايي جبت تيكي وزربت طلعت الخطوة بعشرة طابيت نميرو تاعها ويديا يرجفو خايفة بزاف من الاجابة لي رلح نسمعها ياربي وتكون غلطت برك ياربي مانتحطمش أول مرة نغلط هك ياربي اغفرلي بصح متعاقبنيش هك طاحتلي دمعة سخونة على خدي مسحتها ودرت شهيق زفير وعيطتلها كي بدا تيليفون يصوني قلبي قريب حبس تالمون يخبط بزاف شوي وهزت هظرت بصوت رقيق الو ديهيا _وي ديهيا شكون انت، انا منال مرت أمين وام ولادو _يعني هدرتك في لميساج صح أمين متزوج ياك؟! ولات تبكي ايه متزوج وانت راح دمريلنا حياتنا تعيشي اخطينا خافي ربي راكي ولية كيفي وتحسي صعيبة عليا راجلي كل يوم يخون فيا معاك ومنقدر ندير والو ريع ولاد وين نروح بيهم سمعت صوت بيبي يبكي موس ومشا في صدري _اسمحيلي مكنتش علبالي بلي متزوج ربي يهنيكم وزريت كوبيت طفيت تيليفوني وحطيت راسي بين يديا ونبكي صعيبة بزاف عليا كيفاه سبع سنين وانا معاه ومافقتش بلي متزوج وعندو ولادو كيفاه خدعني الوقت هذا اكل جاو بين عينيا بابا وخاوتي أكيد ربي عاقبني كي خنت ثقتهم نستاهل أكثر من هك نضت توضيت وحطيت سجادة نصلي ونبكي دعيت ربي يفرج عليا ويقويني ويخرجو من قلبو من اليوم قصتي مع أمين خلصت رجع من الماضي راح يبقى نقطة كحلة في حياتي شعلت تيليفوني رسلتلو ميساج كل واحد يشوف حياتو من اليوم ماتعرفني مانعرفك دخلت للفيس بلوكيتو ونحيت الفيس تاعي فتحت واحد جديد وقررت نبدا حياة جديدة بعيدة عليه
لاكن ماكنتش عارفا بلي تغيير لي حاباتو والبعد راح يجي تيار وجادبية تجدبني ترجعني للأول ونبقى في نفس الدائرة الملتهبة ويديا مقيدين بلهيب النار .